Márko 8:31 - Fayam Midhab Yiesu Kiristoká He Hol Af Iđiny Kaanaká

³¹ Aalé Yíésu gáál he ká onisie, kieye, Iny Máádhat súmo gaalí maanyjasia. Gál káruká ubaa gál guguđo-, suoryoká, tá gál nyatalaamká haí điidhma, ha gaalí yeese, tá kúlích ki seđeká uushich yé hai gáá ˈdeeme, yie.

Márko 8:31 ပူးပေါင်းရင်းမြစ်များ

Matááyo 12:40

Yónnas hát beech geer kulich ubaa chúúre seđ gaa ijeká, Iny Máádhat úba uushich kulich ubaa chúúre seđ hai gaa rafama.

Matááyo 21:42

Yíésu gáál geey, kieye, Tá ˈdéé hót Warˈgat Waaˈgiet gaa iđo-, giri kieye, Wár gál é ˈdiˈdisoká hí điidheká hé ˈbíl árle yie. Wár kinaallá Máá kúnnaa Guđo Waago hí hát kinaallá koy. Yaalmit ke il ki argóóllá ebá gáál af gil fafaa! chieká it ma túony?

Matááyo 27:63

kieye, Máá guđo, he tikiˈd hé nyí táb ká ˈjie, máá giri hódho lé-, Yíésu léká hé urgúa hogodhoká kieye, Yú kufeka, kúlích ki seđeká uushich yé ha gáá ˈdeeme, he yegie.

Márko 12:10

Ití Warˈgat Waaˈgiet giri kieye, Wár gál é ˈdiˈdisoká hí điidheká hé ˈbíl árle yie.

Lúka 17:25

Tá mu íín gon erkob hai maanyjaa, gál barallóóllá haí điidhma.

Lúka 24:26

Messíya hé hééllá il hí ma aargíriny? Tá hé kinaal el ˈdaal hé guchle ma higíliny? Yíésu hí gáál yie.

Lúka 24:44

Aalé mu gáál geey, kieye, ˈDeenyééllá ˈdeeny giri muun ke hol af ijeká yú hí geeyká, giri yú hí geey-, hé ˈdaachúka Móshe hí warˈgasamlé hemuumuritiká gaa veereká ubaa ˈdeeny chia gál Waag hí ˈdéé ka shigicheká hí warˈgasamle gaa veereká, héétí ubaa ˈdeeny chia gaalí warˈgat Arramká gaa veereká lulle hai ˈduuwaa, yú hí yieká, Yíésu hí gáál yie.

Yuána 12:48

Máá ye điidho-, ˈdeenychú iiy ma yeenká, hé héllé giri hí kúlích biiy el ˈdaˈdká gaa ˈdeđenset-, hí ˈdéé ki iđimuoká ˈguo. Hé kinaallá he ˈdeenychú.

Yuána 2:19

Yíésu gáál ˈdéé hol ˈdú nie, kieye, ˈBílallá eiy ˈgieˈgía, ˈbíl kulich seđ gaa ˈdissa, yie.

He Ekeny Gál Alb Fimiká 7:35

Hééllá Móshe tikiˈde giri gál Yisirayel hí điidhe-, gaal kieye, Mááya ko nyí máá arra-, nyí mé ki yaalká hoy? gaalí yieká. In Waag Móshe kinaal yaalmit máá ˈgasso-, urruká yé ˈdu gáá ˈdiiyye, ˈgór hurt gaa boloyye. In aaléka mú gállé Yisirayelká ali ˈdú kaayye, giri mu gáál ririan-, gáál lés Misirayim yé gáá ˈdeđuo-, gáál mé ki yaalká.

Korínto Erká 15:4

Héétí mú hé gaalí galie, tá gíl ki seđeká mu hé loolnodhe, Waag hí uushich yé gáá ˈdeeyche. Warˈgat Waaˈgiet úba hé hééllá hote.