Márko 8:38 - Fayam Midhab Yiesu Kiristoká He Hol Af Iđiny Kaanaká

³⁸ ˈGál kulichallo-, Waag hay-, ađaabano ˈgúóllá máá mákárta-, yú ubaa ˈdeenychú ˈdugaka kern hí ˈgiidhoká, Iny Máádhat máá kinaallá argeka úba kern haí ˈgiidha. Hé kinaallá he af giri mu édhúm ˈJaalle kí yiimet-, ubaa gállé ˈgasso-, urru-, Waaˈgietká hol ká egeetká, muí gáál yie.

Márko 8:38 ပူးပေါင်းရင်းမြစ်များ

Matááyo 12:39

Yíésu íín gáál ˈdéé hol ˈdú nie, kieye, Gál hé gaa nyakarichká geer ki sisidho-, Waag hol a taak gaa nieká in hé gáál af ˈdaˈdabsuoká aargiroká fede. Tá gáál hé máá níínní hí hé kinaallá aargisuoká mán. Hé gaal hí aargiroká tikiˈd tákáma. Hé kinaallá héllé ki égká he yaalmit máá Waag hí ˈdeem ka shigiche-, Yónnas léká.

Matááyo 13:41

Kúlích biiy el ˈdaˈd kinaallá yáá Iny Máádhátallá gál chia ˈgasso-, urruká ali ha ká fafaa, gaal Guchchú gál gálaat ađaabano met ki kokuoká ubaa gál hé gaa nyakarichká gaa seseenká lulle hollo hol ˈdú shuguna,

Matááyo 16:27

Yáá Iny Máádhátallá guch ˈJaachú ha kí yiimedhe, ubaa gál chia ˈgasso-, urruká hollo nyí hol ká egeete. Af kinaallá gálaat lulle héllé eekemeyká eiyyo yú hol gaa nannaa, gál hé midhabká eekemeyká hé shiicho ha yú shigia, gál hé ˈdeđewká eekemeyká íín he il haí aargiˈda.

Matááyo 16:28

Tá yú hí hé ˈdúwaká geeye, gál állá ˈgíéllá ˈbaal hé ma kufuminy, ˈdaab yáá Iny Máádhátallá Guchchú ma kí yímen-, ye ma árginyká.

Matááyo 16:4

Gál hé gaa nyakarichká geer ki sisidho-, Waag hol a taak gaa nieká in hé gáál af ˈdaˈdabsuoká aargiroká fede. Tá gáál hé máá níínní hí hé kinaallá aargisuoká mán. Hé gaal hí aargiroká tikiˈd tákáma. Hé kinaallá héllé ki égká he yaalmit máá Waag hí ˈdeem ka shigiche-, Yónnas léká. Yíésu hí gáál yie. Aalé Yíésu đo gáál in ká kie, ali gaa sedhe.

Matááyo 24:30

Aalé hé gálaat yáá Iny Máádhátallá ˈjímchú aargisuoká úr ha gaalí gaa aargira. Aaléka, kidh met lullé les gaa ijoká hai beeme. Gaal yáá Iny Máádhátallá hát nyáˈdow kí yiimet-, fargogínt ubaa ˈduuw guđoká kí leledhoká hai aargira.

Matááyo 25:31

Yíésu geđi kieye, Af giri Iny Máádhat guchle kí yiimet-, gál ˈgasso-, urruká lulle hol ká egeetká, mu karallé kansimoká hai ˈdú yíéđima.

Matááyo 26:64

Yíésu mú geey, kieye, He hát hotééllá. Tá yú hí geeye, itín bár ˈdaatika, yáá Iny Máádhátallá Waag fargogínt lulle ˈgayyoká gíllé ˈdaa naanietká ijo-, nyáˈdow kí yiimetká haí ye aargiˈda, Yíésu hí gáál yie.

Matááyo 8:20

Aaléka, Yíésu mú geey, kieye, Mana godollé he gaa ija, hurum hé ényle ˈguo, tá yáá Iny Máádhátallá yáá ál ˈguo-, mé les ˈdú igifuoká mán, yie.

Márko 13:26

Aaléka, gálaat Iny Máádhat nyáˈdow hát kí yiimetká hai aargira. Mu fargogínt ubaa ˈduuw guđoká hai kí yiimedhe.

Márko 14:62

Aalé Yíésu kieye, He yú. Itín Iny Máádhátallá Waag fargogínt lulle ˈgayyoká gíl ˈdaa naaniet yíéđian-, tá nyáˈdow urruká kí yiimetká haí aargiˈda, yie.

Márko 8:37

Máádhat sídhle hé hé lesalloká in gaa nannuo ririan?

Lúka 19:26

Aalé máá giri guđoká kieye, Yú hí geeye, máá hé gaalí gíl geer gaa kaayká tág chiratká, hé éíy taaka úba ha gaalí shigia. Tá máá hé gaalí gíl geer gaa kaayká tág ma ki yaalinyká héllé gíl ká ˈguo kinaal ha gaalí gaa egedhdhe.

Lúka 9:26

Máá yú ubaa ˈdeenychú ˈdaalle ˈdugaka kern hí ˈgidhoká, yáá Iny Máádhátallá bár édhúmchú ubaa édhúm ˈJaachú, tá gál ˈgasso-, urru-, Waaˈgietká édhúmle kí yiimetká máá kinaallá ˈdaalle ˈdugaka kern úba ha ye ˈgiidha.

Yuána 1:14

Aaléka, Máá gaalí ˈDéé yegetallá máádhat yie, múún gáál hurt gáá yíéđie. Mú guchlé ˈdúˈjím ubaa ˈduuw guđoká ˈgayyóóllá íl kínyaa nyí ki argiyye. Guch muí ˈgúóllá he ˈdaa giri mu íín he Iny ali ka takach-, ˈJaalle Waagká.

Yuána 1:51

Yíésu geđi mú geey, kieye, Yú hí hé ˈdúwaká geeye, ur af hí furme-, gál ˈgasso-, urru-, Waaˈgietká úr mé nannuo-, tá Iny Máádhat ˈdu gáá leledhoká haí aargiˈda, Yíésu hí gáál yie.

Yuána 12:34

Nyesebich kieye, Warˈgat Waaˈgiet hé nyí gaa maaleká kieye, Messíya bííyyo ali he ija, he chie. Tá háte geđi kúún kieye, Iny Máádhat lesso gaalí gaa egee? chegedhe. Iny Máádhátallá he mááya? gaalí mú yie.

Yuána 5:27

Hé úba Íny hemurit máálle gálaat ˈdéé ki iđimuoká shie, ˈdaa giri Iny he Iny Máádhatká.

He Ekeny Gál Alb Fimiká 10:22

Aalé gaal mú geey, kieye, Nyíín máá yuoy kúˈd tikiˈd mé ki yaal-, gaalí Kornélios yeget mare nyí ali ká fie. Máá kinaallá he máá ˈdúwa-, Waag kikiat-, gál Yuuˈdi lulle hí memeyoká. Máá ˈgasso-, urru-, Waaˈgieto mú geey, giri mu ko ká kekero-, hé hogotoká muí mamaloká, gaalí mú yie.

He Ekeny Gál Alb Fimiká 5:41

Aalé gál alb fimi kinaal ar álle gaa kieká, ger hí gaa meedhe, ˈdaa giri gáál gaalí ˈdaa meeny Yiesu ki manyjasieká.

Róóma 1:16

Fayam Midhab Kiristóóllá ˈdugaka kern hé ye ma ˈgiˈgin, ˈdaa giri fayamééllá Waag hí gál Kirísto iiy yegetká lulle ki ririannoká. Fayamééllá erkob gál Yuuˈdi hí maale, tá gál gál Yuuˈdi muuninyká yé ˈdú ˈdiiyye.

Galátia 6:14

Tá hé yú hol bal ki ˈdaraanká tikiˈd tákáma, hé kinaallá he Máá kúnnaa Guđo Yiesu Kirísto ˈgórlé đarám yaalká. ˈGór đarám yaal kinaallá ˈdaalleka yáá lésallá gaa ˈgite, les íín hé ye gaa ˈgisate.

Dhesaloníke Erká 2:19

Itín it tág hé nyí met egeteká ubaa geer gaa meen hí nyí shigiche. Hé kínyaa af giri Máá kúnnaa Guđo Yíésu ka ˈjieka nyí mú metle ˈdúúw ki aargiˈdoká he máre? Hé kinaal hé itín muunîny?

Dhesaloníke Erká 3:13

giri hí iiy yeenkícho tagano gaa ˈgiiyya-, Máá kúnnaa Guđo Yíésu ká ˈjieka itín ubaa mú gállé hí iiy yieká lulle hí ˈJaa kúnnaa Waag metle gál ˈdeensen mán-, ˈdúwaká gaa chegetoká.

Tímote ki Naamaká 1:12

Hé kinaallá ˈdaalleka in yú manyjany gaa ija. Tá yú yáá kern ye ma ˈgiˈgin, ˈdaa giri Máá yú iiy yíéllá yú ógká. Tá ˈdaab kúlích biiy el ˈdaˈdká hátlé ali ma kí ˈdíinyká mu hújích ye gíl geer gáá kaayallá hát in ki ˈdeenká gon yáá óg.

Tímote ki Naamaká 1:16

ˈBíl geer Onesiforos Máá kúnnaa Guđóóllá hí geer guurá aargisuo, ˈdaa giri mu ye a burnayká ki yiel-, nyárug ye ki taalallá ˈdugaka kern hí ma ˈgíˈginká.

Tímote ki Naamaká 1:8

Aaléka, Máá kúnnaa Guđóóllá fayamle ˈdiyeennoká kern hai ko ˈgíˈgin, héétí yáá mú ˈdaalleka hiigin gaa ijóóllá yaalmit chiallá hai úba ko kern ˈgidhîny. Tá ˈdaa fargogint Waaˈgietka, Fayam Midhaballá manyjanyle kí hol ˈgar maanyjaw.

Héberew 11:16

Gaal lés lésal ˈdú ˈdúwa-, uratiká hé ˈdú lađame. ˈDaa kinaallá ˈdugaka in Waag gaalí gáál Waagle yegetallá kern hí ma ˈgiˈgin. Gáál Waaglééllá hé gáál ˈjien biiyo-, uratiká ki ˈdite.

Héberew 11:26

Móshe hé shiicho Waag hí shigichoká hé mé ká ˈgie, in aalé eesheny gaalí mú egesheyká ma đíiny. Mu eesheny il hí argiyye-, hát káána eesheny gaalí Kirísto eeshey kinaallá, hé súm kamur lés Misirayim ˈgany ˈdú ˈdúwaká muí ká dhaay.

Héberew 13:13

Aaléka, kí mú é sug ˈdú siet, eesheny muí arge kinaal úba il hí gáál argiyyo.

Yákob 4:4

It Waag af gaa taannéel, hé lesalloká geelnetle hát Waag nebítiká it múog? Máá hé lesalloká geelnetká kídhích Waaˈgieto hol hoy.

Yuána Erká 2:23

Máá Iny Waaˈgietallá điidhoká, hé ˈJaa kúnnaa Waag hí ma lileny. Tá máá Iny Waaˈgietallá ˈdúúw hoteká, hé ˈJaa kúnnaa Waag hí lé.

Yuána Erká 2:28

Aaléka, umééllo, mú gaa yíéđía, giri mu hol ká nadhe-, ke mú il ki argeka, ke sierm mán-, mú metle kern hí gáál ma gaa ˈgiˈginká.

Kí Edhesiny 14:10

máá kinaallá Waag idholle ˈduunylé kamadhe-, Waag kulullé idhoká gaa ijoká hai igima. Máá kinaallá Waag gállé ˈgasso-, urruká ubaa Élíny metle ˈjiet ubaa waar ˈjiet hí gaa boloonká haí maanyjasia.