Márko 5:9 - Fayam Midhab Yiesu Kiristoká He Hol Af Iđiny Kaanaká

⁹ Aalé Yíésu mú heete, kieye, Meenykú háteeye? yie. Máá giriká ˈdéé hol nie, kieye, Meenychú Nyesebich, ˈdaa giri nyí ki burnayyeká, yie.

Márko 5:9 ပူးပေါင်းရင်းမြစ်များ

Matááyo 12:45

Aalé đo hai siete, aryaan éíy taaka-, tiiya-, hí súm ˈdú ˈdeewká hai ˈgiete. Aryáán đo hollo hol ká chirate, ˈbíl kinaal hai hille, hai ˈguate, ˈbíl hille kinaallá yaalmitle đo súm hai ˈdeenete, yaalmit erkobká úba kalat. Tá gál barallo-, ˈdeewallá yaalmitle úba hatallá hai cheedhe, Yíésu hí yie.

Matááyo 26:53

Itín tawuny kíchoka, yú fedînyka, yáá ˈJaachú ma veemîny? Mu ye yuoylé uriet burnayye-, met hí tomon a naamaká ali ma ˈdu gáá fafîny?

Márko 5:10

Aalé mu súm Yíésu ruogone, giri Yíésu aryáán lés kinaal ma gaa aruminyká.

Márko 5:15

Gaal Yíésu ˈdú sedhe. Gaal mú arge, mu ubaa máá aryaan nyesebichká ˈgieká hol af ija. Mu đafaraam fádhdhe, me hí mídhab! Gáál sierm hí faanne.

Márko 5:8

Hé muí hatallá ki yíéllá, he ˈdaa giri Yíésu mú geđie-, Aryaan ˈdeewallo, máállá yé gaa ˈdé! yieká.

Lúka 8:30

Aalé Yíésu mú heete, Meenykú háteeye? yie. Mu Yíésu ˈdéé hol ˈdú nie, kieye, Meenychú Yuoy, yie. Mu hatallá yíéllá, mú aryaan burnayyeká hí gaa iđe.