Márko 2:20 - Fayam Midhab Yiesu Kiristoká He Hol Af Iđiny Kaanaká

²⁰ Kulich íín ali hai kí ˈdeenne, giri máá eedhdhe kinaal Waag hí gálaat hurt gaa egeetoká. Af kinaallá in gaal af higita.

Márko 2:20 ပူးပေါင်းရင်းမြစ်များ

Matááyo 26:31

Aaléka Yíésu gáál geey, kieye, Itín chúúrééllá lulkícho in kar haí ye ká ˈdaraanna. Hééllá he hát Waag hí warˈgatle gaa hote-, giri mu kieye, Yú máá wála ˈdeˈdeenká ha yeese, wala íín eiy hai baađaa, muí yieká.

Matááyo 9:15

Yíésu gáál ˈdéé hol ˈdú nie, kieye, máá eedhdheká háteeye gál shien ki kiere-, he hol af ijoká geer hí gaa ˈdeđendhe? Hé ger hí ma gaa ˈdeđenen. Kúlích máá eedhdhe kinaal Waag hí gálaat hurt gaa egeetoká ali hai kí ˈdeenne, bár kinaallá in gaal af higita.

Márko 2:19

Yíésu gáál ˈdéé hol ˈdú nie, kieye, Háte máá eedhdhe-, shien yieská dheegle af higisata, kor mu íín gáál hol af ija? Hé hát kinaallá muuniny. Máá eedhdhe kinaal ubaa dheegle hol af ijoka, hé af ma higisan.

Márko 2:21

Hé máá níínní đafar káánaká toort gáá muuro-, toort đafar guđanteká ki ˈdaraanká mán. Har muí hát kinaal koyka, toort giri kaanaká đo đafar guđanteká hai gaa ˈgite, đafar đo súm hai ˈgiˈgite.

Lúka 17:22

Aaléka Yíésu lalille geey, kieye, Bár Iny Máádhat hí hol af eiy gaa láká ali hai kí ˈdeenne. Bár kinaallá hí mú aargiˈdaká it tág feˈde, har úba kulich tikiˈd tákámle onnônyka. Tá it kúlích kinaal ma aargiriny.

Lúka 5:35

Kúlích máá shien yies kinaal Waag hí gálaat hurt gaa egeetoká ali hai kí ˈdeenne, bár kinaallá in gaal af higita, Yíésu hí gáál yie.

Yuána 12:8

Gál he maamanká aadh lulle it hí hol af iđa, tá yú yáá ˈjíig ke hol af ma iđiny, Yíésu hí gáál yie.

Yuána 13:33

Ummo, yú aadh ˈgas ninniká tákáma ke hol af ija. Hát giri yú gál Yuuˈdi geeyká in yú hí geđia, itín úba hollo hí ye hol gaa ˈgeˈgete. Tá ál yú mé nannuoká it ál níínní hí kí ˈdiiyyaká mán.

Yuána 16:28

Yú ˈJaa chia gáá yimie, in lésallá mé ká nie. Aalé káána lésallá ha haađia, ˈJaa chia hol ˈdú naadha, Yíésu hí gáál yie.

Yuána 16:7

Tá yú hí hé ˈdúwaká geeye, kímchú hé hí ki midhab. Har yú ma kiinyka, Máá hí rangʼit yegetká hé hí ma ˈdu gáá yiimen. Tá yú sedheka, mú ali ha yú hí ˈdu gáá kakaa.

Yuána 17:11

Yú yáá lésallá ma gaa iđiny, yú bííy kua mé ká nannaa, gaal íín lésallá he kí ˈgiita. ˈJaa chia saas mánnallo, meeny kua ye ká shiichééllá ˈdaalleka, gáál in ki ˈdé. Hát muun ke tikiˈdééllá, gaal íín úba hí tikiˈd yeet.

Yuána 17:13

Yú káána bííy kua mé ká nannaa. Hééllá lésallá yú gaa hogodho, giri geyyinychú gálallá koch chegetká.

Yuána 3:29

Máádhat ini egeetka, shééléchlé hí met egesse, hí af nee kokodhdho. Máá egeetká shééléchle hí af maaleka, shééléchle đo geer súm haí gaa meedhe. Yú úba yáá tág geer ye gaa meedhe.

He Ekeny Gál Alb Fimiká 1:9

Mu ˈdeenyéél beeteká hátlé gaalí dhaˈgameká úr mé nie, nyáˈdow hí buanne, gáál in ki bađay.

He Ekeny Gál Alb Fimiká 14:23

Báulo ubaa Barnábas aflé higite-, Waag viviteká gál Kiristo ˈjien kinaallo-, alb hí hol ka eiy eiyyeká gállé hí met ki ˈdeenká le gaa shuune. Gaal Máá Guđo Yíésu he iiy yieká gáál gíl geer fie.

He Ekeny Gál Alb Fimiká 3:21

Mu íín ˈdaab Waag he lulle hátlé er ká kuonneká geđi tág ma ka níinyká taalle úrro gaa ija, hát giri héle Waag gállé taak koyye-, ˈdéé ka shigicheká hí ˈdiiyimeká.

Korínto Erká 7:5

Beel ubaa minle hai hol ˈdú síé hol ka rirían. Tá gaal har hol ˈdéé af gáá maaleka tákáma in rám mákártaká hol ˈdú síé ali kokoo, Waag visan mé verene. Tá rám iraam mán kinaallá ˈgiteka, gaal hí geđi hol ˈdú siet, giri Sátan gáál hé ˈdeewká mé ma ki kokony-, gaal hol mony ma ˈdaabiny-, gaal ađááb ma higilinyká.

Korínto ki Naamaká 11:2

Yú hinaaf Waag hí ˈdaakícho ka ˈgayyoká úba ˈgaa. Itín hát ini ˈdúwa-, yú máádhat đarm kí sidheká. Máá yú hí đarm kí sidhe kinaallá he Kirísto.

Korínto ki Naamaká 11:27

Yáá laađame, hol hujich ki yies, ram ˈdaˈdabe. Yáá mar ubaa báre ye chegies, yú af burnayká af higite, ˈdéeny gaa rafame, đafaraam ˈdúwaká mannay.

Korínto ki Naamaká 6:5

nyí tutuna, nyí higidha, nyesebim nyí ˈdu gáá kekeme, nyí hát eiy ki seseme, héétí hujichaam nyí yegese, nyí ram ˈdaˈdabiyya, nyí af higisata.

Kí Edhesiny 19:7

ˈDaa giri kúlích Eliny hí gaa egeetká ali kí ˈdiiyye-, mu inillé egeetká tág ká ˈdiiyyeká, kí geyyuo, ger hí gáál gaa meet, kí mú ˈdúúw shuo.

Kí Edhesiny 21:9

Aalé gál ˈgasso-, urru-, tiiya-, giri kedm tiiya-, hé biiy el ˈdaˈd-, tiiya-, hé gálaat ki ˈdeewká hí koch kochká ˈgieká mú tikiˈd ye ˈdu gáá yimie, ye geey, kieye, Káde, yú ko ini giri Élíny minle chegetká ká argisia, ye yie.