Márko 9:12 - Fayam Midhab Yiesu Kiristoká He Hol Af Iđiny Kaanaká

¹² Aalé Yíésu gáál ˈdéé hol ˈdú nie, kieye, Taglé, Elíya he máá erkob ká yimet-, he lulle tág kokuoká. Tá háteka Iny Máádhat ˈdugaka Warˈgat Waaˈgiet gaalí gaa veere-, mu súmo maanyjaa, tá ha gaalí điidhma, gaalí yíel?

Márko 9:12 ပူးပေါင်းရင်းမြစ်များ

Matááyo 16:21

Ameeny kinaallá in Yíésu lalille geey, giri Yerúsalem mé nannuo-, ál kinaal káru ubaa gál guguđo-, suoryoká tá gál nyatalaamká hí manyjasiny guđoká mé ki kokuo-, gaalí yeges-, tá kúlích ki seđeká Waag hí logolnoycho-, Waag hí uushich yé gáá ˈdeđichoká.

Matááyo 26:24

Warˈgat Waaˈgiet hé hoteká hai ˈduuwaa, Iny Máádhat ha gaalí yeese. Tá máá Iny Máádhat gál hí oos ˈguoká gíl geer gaa kakawká, ebá he hí ki ˈdéen! Máá kinaallá onnônyka ma ká ˈdalaanka kalat, Yíésu hí gáál yie.

Márko 10:33

Mu kieye, Bá dhaayyíe, muun Yerúsalemo ke seseme. Ál kinaallá Iny Máádhat gál guguđo-, suoryoká ubaa gál nyatalaamká gíl geer ha gaalí gaa kakaa. Gaal mú kúfach mé hai ki kokoo, tá mú kídh hai ká higita.

Márko 9:13

Ha yú hí geey, Elíya íín hé ká yimie, hát giri Warˈgat Waaˈgiet hí hoteká, he lullé mákártaká gáál ger hí fedeká hé gaalí ki ekey, muí yie.

Lúka 1:76

Kó veel chial, kúún Waag Úr Iđoká máállé ˈdéé ka shigichoká cheedhe. Kúún Máá Guđoká met ha naata, mú ˈgíéríchle met tág ha kooyyo.

Lúka 23:11

Aalé Heróˈde ubaa yuoyle mú eeshey, mú he gaa ˈdeey. Gaal đafar máá kansich hí kakaatká mú kuch gáá bue, mú Bilááto hol ˈdú nie.

Lúka 23:39

Gál giri he ˈdeeđeney-, gaalí ˈguor đarám yaalká ˈdú ˈdisseká mú tikiˈd Yíésu fichile, kieye, Kúún kó Messíya muunîny? Hol rig! Nyíín úba nyí rig! yie.

He Ekeny Gál Alb Fimiká 1:6

Aalé gál alb fimiká ubaa Yíésu hol ˈdu gáá yimieká, gaal mú heete, Máá Guđo, kúún aalé káána gál Yisirayello kansím hol ˈdu gáá nanniyya? gaalí yie.

He Ekeny Gál Alb Fimiká 4:11

Yiesu Kirísto íín he máá Warˈgat Waaˈgiet hí hogote-, kieye, He ár it giri é ˈdiˈditaká hí điite-, tá ˈduway-, ˈbíl ali ki chichiratká.