Márko 5:7 - Fayam Midhab Yiesu Kiristoká He Hol Af Iđiny Kaanaká

⁷ af súm úr ki eey, kieye, Yíésu Iny Waag Úr Iđóóllo, meete ke hol ká ˈgaa? ˈDaa meeny Waaˈgieto yú ko ki ruogone, ha ye manyjasîny! yie.

Márko 5:7 ပူးပေါင်းရင်းမြစ်များ

Matááyo 16:16

Símon Bétiro kieye, Kúún he Messíya, Iny Waag bííyyo ali iđoká, yie.

Matááyo 26:63

Yíésu íín taalle shab yie. Aalé máá méte suoryoká Yíésu geey, kieye, Ebá Waag bííyyo ali iđoká ˈdúo, nyí ka géesh, har kúún he Messíya, Iny Waaˈgiet kátaka, mú yie.

Matááyo 4:3

Aaléka máá mú ki ekemete-, Sátan léká mú ˈdu gáá yimie, mú geey, kieye, Har kuun Iny Waaˈgiet kátaka, ebá ˈdéé hot, waarééllá hí balashá yeet, yie.

Matááyo 8:29

Gaal Yíésu ubaa lalille argeká koˈdam ˈdoy, kieye, Kó Iny Waaˈgietal, meete ke hol ká ˈgaa? Ál kachimíél aleđuđugul hátlé ali ma kí ˈdíinyká nyí maanyjasicha? gaalí yie.

Márko 1:24

Yíésu Nasaretallo, meete ke hol ká ˈgaa? Ha ká chimie, nyí af ki beđisata? Kúún yáá ko óg, kúún he Máá saas mán-, Waaˈgietká! yie.

Márko 14:61

Yíésu íín taalle shab yie, hé ˈdeeny níínní gáál hol ˈdú nieká mán. Aalé máá méte suoryoká geđi mú heete, kieye, Kúún he Messíya, Iny Waag gaalí memeyokâ? yie.

Márko 3:11

Bar lulle aryaan ˈdeđewká Yíésu argiyyeka, mú ˈgas met les hai gaa ˈdanne, kúóˈd hai ˈdoyye, kieye, Kúún he Iny Waaˈgiet! hai chie.

Márko 5:6

Mu Yíésu bííy fag ká argeká mú agim ˈdodhdhe, mú met les kurram gaa ˈdoy,

Márko 5:8

Hé muí hatallá ki yíéllá, he ˈdaa giri Yíésu mú geđie-, Aryaan ˈdeewallo, máállá yé gaa ˈdé! yieká.

Lúka 1:32

Mu máá ˈdúwaká hai yeedhe. Mú meenyle he Iny Waag Úr Iđoká. Máá Guđo Waag mú kara eshi eshimlé ˈDawuˈdká hai shigia.

Lúka 4:34

Hêy! Yíésu Nasaretallo, meete ke hol ká ˈgaa? Ha ká chimie-, nyí beđisáta? Kúún yáá ko óg, kúún he Máá saas mán-, Waaˈgietká! yie.

Lúka 6:35

Aalé kídhkícho geelnée, hé midhabká ki eekemeyyíe. Gálaat he shía. Hé hí gálaat shiichoká héllé gaalí el ká ˈgiˈgidhuoká haí táb ˈdoˈdóon. Hééllá hí ekemeychoka, itín hé súm midhabká haí aargiˈda, um Waag Úr Iđoká haí cheedhe, ˈdaa giri Waag gál he fiichiloká ubaa gál ađaabano ˈguoká geer hí sháw ˈdú yegetká.

Lúka 8:28

Mu Yíésu argeká mú ˈgas met les gaa ˈdoy, súm af úr ki eey, kieye, Yíésu Iny Waag Úr Iđóóllo, meete ke hol ká ˈgaa? Gillo yú ko ki efe, ha ye manyjasîny, yie.

Yuána 20:31

Máá warˈgatééllá ka veerééllá hé he veerééllá, he giri itín Yíésu hát he Messíya-, Iny Waaˈgietká hí iiy chegeto-, tá hí mú iiy chieka, hí luolmit biiyoká mú meenyle ki aargiˈdoká.

He Ekeny Gál Alb Fimiká 16:17

Ini Báulo ubaa nyíín nyí el gáá veeˈde, af gaa guđoká ˈdéé ki huogote, kieye, Gálallá Waag Úr Iđoká gedellé-, hí he ki nannuo-, yaalmit hí rubach ki aargiˈdaká hí ki ˈdiyeenká, ini hí chiegie.

He Ekeny Gál Alb Fimiká 19:13

Aalé gál Yuuˈdi hol gaa seseme-, gálaat aryáán yiem gaa ˈdeđie mare kerka Máá Guđo Yíésu meenylé he gálaat aryáán yiem ki ˈdeđie. Gaal aryáán geđuoká kieye, ˈDaa meeny Yiesu giri Báulo hí ki ˈdiyeenká ha yú ko ki geey, máállá yé gaa ˈdé, he yegie.

He Ekeny Gál Alb Fimiká 8:36

Gaal ˈgíéríchlé gaa igireká gaal ál bie hí gaa ijo mare ká nyuore. Aalé máá giri Abachaká mú geey, kieye, Bie hállá, meete ye bie gim naan ká riridhdha? yie.

Róóma 16:20

Waag naanná ˈgayyoká Sátan ál ˈjob hai gaa ˈdeđeneyche, mú ˈgas metkícho hai gaa igificha. Aaléka, Máá kúnnaa Guđo Yíésu hí ˈdú ˈjeeˈjeen.

Héberew 2:14

Aaléka, ˈdaa giri umééllá gon ubaa fás ˈguoká, in Yíésu úba gon ubaa fás hat kinaallóóllá kaadhdhe, gáál ˈdú kufe. Mú kúfáchlééllá ˈdaalleka in mu máá kúfach fargogintle ˈgie-, Sátanlééllá kar rie.

Héberew 7:1

Máá Melkíseˈdeg lééllá he máá kánsích Salem ubaa Waag Úr Iđoká máállé suoryo-, onnoyká. Máállá he máá Abirááyam af giri gál kaansúoká hol yies-, mu gáál ka adhdhe-, tá ka gagalleká mú hol met kí ˈdoy-, mú ˈdú ˈguunumeká.

Yákob 2:19

Kuun Waag hát tikiˈdeká kó iiy chie. Kúbu! Hé kinaallá úba hé aryáán hí óg, aryáán hí gaa faađanan.

Bétiro ki Naamaká 2:4

Kíssóótíka, Waag hé gállé urru-, ˈgasso-, hí el af gaa tammeká ma hâny, hé gáál ál gaa dhát-, gaa ˈdér-, kúlích ˈdéé ki iđinyká hátlé ali ma kí ˈdíinyká gálaat hí ki maanyjawká ki hiigite.

Yuána Erká 3:8

Máá hé ˈdeđewká gaa seseenká íín máá Satan. Hé kinaallá he ˈdaa giri ameeny les mé gáá koonle, ˈjíig káána ke gaa ijóóllá, Sátan hé ˈdeđewká gaa seseenká. ˈDaa kinaallá ˈdugaka in Iny Waaˈgietallá ká yimie, giri hújích Satan eiy fufumuoká.

Yúúa 1:6

Hééllá onnônyka úba mé hí ká ˈgayya, hát gál ˈgasso-, Waaˈgiet-, urru-, giri állé hemuumuriti-, Waag hí gaa iđicheká ma gaa yíéđîny-, égetlé kinaal gíl sug ki hayká. Tá gaal íínííllá ˈdaab Kúlích Guđo-, Waag hí gálaat ˈdéé ki iđimichoká ali ma kí ˈdíinyká, hé Waag hí bííy gaa ongʼoˈdeká ki chirate, hí nyarugano biiyoká ki ˈdanne.

Kí Edhesiny 12:12

Úrru, kuun ubaa gál ko gaa ijóóllá lulkícho ger hí gaa meet! Les ubaa basso, hoba! ˈDaa giri Sátan hí ˈdu gáá leete-, hát bárle hol kí chalnateká óg-, idhanneká, héél ebá itín hí ki ˈdéen! ˈdéé hót hí chie.