Márko 3:18 - Fayam Midhab Yiesu Kiristoká He Hol Af Iđiny Kaanaká

¹⁸ Tá gálatí he mú Ánˈduru, Fílib, Bartolomáyo, Matááyo, Tómas, Yákob giri iny Alfaayaká, Dhádias, tá Símon giri gálaat ˈjegeduoká,

Márko 3:18 ပူးပေါင်းရင်းမြစ်များ

Matááyo 13:55

Máállá hé máá ˈguor hođuoká inyle muunîny? ˈJiellé hí ˈdalloká meenyle hé María muunîny? Mú nyaaramlé yaabká hé mú Yákob, Yúósef, Símon, tá Yúúˈda muunîny?

Matááyo 9:9

Yíésu ál kinaal gaa kie, sienylé gaa igireká máá gálaat gibíre gaa gugusat-, gaalí Matááyo yegie mare arge, mu ˈbíl gibireká gaa ija. Aalé Yíésu mú geey, kieye, Ye el gáá véer, yie. Matááyo đo kie, mú el gaa veere.

Márko 2:14

Aalé mu hátlé ˈgierich gaa igireká máá gibíre gugusat-, gaalí Lévi yeget-, iny Alfus mare ˈbíl gibireká gaa ija arge. Aalé Yíésu mú geey, kieye, Ye el gáá véer! yie. Lévi les gaa kie, đo mú el gaa veere.

Márko 3:17

Yákob iny Dhebeˈdayaká ubaa nyárlé Yuána, hullaalle meenylé muí shieká Bonéˈges. (Bonéˈges hélle kieye, hele ˈgeˈgete.)

Márko 3:19

héétí Yúúˈdas Iskáryot máá waaséél Yíésu gál hí oos ˈgieká ˈdú eeyká.

Márko 6:3

Máállá hé máá ˈguor hođuoká muunîny? Mu hé iny Maria giri nyaaramle mú Yákob, Yoséítos, Yúúˈda, tá Símon, héétí mú nyaaramlé ˈdeitká hé ke hol állá af ijóóllá muunîny? gaalí yie. Aalé gaal mú shúón gaa nebedhe.

Yuána 1:40

Gál giri naama-, Yuána ˈdéé hogodheká maale-, Yíésu el gaa veereká mú tikiˈd hí Ánˈduru giri Símon Bétiro nyárléká.

Yuána 11:16

Aalé Tómas giri gaalí ˈDíđumos yegetká lalíítí geey, kieye, Múún úba kí mú hol eet, kí mú hol ˈgar kuffo, yie.

Yuána 14:22

Aalé Yúúˈdas éíy taaka-, Iskáryot muuninyká, Yíésu heete, kieye, Máá Guđo, háteeye kúún nyí hol kí eedhesicha, les gálle hol ma kí eedhesiny? yie.

Yuána 21:2

Mú lalillé hol ˈgayyeká he Símon Bétiro, Tómas giri gaalí ˈDíđumos yegetká, Nadhániel giri ény Kanna-, lés Galilaaya gáá yimieká, ubaa hele Dhebeˈdaya, tá gál éíy taaka naama-, láliká.

He Ekeny Gál Alb Fimiká 1:13

Aalé gaal é kí ˈdieká ˈbíllé biiy ˈdug yiel he gaa ijeká feˈjie. Gaal ííni kinaallá he mú Bétiro, Yuána, Yákob, Ánˈduru, Fílib, Tómas, Bartolomáyo, Matááyo, Yákob giri iny Alfaayaká, ubaa Símon giri gálaat ˈjegeduoká, tá aalé Yúúˈdas giri iny Yakobká.

He Ekeny Gál Alb Fimiká 15:13

Aalé gaal he ˈdeem beeteká Yákob les gaa kie, kieye, Nyaaramchú, ye af nee kóo.

He Ekeny Gál Alb Fimiká 21:18

Bííy éíy taaka ka biˈdeká Báulo nyí hol eete, nyí Yákob ˈdú siete. Gál nyaaramká gállé hí met ki ˈgieká lulle úba hé ál kinaallá gaa ije.

Korínto Erká 15:7

Tá gál kinaal el ˈdaal, mu Yákob yé ˈdú gáá ˈdie, waaséél gál alb fimiká lulle yé ˈdú gáá ˈdie.

Korínto Erká 9:5

Nyiin hát tikiˈde gál éíy taaka alb fimiká ubaa Máá kúnnaa Guđoká nyaaramle ˈdegle hol ˈgúóllá, héétí Kéfas úba minle hol ˈgar seseenallá, nyiin nyáá nyí ˈduuw gálle ˈdeg Kirísto iiy chieká hol ˈgar seseenká mân?

Galátia 1:19

Yáá gál éíy taaka-, alb fimi-, argeká mán. Yákob giri Máá Guđoká nyárléká tákáma nyí hol argiyye.

Galátia 2:9

Yákob, Kéfas, ubaa Yuána giri gál Kiristo hí gállé méte ka dhaˈgasanká Waag hát ye ˈdúˈjímle ka shiicheká kimiteká, đo yú ubaa Barnábas nyí gil ger gaa ˈgiiliˈgay, giri nyiin nyí gál gál Yuuˈdi muuninyká ki ˈdiyeenne-, gaal íín gál Yuuˈdi ki ˈdiyeenká.

Yákob 1:1

Yú he Yákob, Waag ubaa Máá Guđo Yiesu Kirísto gédéchlé. Warˈgatééllá it é meet tomon a naama-, biiyano hí ma lilenyká gaa iđáállá yú hí ˈdu gáá verene. Náa!

Yúúa 1:1

Yú he Yúúˈda, gédéch Yiesu Kiristo, nyár Yakob. Warˈgatééllá it Waag hí ká viiyye-, ˈJaa kúnnaa Waag hí giel-, Waag hí ˈdaa Yiesu Kiristo in ki ˈdiiyyeká yú hí ˈdu gáá verene.