Márko 4:20 - Fayam Midhab Yiesu Kiristoká He Hol Af Iđiny Kaanaká

²⁰ Yaalmit gáál ˈdáá tikiˈd hí ˈdeeny Waaˈgiet ki mamaloká he hát ár máá les fafuoká hí máál álle gaa fieká. Gál kinaallá ˈdeeny Waaˈgiet maaleka ˈdéé iiy hai yie. ˈDee gáál hát ˈdabaanká ger hileka gaal đo hát ˈguom hát ˈdabaanká hite-, ˈguom mé tikiˈd hí tomon seđe-, mé tikiˈd hí tomon le-, mé tikiˈd hí kúˈdká hai yie, Yíésu hí yie.

Márko 4:20 ပူးပေါင်းရင်းမြစ်များ

Matááyo 13:23

Ár gaalí eeˈd máálká álle gaa fieká he hol ki ekenyle he hát máá ˈdeeny Waaˈgiet maaleka, ˈdéé hát ˈdabaanká chichiratká. Gál hat kinaallóóllá saano midhab hí yé gáá ˈdeˈdeenká hé burnayyeká, mááká kúˈd, mááká tomon le, mááká tomon seđe.

Matááyo 13:8

Ár giri muí ál maal hí midhabká gaa fieká ká ˈdie, hisse, ˈbaal hí kúˈd ˈdale, ˈbaal hí tomon le ˈdale, ˈbaal hí tomon seđ ˈdale.

Márko 4:8

Ár giri muí ál maal hí midhabká gaa fieká ká ˈdie, hisse, ˈbaal hí tomon seđ ˈdale, ˈbaal hí tomon le ˈdale, ˈbaal hí kúˈd ˈdale, Yíésu hí yie.

Lúka 8:15

Ár giri máá les fafuoká hí ál máálká gaa fieká hélle he hát gál ˈdeeny Waaˈgiet maaleka, ˈdéé ger ˈdúwa-, midhabká hát ˈdabaanká ki chiirat-, hol tatuo-, ˈdeeny Waaˈgiet ki higirawká, Yíésu hí lalille yie.

Yuána 15:16

Itín it ye ma ka éeny, yaa hí ká shuune, hí hujichaam met ki kuokoy, giri hí seseenne-, saano hí gáá higisso-, saano kinaal bííyyo ali ijo-, hé hí ˈdaa meenychú ˈJaachú ki hegesetoká muí ká shiguoká.

Yuána 15:2

Mu kolm ye ki ˈgie-, saano hí ma gaa higisinyká ali hai gaa muura, kolm saano hí gaa higissoká íín in hollo hol ki nannaa, giri saano hí hát ˈdabaanká gaa higissoká.

Róóma 7:4

Aaléka, nyaaramchú, itín úba af giri hí gón Kiristo hol ˈdú faanne-, hí Kirísto hol ˈgar kuyyeká, it hemuumurit Waag hí gál Yuuˈdi ka shiichééllá gim yé gáá ˈdiiyye. Aalé káánaka, it Kirísto Waag hí loolnoyche-, hí uushich yé gáá ˈdeeycheká gálle chie, giri hé midhab Waag hí feˈdoká saanolle muun gáál yé gáá ˈdeˈdeenká.

Filíbi 1:11

Héétí Yiesu Kirísto hí kuol gaa chiirat-, hí hé midhabká ekemeycho-, Waag íín hí ˈdúúw ubaa meeny gaa aargiˈdoká.

Kolosááya 1:10

Waag ke hí hatallá kí rogononallá he giri itín yaalmisano midhab-, hí ki iđáállá Máá kúnnaa Guđoká hí ˈdúúw gaa aargiroká. Héétí hí mú hát lulle geer gaa memesicho-, he lullé midhab hí nanniyyáállá taalle saano midhabká hí yiem gáá ˈdeˈdeen-, hí Waag hát ˈdabaanká oonootoká.

Dhesaloníke Erká 4:1

Nyaaramkínyo, aaléka, Máá kúnnaa Guđo Yíésu ˈdaallé ke hí gil ki efe, ke hí gogofsia, giri hát káána iđiny Waag geer gaa memeychoká hí nyí gaa onnote-, hí ki iđóóllá, yaalmit hat kinaallóóllá af ˈdú faafadhdhíe, ki yíéđía.

Bétiro ki Naamaká 1:8

Yaalmisanóóllá taalle hí ˈgayya-, hí ki higirayyoka, af kinaalka it taalle hí Máá kúnnaa Guđo-, Yiesu Kirísto oonnootallá it hí gál esham maaman-, saano hí gáá higisso-, mánká ma chegen.