Márko 16:4 - Fayam Midhab Yiesu Kiristoká He Hol Af Iđiny Kaanaká

⁴ ˈDég fuˈjiyyeká uushich nyátáábá afka mán. Nyátáábá kinaallá hé tág guđo, kor nyátáábá uushich af tól ki ija!

Márko 16:4 ပူးပေါင်းရင်းမြစ်များ

Matááyo 27:60

liish waariet-, káána-, he hol met tág koy-, íín he mán yieka gaalí ki gagalioká mú ki galie. Mu nyátáábá giri ilishká gaalgalsie, liish af gaa koy, đo gale.

Matááyo 27:66

Aalé gál guguđo-, suoryóká ubaa gál Farisaayká yuoy hol eedhdhe, sedhe, nyátáábá ˈguoˈd liishká af gaa tielká af yies, gál yuoyóká ál kinaal ki hay, giri gaal uushich ˈdeˈdeenká.

Márko 16:3

ˈDég ˈgíéríchlé gaa igiˈdeká hol heesete, kieye, Mááya gáál nyátáábá gaalí uushich af gaa koyal gáál kí gaalgalsia? chie.

Márko 16:5

ˈDég uushich hilleká, máá ruorich đafar édhká kaadhdheká hí gíl ˈdaa naaniet ija, ˈdég birgiyye.

Lúka 24:2

ˈDég ali kí ˈdiiyyeká nyátáábá uushich af gaa tielká gaalí uushich af gaa gaalgalsíe!

Yuána 20:1

Rám tiiyaká kúlíchlé erká bur af midhab biiy hátlé gaa dhátká María Magaˈdalaká kiiyye, uushich álle mé niiyye. Uushich af kí ˈdiiyyeká, uushich gaalí nyátáábá af gaa eeb!