Márko 7:34 - Fayam Midhab Yiesu Kiristoká He Hol Af Iđiny Kaanaká

³⁴ úr gaa dhaay, hím guđoká naate, kieye, Éfata! yie. Hé kinaal hélle kieye, Éíy ˈdé!

Márko 7:34 ပူးပေါင်းရင်းမြစ်များ

Márko 1:41

Aalé Yíésu mú geer hí ˈdú gudhdhe, gíl helie, mú đig yie, tá mú geey, kieye, Yáá fedo. Midháno! yie.

Márko 15:34

Aadh ˈgas saal ˈdoyyeká Yíésu af gaa guđoká ki buoy, Eloi, Eloi, lema sabak-dháni? yie. Hé kinaallá hélle kieye, Waagchú, Waagchú, háteka ye haychéel?

Márko 5:41

Mu véel gíl chiˈde, véel geey, kieye, Talídha kúum! yie. Hélle kieye, Ákutú, ha yú ko geey, les gaa keʼ.

Márko 6:41

Yíésu balasha giri chenká ubaa beeny giri naamaká eedhdhe, úr gaa dhaay, Waag ˈgielmít hol ˈdú nie. Mu balashá eiy ˈgiˈgidhie, lalille shie, giri gaalí gálaat af fafuoká. Beeny giri naamaká úba muí gálaat lulle eiy ki mumure.

Márko 7:35

Héél muí hodheká máá giriká đo nee hí eiy ˈdie, af hí yé ká ˈdie, ˈdéé hát ˈdabaanká huogodhe.

Márko 8:12

Mu hím guđoká naate, kieye, Háteka gál barallóól hé gálaat af ˈdaˈdabsuoká aargiroká fedóol? Yú hí hé ˈdúwaká geeye, Waag hé hé níínní gálaat af ˈdaˈdabsuo-, gáál ka aargisichoká mán.

Lúka 18:42

Aalé Yíésu mú geey, kieye, In hí ko eiy ˈdie. Iiy yeen kua ye iiy chíéllá hé ko bisiche, yie.

Lúka 19:41

Aalé Yíésu Yerúsalem ki ˈjobondhe-, ˈjien argeká, ˈjien ˈdú buoy,

Lúka 7:14

Aalé Yíésu gál íny ˈgieká ˈdú sedhe, rokoˈd iny hí gaa iifeká đig yie. Gál giri íny ˈgieká ˈgasle koy. Aalé Yíésu kieye, Inyáállo, ha yú ko geey, le gaa keʼ, yie.

Yuána 11:33

Aalé Yíésu María ubaa gállé hol ˈgieká bebime-, argeká đo geer hí súm gaa ˈdeenedhe, geer hí gudhdhe,

Yuána 11:35

Yíésu đo imiro hí gáá okoˈde.

Yuána 11:38

Yíésu uushich álle kí ˈjobondheká đo geđi geer hí gudhdhe. Úúshích kinaallá he liish gaalí wáár af gaa koy mare.

Yuána 11:41

Aalé gaal wáár ali af gaa eey. Yíésu úr gaa dhaay, kieye, Baabá, ˈdaa giri ye af maalleká yáá ko gielmít hol ˈdu gáá nie.

Yuána 11:43

Yíésu héél huogodheká, af gaa guđoká Lasááro ki vie, kieye, Lasááro, yé ka ˈdé! yie.

Yuána 17:1

Aalé Yíésu ˈdeeny kinaal beeteká đo úr gaa dhaay, kieye, Baabá, aadh ˈgas hé ali kí ˈdiiyye. Inykú ˈduwásish, Iny íín hí ko ˈduwayo.

He Ekeny Gál Alb Fimiká 9:34

Bétiro mú geey, kieye, Enías, Yiesu Kirísto hé ko bisie, le gaa keʼ, lokoˈdkú máro, yie. Ál tikiˈde kinaal Enías đo midhandhe, les gaa kie.

He Ekeny Gál Alb Fimiká 9:40

Aalé Bétiro gáál lulle yíé ˈdeey, les kurram veere, Waag vite. Aalé mu min giri mán chieká bala ˈdú nie, kieye, Tabídha, le gaa keʼ, yie. Aalé min in fuoˈde, Bétiro argiyyeká lođuđul yíéđiyye.

Héberew 4:15

Muun hé ke máá méte suoryo-, đalimkúnno geer kurshamle mánká mán, tá Máá ki ˈguoká he Máá hát múúnka Sátan hí hát lulle ki ekesete-, kor íín dhúrle ađááb ma hílinyká.