Márko 8:34 - Fayam Midhab Yiesu Kiristoká He Hol Af Iđiny Kaanaká

³⁴ Aalé Yíésu lalille ubaa nyesebich hol ˈdu gáá vie, kieye, Máádhat ye el gáá verenoká fedoka, hí hol điidho, hí ˈgórlé đarám yaalká eet, hí ye el gáá veero.

Márko 8:34 ပူးပေါင်းရင်းမြစ်များ

Matááyo 10:38

Máá ˈgórlé đarám yaalká ma een-, ye el ma gáá véérinyká, hé mááchú muuniny.

Matááyo 16:24

In aaléka Yíésu lalille geey, kieye, Máádhat ye el gáá verenoká fedoka, íín dhúrle erkob hí hol điidho, hí ˈgórlé đarám yaalká eet, tá hí ye el gáá veero.

Matááyo 27:32

Gaal ˈgíéríchlé gaa igireká, gaal máá gaalí Símon yeget-, máá ˈjien Kurene mare hol ˈdu gáá fame. Yuoy ˈgór đarám yaal-, Yíésu hí ˈgieká mú ˈdú moyche, giri muí siidhoká.

Márko 10:21

Aalé Yíésu mú gaa dhaay, mú geelnedhe, mú geey, kieye, He tikiˈde tákáma ko gaa laʼ. Sí, he lullé ˈgayyoká bíre yío, bíre kinaallá gál he maamanká eiy gis, kamur guđoká úratíá ha gaa aargiˈda. Hééllá đusicheka káde, ye el gáá véer, Yíésu hí mú yie.

Márko 7:14

Yíésu geđi nyesebich ká vie, kieye, Lulkícho ye af nee kóo, ˈdeenyééllá eiy naatíe.

Lúka 13:24

Laađamíe, káráf gaa chálká nadhíe! Yú hí geeye, gál burnayká kár kinaallá ki higiloká hé fedo, kor hé ma higiliny.

Lúka 14:33

Hát tikiˈde kinaallá, itín máádhat ˈdaachúka les ma yíéđiny-, hol ˈdéé mé ma gaa een-, héllé lulle ˈguoká ye ma ˈdú hanyka, hé máá lalichú ma yegen.

Lúka 18:22

Aalé Yíésu héél maaleká mú geey, kieye, He tikiˈd tákáma hátle ko gaa laʼ. He lullé kua ˈgayyoká mádish, birmle gál he maamanká eiy gis, hát kinaallá in kamúr úratíá gaa aargiˈda, tá káde, ye el gáá véer, Yíésu hí mú yie.

Lúka 20:45

Gálaat lulle hátlé ali ˈgieká Yíésu lalille geey, kieye,

Lúka 9:23

Aalé Yíésu gáál lulle geey, kieye, Máádhat ye el gáá verenoká fedoka, hí hol điidho, hí ˈgórlé đarám yaalká aadh lulle ˈgáár ki siisidho, hí ye el gáá veero.

Yuána 10:27

Walachú hé afchú maalo, hé yáálle hí óg, ye igiro.

Yuána 19:17

Yíésu ˈgórlé đarám yaalká eedhdhe, gaal sedhe, ál gaalí Ál Me ˈGonte yegetká mé nie. Ál kinaallá af Heberewka, Golgóta, gaalí yegedhe.

He Ekeny Gál Alb Fimiká 14:22

Gaal ˈjien kinaal gál láliká yiir gaa chiˈde, gáál af tie, giri gaal hát ˈdabaanká iiy yeen tág chiiratká. Gaal gáál geey, kieye, Guch Waaˈgiet ki higiloka, hát hé guđoká il hí gáál aargiˈdoká kí onnow, gaalí yie.

Róóma 6:6

Aaléka, hééllá onnóo, muun yaalmit kúnnaa kisso-, ke ki ijeká hé ubaa Kirísto ˈgór đarám yaalká ˈdú kufe, giri muun balt gonniet fargogintle ke gim yé gáá ˈdeˈdeen-, ke geđi ađaabano gim ma gaa iđinyká.

Róóma 8:17

Aalé káána ke Waag umle yíéllá, Waag hé umle af iđicheká úba ha ke aargira. Héétí har muun hát Kirísto manyjayallá ke úba Kirísto ˈdaalle ki manyjayka, Waag múún Kirísto ˈgarro gáál hol ˈduuwasicha.

Korínto Erká 15:31

Nyaaramchú, yú aadh lullé kufach ye kí higila. Hééllá he ˈdaa geer gaa meen it Máá kúnnaa Guđo Yiesu Kirísto iiy chieká yú hí gaa argééllá ˈdaallé yú ki ˈdodhdhe.

Korínto Erká 8:13

Aaléka, so chia yú kokuoká har nyárchú ađááb mé ki kokuoka, yáá af kinaalka geđi so ma kokony. Yáá hé nyaaramchú ađaabano higilsuoká ma ekemeny.

Korínto Erká 9:19

Har káána yú máádhat gédéchle muuninyka, yáá káána gálaat lulle gédéchle hol hoy, giri hát lulle lađaan-, gál burnayká Kirísto ˈdu gáá egewká.

Galátia 2:20

Aaléka, hát Kirísto ˈgór đarám yaalká ˈdú kufééllá in yíéđiny chia kis yú ki ijeká úba kuyye. Luolmit káána yú ˈgúóllá hé luolmitchú muuniny, he Kirísto luolmitlé ye gaa iđa. Luolmit yú ˈgúóllá iiy yeen chia-, yáálle Iny Waaˈgiet ye giel-, ye hol ˈdu gáá sillie-, yú iiy yieká ˈdaallé ki taalla.

Galátia 5:24

Gál Yiesu Kirísto hí lééllá hé balt gaa nyakaridhe-, hí gónle gaa iđeká ˈgór đarám yaalká ˈdú reey.

Galátia 6:14

Tá hé yú hol bal ki ˈdaraanká tikiˈd tákáma, hé kinaallá he Máá kúnnaa Guđo Yiesu Kirísto ˈgórlé đarám yaalká. ˈGór đarám yaal kinaallá ˈdaalleka yáá lésallá gaa ˈgite, les íín hé ye gaa ˈgisate.

Filíbi 3:10

Yú Kirísto nyí hol liilet-, fargogint máálle uushich yé gáá ˈdieká ye gaa iđo-, hát mú manyjany il hí argiyyeká yú mú ˈdú maanyjaw-, har kúfách muí kufeká úba kufunanká kátaka, fede,

Filíbi 3:7

Yaalmitééllá lulle ˈduuw mákárta-, yú gaa argeká, káána ˈdaa Kiristoka hát hé ˈdúúw mánká yú ká dhaˈgama.

Kolosááya 1:24

Aalé káánaka, manyjany chia ˈdaa kíchoka, il hí ye aargiˈdóóllá geerle hé ye gaa meedhe. Manyjany chia ˈdaa Kiristoka gónchú hí aargiˈdo-, kor ˈbaal hátle ye met gaa iđo-, il hí ye aargiˈdoká ˈdaa gón Kiristo he ki taalla. Gón Kiristóóllá he gál Kirísto iiy yieká.

Kolosááya 3:5

Aaléka, húgúm lesalloká, hát káána herginy gálle hol ma shúúnanká, féén ˈgany, babát ˈgany, he fedit gaa nyakaridheká, tá gajálti, hol ka ridhdhíe. Máá gajált ˈguoká hé fedo kinaallá he waagle hođita.

Dhesaloníke ki Naamaká 3:11

Hééllá nyí hogotóóllá, hát gál gon hí he ma uu-uriny-, taalle alb ijo-, hujichaam ma nanniny-, ˈdeemano gálaat tákámle hursam higiloká itín hí hurt gaa ijoká nyí maalle.

Títo 2:12

ˈDúˈjím Waaˈgietallá hé gáál oonisichoká he húgúm Waag hí nébká ubaa balt lesalloká ke hol ka ririat-, ki kás kakaat-, ˈgíérích ˈdúwa-, Waag hí feˈdoká ki báral ke ki ijoká.

Héberew 13:13

Aaléka, kí mú é sug ˈdú siet, eesheny muí arge kinaal úba il hí gáál argiyyo.

Bétiro Erká 4:1

Aaléka, hát Kirísto gon hí boloyyééllá, kas tikiˈde muí ˈgúóllá far ki googóo, máá gon hí boloonká hé ˈdeđewká haađuoká.

Bétiro Erká 4:13

Manyjany hát manyjasiny Kiristóóllá ka taalká il hí argiyyeka, taalle ger hí gaa meet, giri mú ˈduuwle ká edhdheyyeka súm ger hí gaa memeet-, hí geyyeenneká.

Bétiro ki Naamaká 1:14

Hééllá he ˈdaa giri Máá kúnnaa Guđo Yiesu Kirísto yú lésallá hát ál ˈjob-, guraam hí ye gaa guuranká ye ka geeyká.

Yuána Erká 3:16

Gielmít yaalmitééllá ke eiy ki naate: He hát káána Yiesu Kirísto sídhle sillie-, gáál ˈdú kufééllá. Muun onnônyka sidhamkúnno úba gál nyaaramallá ke ˈdú silmia.

Kí Edhesiny 2:10

Manyjany ál ˈjob-, il hí gaa aargiˈdoká siermle haí ˈgíiny. Bá dhaayyíe, itín ˈbaal Sátan ál ˈjob ˈbíl hiiginká haí ki lalaanna, giri muí he af kí dhaˈgasanká. Ram tomon he il haí gaa aargiˈda. Aaléka, har úba káána kúfach kátaka, iiy yeen kíchia hí ye ká ˈgayyaká haí hâny, yú hé shiicho luolmitiká haí shigia.