Márko 8:32 - Fayam Midhab Yiesu Kiristoká He Hol Af Iđiny Kaanaká

³² Mu ˈdeenyééllá hát kaany mánká gáál geey. Aalé Bétiro mú tól eedhdhe, kerka mú afo tatie.

Márko 8:32 ပူးပေါင်းရင်းမြစ်များ

Matááyo 16:22

Bétiro đo Yíésu tól eedhdhe, Yíésu ˈdeenyle mé ˈdoy, kieye, Waag hí ko hé kinaallá af gaa layyo! Hééllá hé kuun ko mé ma gáá ˈjeeminy, yie.

Márko 4:38

Yíésu íín kadich ello he iife, đafare mé ˈdú iđie, rafame. Aalé mú lalille hí ram gaa kiisie, kieye, Máá gáál he oonisúóllo, in ke kufuma háluke, hé ko geer gaa ˈdeew mân? mú yie.

Lúka 10:40

Márta hújích guđo giri nanniyyeká ˈdaalle ˈdugaka innum gaa tiiyye. Aalé Márta Yíésu ˈdú siete, kieye, Máá Guđo, nyaarchú hát ye hayche-, yú tákámchú gólol tág nannúól, hé ko geer ma gaa ˈdeeneny? Mú géesh, muí ká kie, muí ye hujich kí chirat, chie.

Yuána 10:24

Aalé gál guguđo-, Yuuˈdiká mú ki made, mú yiete, kieye, Kúún taalle ger totom gaa ˈgiˈgisan nyí mé ki kokoyyo! Ebá kúún har Messíya kátaka, nyí hát ˈdabaanká ka géesh, gaalí mú yie.

Yuána 11:14

Aalé Yíésu gáál ˈdéé hát ˈdabaanká eiy ki nie, kieye, Lasááro hé mán yie,

Yuána 16:25

Hééllá lulle hát he hol ki ekeny-, hibanoká yú hí ká geey. Tá aadh ˈgas yú hí hát he hol ki ekeny-, hibanoká ma ká geđiny-, yú hí yaalmit ˈJaachú hát ˈdabaanká ka geđuoká ali hai kí ˈdeenne.

Yuána 16:29

Aalé Yíésu lalille kieye, Đug, kó káána ˈdeeny édhká huogote, kó hibano hélle nyí eiy ma nannasanká ma húógon.

Yuána 18:20

Aalé Yíésu kieye, Yú les ˈdeeny édhká geey. Yú bar lullé ény ˈdiiyiminyká ubaa ˈBíl Waaˈgiet-, gál Yuuˈdi-, hí hol ˈdu gáá yiimetká gálaat he gaa oonisie. Yáá ˈdeeny níínní hát shuolitiká huogodheká mán.