Márko 4:7 - Fayam Midhab Yiesu Kiristoká He Hol Af Iđiny Kaanaká

⁷ Áár ˈdáá tikiˈd ál híí ˈgayyoká les gaa ˈdane, hirís hí yé ká ˈdiiyyeká hiris kinaal hii hí bolosie, hé ma ˈdáliny.

Márko 4:7 ပူးပေါင်းရင်းမြစ်များ

Matááyo 13:22

Ár ál híí ˈgayyoká les gaa ˈdaneká hélle he hát máá ˈdeeny Waaˈgiet maaleka, ˈdéé iiy yeet-, kor hé lesalloká ˈgar kirmisat-, kamur lesalloká hí lalaat-, hát Waag hí feˈdoká el ma gaa igirinyká.

Matááyo 13:7

Áár ˈdáá tikiˈd ál híí ˈgayyoká les gaa ˈdane, hirís hí yé ká ˈdiiyyeká hiris kinaal hii hí bolosie.

Matááyo 13:8

Ár giri muí ál maal hí midhabká gaa fieká ká ˈdie, hisse, ˈbaal hí kúˈd ˈdale, ˈbaal hí tomon le ˈdale, ˈbaal hí tomon seđ ˈdale.

Márko 4:6

Aadh ka ˈjiiyyeká hirís đo boloyye, ˈdaa giri hidh les ma ki arînyká.

Márko 4:8

Ár giri muí ál maal hí midhabká gaa fieká ká ˈdie, hisse, ˈbaal hí tomon seđ ˈdale, ˈbaal hí tomon le ˈdale, ˈbaal hí kúˈd ˈdale, Yíésu hí yie.

Lúka 12:15

Aalé Yíésu gáál geey, kieye, Hol ˈdeeˈdemíe, hol gajált ka ridhdhíe. Máádhat sídhle hé aanylé burnay muí ˈguoká ma gaa iđiny, Yíésu hí gáál yie.

Lúka 21:34

Hol ˈdeeˈdemíe, haí gál he dhir eiy ki babaatká ubaa gál bersh hí fafaannoká chéen, hí hé lesalloká ˈgar kirísan, kúlích kinaal hátlé hí met muogká ali kí ˈdíiny.

Lúka 8:14

Ár ál híí ˈgayyoká ki okoˈdeká hélle he hát gál ˈdeeny Waaˈgiet maalo-, kor biiy hol ki sieteka, kamúr ubaa balchá, tá hé lesalloká gerle hí gaa ˈdeew-, he ˈgar aayaˈgoká. Gál kinaallá hé ˈdeeny Waaˈgiet ma ki higirany.

Lúka 8:7

Áár ˈdáá tikiˈd guˈdam híí ˈguoká ki okoˈde, hirís hí yé ka ˈdiiyyeká guˈdam híí ˈguo kinaal hí bolosie.