Márko 6:14 - Fayam Midhab Yiesu Kiristoká He Hol Af Iđiny Kaanaká

¹⁴ Yíésu meenyle hát les lulle eiy ki bash yieká fayamle máá kansich Heróˈde hí maale. Gáál ˈdáá tikiˈd kieye, Yuána giri gálaat bie gim nannie-, kufeká uushich yé gáá ˈdie, in aalé fargogintééllá arge, hé ki af ˈdaˈdabóóllá ekemeye.

Márko 6:14 ပူးပေါင်းရင်းမြစ်များ

Matááyo 9:31

Kor gaal kieká đo fayam Yiesúúl les lulle eiy bash ki hoy.

Márko 1:28

Aalé Yíésu fayamle đo lés Galilaaya lulle bash ki chie.

Márko 1:45

Máá giriká yíé ˈdieká hé shab ma yéen, đo ˈdeeny guđoká huogodhe, fayám biiy bash ki hoy. Aalé Yíésu fayam kinaal hí ˈjien síé riate. Aalé Yíésu alb giri gálaat mánká gaa yíéđie, gál tolloká lulle mú ˈdú sedhe.

Márko 8:28

Gaal mú ˈdéé hol nie, kieye, Gáál ˈdáá tikiˈd kieye, kúún he Yuána giri gálaat bie gim nannieká. Gáál ˈdáá tikiˈd kieye, kúún he Elíya. Gáál ˈdáá tikiˈd kieye, kúún he gál héle Waag hí ˈdeem ka shigicheká mú tikiˈde ko yegedhe, gaalí yie.

Lúka 13:31

Aadh ˈgás tikiˈde kinaallá gál Farisaay ˈbaal hí Yíésu ˈdu gáá yimie, mú geey, kieye, Heróˈde ko yegeská he fede, állá gaa keʼ, ál eiy mé naʼ, mú yie.

Lúka 3:1

Bár giri Kaisar Tibériyo hí les máállé súm guđo kansichká gaa onnoyká tá wárlé ki tomon tikiˈde a chenká, Bonti Bilááto íín lés Yuuˈdia mé ki yiel. Bár kinaal úba Heróˈde he máá kansich Galilaayaká. Heróˈde nyárlé Fílib íín lés Ituria ubaa lés Tarakoniti kansimle ˈgie. Lusánias íín lés Abileenno he kansimle ˈgie.

Lúka 7:17

Fayaméél lés gál Yuuˈdi geerle ubaa biiyano éíy taakaká lulle bash ki chie.

Lúka 9:19

Gaal mú ˈdéé hol ˈdú nie, kieye, Gáál ˈdáá tikiˈd kúún Yuána giri gálaat bie gim nannieká ko yegedhe. Gáál ˈdáá tikiˈd kúún Elíya ko yegedhe. Gáál ˈdáá tikiˈd kúún gál héle Waag hí ˈdéé ka shigicheká mú tikiˈde uushich yé gáá ˈdie, ko yegedhe, gaalí yie.

Dhesaloníke Erká 1:8

Hé Máá kúnnaa Guđóóllá hí hurtkícho gaa ekeyallá ˈdeenyle hé biiy lúl bash ki yie. ˈDeenyééllá hé gál Makeˈdonia ubaa gál Akaya tákámle hí ma mááliny. Har káána úba nyí gáál ma geenyka, hát hí Waag iiy chíéllá hé biiy lulle hí maalle.

Héberew 2:4

Waag hé úba fayamééllá hát ˈdúwaká gálaat argisiche, hát káána mu hé farguogo-, met hí hol ká burnay-, gálaat af ˈdaˈdabsuo-, gálaat hí ílle ki argeká eekemeyká. Waag úba hát he feˈdeká in Hím Naasanle gálaat hé shiicho onyi-, met hí hol ká burnayká shiiche.