Márko 7:15 - Fayam Midhab Yiesu Kiristoká He Hol Af Iđiny Kaanaká

¹⁵ Hé níínní baaˈd gáá yiimet-, máádhat higilo-, mú ˈdeđeneyoká mán. Máádhat hé geer ki taawuo-, af gáá hogodhoká in hí ˈdeđeneye, yie.

Márko 7:15 ပူးပေါင်းရင်းမြစ်များ

Matááyo 12:34

It ˈdálto chaaráal! Itín háteeye kerka hí hé ˈdúwaká hogoto, in hé gaa nyakarichká gerkícho koch háluke? Máádhat ˈdaaka hé hí geer gaa ijoká in he hogodho.

Matááyo 15:16

Yíésu kieye, Itín úba it ˈdaalim hí he eiy ki nannasatká mân?

Márko 7:14

Yíésu geđi nyesebich ká vie, kieye, Lulkícho ye af nee kóo, ˈdeenyééllá eiy naatíe.

Márko 7:16

[Máá nee ˈguoká hí hééllá maalo.]

He Ekeny Gál Alb Fimiká 10:28

Mu nyésébích kinaal geey, kieye, Hát káána yú máá kídh éíyyallá ˈbílle ka hilééllá, nyátál gál kínyia Yuuˈdikáka hát tagle muuninyká it óg. Tá Waag hé ye he ká argisiche, giri yú máádhat máá ˈdúúw mán-, gaa nyakarichká ma ká dhaˈgaminyká.

Róóma 14:17

Guch Waaˈgiet héllé ˈdúwaká hé he kóony ubaa he ím muuniny, Guch Waaˈgiet he hát Waag hí feˈdoká ekenylé, héétí naanná ubaa geer gaa meen ke hol ki ijoká. Hééllá lulle Hím Naasan Waaˈgieto ˈdaalle yé gáá ˈdeˈdeme.

Korínto Erká 10:25

Aaléka, so mákárta-, gaalí ál hoyyoká gaa mamaduoká haí ˈgas hegésen, hí ger totom gaa ˈgiˈgísan, kookóo.

Títo 1:15

Gál saas mánká hé he lulle hí saas ki mán, tá gál iiy yeen mán-, gaa nyakarichká hé hé níínní hí saas ki mánká mán. Hééllá ˈdaa giri gáál kasle ubaa tawunyle íín gaa nyakaridheká.

Héberew 13:9

Ha he onisiny met hí hol ká eiyye-, ˈdeeny ˈdúwa-, hí onotééllá gaa taakaká hí láan. Gerkícho ˈdúˈjím Waaˈgiet hí fargoogonoychoka kalat. Nyatalaam ˈdaa ˈguomietáka gálaat hí hol af tág ki koyallá gíl sug ki hayyíe. Nyatalaam hatallóóllá gál hí el gaa veereká hé ál níínní yé ˈdú ˈdieká mán.

Héberew 9:10

Henaasanééllá taalle hé koonyiet, ubaa hé imi, tá bie gim naan met hí hol ká eiyyeká ˈdaallé he ki taalla. Atimééllá in gálaat hí el gaa igire, ˈjíig Waag gáál ˈgíérích kaanallóóllá yé kí ˈdeeyche.