Márko 3:11 - Fayam Midhab Yiesu Kiristoká He Hol Af Iđiny Kaanaká

¹¹ Bar lulle aryaan ˈdeđewká Yíésu argiyyeka, mú ˈgas met les hai gaa ˈdanne, kúóˈd hai ˈdoyye, kieye, Kúún he Iny Waaˈgiet! hai chie.

Márko 3:11 ပူးပေါင်းရင်းမြစ်များ

Matááyo 14:33

Gál kádích kinaal gaa ijeká lulle mú vite, kieye, Hé ˈduwa, kúún gon Iny Waaˈgiet! gaalí Yíésu yie.

Matááyo 4:3

Aaléka máá mú ki ekemete-, Sátan léká mú ˈdu gáá yimie, mú geey, kieye, Har kuun Iny Waaˈgiet kátaka, ebá ˈdéé hot, waarééllá hí balashá yeet, yie.

Matááyo 4:6

mú geeyche, kieye, Kuun har Iny Waaˈgiet kátaka, ebá hol úr gáá lab. Warˈgat Waaˈgiet ˈdaakúka kieye, Waag gállé ˈgasso-, urruká ˈdéé hai ki muuˈda, gaal úr hai ko ká ˈgiiliˈgaa, giri waar ko ˈgas mé ma ki ˈdaraminyká, he chie, Sátan hí mú chie.

Matááyo 8:29

Gaal Yíésu ubaa lalille argeká koˈdam ˈdoy, kieye, Kó Iny Waaˈgietal, meete ke hol ká ˈgaa? Ál kachimíél aleđuđugul hátlé ali ma kí ˈdíinyká nyí maanyjasicha? gaalí yie.

Matááyo 8:31

Aalé aryaan gál kinaal gaa iđeká ˈdéé huogote, Yíésu gil ki efiyye, kieye, Har nyí gálallá yé gaa ˈdeđichoka, nyí hash, nyí golchomééllá hilla, chie.

Márko 1:1

Hééllá Fayam Midhab Yiesu Kiristo-, Iny Waaˈgietká mé gáá koonlé.

Lúka 4:41

Aryáán gál burnayká yiem gaa ˈdiiyye, koˈdam ˈdanne, kieye, Kúún he Iny Waago! chie. Yíésu aryáán il gíl gaa helie, giri aryáán shab chegetká. Aryáán mu hát he Messíyaká hé onnoyye.

Lúka 8:28

Mu Yíésu argeká mú ˈgas met les gaa ˈdoy, súm af úr ki eey, kieye, Yíésu Iny Waag Úr Iđóóllo, meete ke hol ká ˈgaa? Gillo yú ko ki efe, ha ye manyjasîny, yie.

He Ekeny Gál Alb Fimiká 16:17

Ini Báulo ubaa nyíín nyí el gáá veeˈde, af gaa guđoká ˈdéé ki huogote, kieye, Gálallá Waag Úr Iđoká gedellé-, hí he ki nannuo-, yaalmit hí rubach ki aargiˈdaká hí ki ˈdiyeenká, ini hí chiegie.

Korínto Erká 11:34

Máá geer hí gaa bolowká er hí ˈbílle hé geere gaa kuo, giri gólól Máá Guđoká hí gáá yíéđiyyeka, hí hol ˈdéé ki iđiny mé ma ki kokonyká. Aalé yaalmisano éíy taakaká, yú ká yimieka, ha yú hí ká geđia.

Yákob 2:19

Kuun Waag hát tikiˈdeká kó iiy chie. Kúbu! Hé kinaallá úba hé aryáán hí óg, aryáán hí gaa faađanan.