Márko 6:41 - Fayam Midhab Yiesu Kiristoká He Hol Af Iđiny Kaanaká

⁴¹ Yíésu balasha giri chenká ubaa beeny giri naamaká eedhdhe, úr gaa dhaay, Waag ˈgielmít hol ˈdú nie. Mu balashá eiy ˈgiˈgidhie, lalille shie, giri gaalí gálaat af fafuoká. Beeny giri naamaká úba muí gálaat lulle eiy ki mumure.

Márko 6:41 ပူးပေါင်းရင်းမြစ်များ

Matááyo 14:19

Aalé Yíésu gálaat geey, giri gaal les yíéđianká. Aaléka, mu balasha giri chenká ubaa beeny giri naamaká eedhdhe, úr gaa dhaay, Waag ˈgielmít hol ˈdú nie. Mu balashá eiy ˈgiˈgidhie, lalille shie, lali hí gálaat eiy gise.

Matááyo 15:36

Yíésu balasha tiiyaká ubaa beeny giriká eedhdhe, Waag ˈgielmít hol ˈdú nie, balashá eiy ˈgiˈgidhie, balashá lalille shie, lali hí gálaat eiy gise.

Matááyo 26:26

Aalé gaal hátlé golmoteká, Yíésu balashá eedhdhe, Waag gielmít hol ˈdú nie, balashá eiy ˈgieˈgie, lalille shie, kieye, Balasháállá eedhdhíe, kóo, hééllá he gónchú, yie.

Márko 14:22

Gaal hátlé golmoteká Yíésu balashá eedhdhe, Waag gielmít hol ˈdú nie, balashá eiy ˈgieˈgie, lalille shie, gáál geey, kieye, Hééllá shuunníe, hééllá he gónchú, yie.

Márko 6:40

Gál giri shíí chenká af muumuˈde, áltí kúˈd, áltí kúˈd, áltí tomon chen, áltí tomon chen.

Márko 6:42

Gaal lulle gololte, heyie.

Márko 7:34

úr gaa dhaay, hím guđoká naate, kieye, Éfata! yie. Hé kinaal hélle kieye, Éíy ˈdé!

Márko 8:19

Af giri yú balasha chenká gál shíí chenká eiy giseká ongʼolaam mia ká ˈgite, hí shuunate? yie. Aalé gaal kieye, Ongʼolaam tomon a naama nyí shuunate, gaalí yie.

Lúka 24:30

Aalé af giri gaal gólol gaa yíéđieká, mu balashá eedhdhe, Waag gielmít hol ˈdú nie, balashá eiy ˈgey, gáál shie.

Lúka 9:16

Aalé Yíésu balasha giri chenká ubaa beeny giri naamaká eedhdhe, úr gaa dhaay, Waag ˈgielmít hol ˈdú nie. Mu balashá ubaa béé eiy mumure, gál giri láliká shie, giri gaalí gálaat af fafuoká.

Yuána 11:41

Aalé gaal wáár ali af gaa eey. Yíésu úr gaa dhaay, kieye, Baabá, ˈdaa giri ye af maalleká yáá ko gielmít hol ˈdu gáá nie.

Yuána 17:1

Aalé Yíésu ˈdeeny kinaal beeteká đo úr gaa dhaay, kieye, Baabá, aadh ˈgas hé ali kí ˈdiiyye. Inykú ˈduwásish, Iny íín hí ko ˈduwayo.

Yuána 6:11

Aaléka, Yíésu balashá eedhdhe, Waag ˈgielmít hol ˈdú nieká, balashá gaalí gál ál kinaal ijeká eiy gise. Hát tikiˈdéél gaal béé úba gálaat eiy gise. Gálaat lulle balashá ubaa béé ˈdaˈdab fedeká arge.

Yuána 6:23

Aalé kadis ény Tiberiados gáá chimie-, ál Yíésu hí Waag gielmít hol ˈdú nie-, gálaat hí balashá gaa koeyká malgle ˈjobínt ki ˈdiiyye.

He Ekeny Gál Alb Fimiká 27:35

Aalé mu gáál hatal geeyká balashá eedhdhe, gáál lulle metle Waag gielmít hol ˈdú nie, balashá eiy ˈgieˈgie, balashá koey.

Róóma 14:6

Gál kasleka kúlích tikiˈdeká hé kúlíchanóótíá ˈdú ˈdúwa yegetká Waag yaalmit kinaallá ˈdúúw gaa shiguoká fede. Héétí, gál so kokuoká Waag yaalmit kinaallá ˈdúúw gaa shiguoká fede, gaal hé so kinaallá ˈdaalleka Waag gielmít hol ˈdú nannuo. Hát tikiˈdééllá gál so ma kokonyallá Waag yaalmit kinaallá ˈdúúw gaa shiguoká fede, gálallá hé úba Waag gielmít hol ˈdú nannuo.

Korínto Erká 10:31

Yú hí geeye, har káána hí he kokonyo yíekaʼ, hí he igianna yíekaʼ, hí he ekemeyche yíekaʼ, hé hí ekemeycho kinaal lúl hí hé Waag hí ˈdúúw gaa egeetoká onnow.

Kolosááya 3:17

He lullé hí ekemeycho-, ubaa hí hogotoká lulle Máá kúnnaa Guđo Yíésu meenyle ki eekemeyyíe, tá mu íín ˈdaalleka, ˈJaa kúnnaa Waag gielmít hol ˈdú naannáa.