Márko 9:24 - Fayam Midhab Yiesu Kiristoká He Hol Af Iđiny Kaanaká

²⁴ Íny ˈjaalle Yíésu ki buoy, gil efe, kieye, Yáá iiy yie. Ye ˈdú ˈjé, hát ˈdabaanká iiy yeedhe! yie.

Márko 9:24 ပူးပေါင်းရင်းမြစ်များ

Márko 9:23

Aalé Yíésu mú geey, Har kín uˈdoka, chíe? Máádhat Waag iiy yieka, he lulle met haí gaa keeme, mú yie.

Márko 9:25

Yíésu nyesebich ali ˈdu gáá kirmita argeká, aryaan ˈdeewallá ki ˈday, kieye, Kó af ubaa nee mánnal, he yú ko ki mure, íny yé gaa ˈdé! Ha geđ íny híliny! yie.

Lúka 17:5

Aalé gál alb fimiká Máá Guđoká geey, kieye, Iiy yeenkínyo héérsish, yie.

Lúka 7:38

Aalé ka chimieká Yíésu kí ˈjobonte, mú ˈdaa ˈgas metoká kí ˈdiiyye, imiro ˈjiibiche. Imiro giri Yíésu ˈgas ˈdug ˈdú ˈdaneká meenyle dhúrle ki shugudiche. Min mú ˈgas met ˈduunguanne, mú sáláb giri usiyyoká ˈgas met shugudiche.

Lúka 7:44

Aalé mu Símon min gíl ki helie, kieye, Kó minnééllá argiyyo? Yú ˈbíl kuallá ka hileká, kuun kó bíé yú ˈgas ˈjiˈjiatká ye ma ka shíiny. Minnééllá íín imirollé ye ˈgas ki ˈjiiyye, in ye meenyle dhúrle ki shugudiche.

He Ekeny Gál Alb Fimiká 10:19

Aalé Bétiro hátlé héllé arge kinaal taawueká Hím Naasan Waaˈgiet hí geeyche, kieye, Bá dháash, gálaat seđ ko hegete.

He Ekeny Gál Alb Fimiká 10:31

kieye, Kornélios, Waag hé Waag visankú maalle, tá hé kua gál he maamanká shigichoká hé úba méká ˈgayyo.

Korínto ki Naamaká 2:4

Warˈgat kinaallá yú ka vereneká, yáá geer gaa méént ma kí véériny, geer ˈdéént ubaa imiro yú kí veere. Tá yáá kieye, gáál geer gaa ˈdeeneye, ma yéen, he giri gielmit guđo-, yú hí ka ˈguoká hí kiimisatoká.

Eféso 2:8

Itín meka ˈdúˈjím Waaˈgieto hí ki biiyye. ˈDúˈjím hí argiyyééllá he ˈdaa giri hí Yiesu Kirísto iiy chieká. Hééllá hé ˈdaakícho yé ma gáá ˈdíiny, Waago hí ká shiiche,

Filíbi 1:29

Itín ˈdaa Kiristoka, Waag hé hí iiy yeen tákámle ma shíiny, hé úba hí kár midhaballá af kí fuˈde, giri Kirísto ˈdaalle ˈdugaka hí maanyjayyaká.

Dhesaloníke ki Naamaká 1:11

ˈDaa kinaallá ˈdugaka in ke hí aadh lulle Waagkúnno kí vivita, giri iđiny kíchia muí kí víéllá mu hí gál ˈdúwa-, iđiny kinaal ki ijoká ka tuoyo-, héétí mú fargogintle ˈdaalleka muí he feditkíchía midhabká ubaa he ekeny kíchia iiy yeenkícho yé gáá ˈdeˈdeenká lulle muí đuusuoká.

Dhesaloníke ki Naamaká 1:3

Nyaaramkínyo, ˈdaakíchoka aadh lulle Waag gielmít nyí hol ˈdú nanniyyoká taglé. Waag nyí gielmít hol ˈdú nanniyyáállá, he ˈdaa giri iiy yeenkícho súm higirayyo-, gielmit hí hol ká ˈgayyaká úba súm guuđanatallá.

Tímote ki Naamaká 1:4

Imiro kua ˈgayyeká yáá mé ká ˈguo. Yáá tág ko fiirie, ko aargiroká fedo, giri geer súm ye gaa memeetká.

Héberew 12:17

Hát káána hí ógallá, hé kinaal el ˈdaal Ésaw hát he fedeká, ˈjaalle ˈdú ˈguunuminy urgúaka baabá hí inylé guđoká ˈdú ˈgunnuanká hí ˈdú ˈgunnuanká he fede. Har úba Ésaw buoy-, gil efe-, ˈdú ˈguunuminy kinaal aargireká fedeka, hé ˈdú ˈguunuminy kinaal ma árginy. Hé kinaallá he ˈdaa giri mu guchlé iny guđoká marte-, hát níínní geđi hol ka naasatká mánká.

Héberew 12:2

Máá iiy yeenkúnno mé gáá kodhdhe-, iiy yeenkúnno ˈduuwasuo-, Yíésu lééllá kí taalle in gaa kuokuo. Geer gaa meen ka chiimet-, muí onnoy kinaallá ˈdaalle ˈdugaka in mu ˈgór đarám yaalká kúfáchle gaa nadhe, manyjany il hí argiyyeká ubaa eesheny gaalí egesheyká ma đíin. Mú kúfáchlé kinaallá el ˈdaal in mu kara guchi-, Waaˈgietká ˈdaa naaniet yíéđie.

Héberew 5:7

Bár giri Yíésu les ˈdug ˈdú ijeká mu hé Máá fargogint gálaat kúfach gáá bibisichoká ˈguoká gil ki egefe, hé mú af gaa guđoká ki vivite, imiro ˈjiibie. Tá ˈdaa giri mu Waag kian ka ˈguoká mú hé Waag hí af maalle.