Márko 6:15 - Fayam Midhab Yiesu Kiristoká He Hol Af Iđiny Kaanaká

¹⁵ Gáál ˈdáá tikiˈd kieye, Máállá he Elíya. Gáál ˈdáá tikiˈd kieye, Máállá he gál héle gáál ˈdeeny Waaˈgiet geđieká mú tikiˈde, yie.

Márko 6:15 ပူးပေါင်းရင်းမြစ်များ

Matááyo 16:14

Gaal mú ˈdéé hol ˈdú nie, kieye, Gálaat ˈbáál kuun Yuána gálaat bie gim nannieká he ko yegedhe, gáál ˈbáál Elíya ko yegedhe. Héétí gáál ˈbáál kuun Yeremía, muuninyka, gál Waag hí ˈdeem ka shigicheká mú tikiˈde ko yegedhe, gaalí yie.

Matááyo 21:11

Nyésébích Yíésu hol ˈgieká ˈbaal kieye, Hééllá máá Waag hí ˈdeem ka shigicho-, Yíésu lé-, máá ény Nasaret-, Galilaayaká, yiegie.

Márko 6:16

Heróˈde héél maaleká kieye, Yuána giri yú mé gaa mureká hé ˈguoˈd yé gáá ˈdie, yie.

Márko 8:28

Gaal mú ˈdéé hol nie, kieye, Gáál ˈdáá tikiˈd kieye, kúún he Yuána giri gálaat bie gim nannieká. Gáál ˈdáá tikiˈd kieye, kúún he Elíya. Gáál ˈdáá tikiˈd kieye, kúún he gál héle Waag hí ˈdeem ka shigicheká mú tikiˈde ko yegedhe, gaalí yie.

Lúka 1:17

Mu Hím Naasan ubaa fargogint Waaˈgiet tikiˈde máá Waaˈgiet Elíya hí ˈgieká hai aargira, mu Máá Guđo Waag met hai ká naadha, giri mu idhaam kasle hol gaa lalaan-, gaal ubaa umle hol higiloká. Mu gál ˈdeeny Waaˈgiet nee ma kokonyká hollo hol gaa laama, giri gaal ˈdaalim gál ˈdúwa-, Waag kikiatká ˈdeenyle iiy yeetká. Mu Máá Guđoká gál hí iiy yegetká met tág hai kokoo, máá ˈgasso-, urruká hí yie.

Lúka 7:16

Gaal lulle he a ˈdabe, Waag meey, kieye, Máá Guđo-, Waag hí ˈdéé ka shigichoká hé gáál hurt yé gáá ˈdie. Waag hé ká leete, gálle ˈdú ˈjiiyye, gaalí yie.

Lúka 7:39

Máá giri Farisaay-, Yíésu kiereká héél argeká geerle ki tawue, kieye, Máállá máá Waag hí ˈdéé ka shigichoká onnônyka, hé minnééllá yaalmitlé he taal-, máálle ađááb ˈgúóllá hé óg, yie.

Lúka 9:19

Gaal mú ˈdéé hol ˈdú nie, kieye, Gáál ˈdáá tikiˈd kúún Yuána giri gálaat bie gim nannieká ko yegedhe. Gáál ˈdáá tikiˈd kúún Elíya ko yegedhe. Gáál ˈdáá tikiˈd kúún gál héle Waag hí ˈdéé ka shigicheká mú tikiˈde uushich yé gáá ˈdie, ko yegedhe, gaalí yie.

Lúka 9:8

gáál ˈdáá tikiˈd kieye, Elíya hé gáál yé ˈdu gáá ˈdie, tá gáál ˈdáá tikiˈd kieye, Gál héle Waag hí ˈdéé ka shigicheká mú tikiˈd hé uushich yé gáá ˈdie, gaalí yegieká.

Yuána 1:21

Aaléka, gaal mú yiete, kieye, Tá kuun mááya? Kuun he Elíya? gaalí yie. Yuána kieye, Yú yáá máá kinaallá muuniny. Gaal geđi mú yiete, kieye, Kuun he Máá giri Waag hí ˈdeem ka shigichoká? yie. Mu gáál ˈdéé hol ˈdú nie, Híʼi, yie.

Yuána 1:25

mú yiete, kieye, Kuun in Messíya máámaʼ, Elíya máámaʼ, Máá giri Waag hí ˈdéé ka shigichoká in úba muuniny háluke, tá háteka gálaat bie gim nanniyyóol? mú yie.

Yuána 6:14

Aalé nyesebich hé Yíésu hí ekey kinaal arge-, he af ˈdabeká kieye, Hééllá gon Máá Waag hí ˈdéé ká shigicho-, Warˈgat Waaˈgiet hí hote-, lésallá ka yiimetká.

Yuána 7:40

Gaal mú ˈdeenyle maaleká, gáál ˈdáá tikiˈd kieye, Máállá Máá Waag hí ˈdeem ká shigicho-, ke met egesseká, yie.

Yuána 9:17

Gaal geđi máá biiy gaa argeká yiete, kieye, Mu in ko in yé ká ˈdeey háluke, kó mú héllé nyí ká geđichoká mán? gaalí mú yie. Mu gáál ˈdéé hol ˈdú nie, kieye, Mu he máá Waag hí ˈdeem ká shigichoká, yie.