Márko 16:19 - Fayam Midhab Yiesu Kiristoká He Hol Af Iđiny Kaanaká

¹⁹ Aalé Máá Guđo Yíésu gáál ˈdeenyéél geeyká đo Waag hí eete, úr mé nie, Waag gíl ˈdaallé naanietká yíéđie.

Márko 16:19 ပူးပေါင်းရင်းမြစ်များ

Márko 16:20

Aalé Yíésu lalille kie, les lúl gaa sedhe, gálaat Fayam Midhab Yiesúúllá shie. Máá Guđo Yíésu úba hé gáál hol hujich ˈgar nannie. Gaal gálaat ki ˈdiiyimeká gálaat hé hé gaalí af ˈdaˈdaboká úba il ki arge. Hatallá in Yíésu fayamlééllá hát ˈdúwaká gálaat argisie.]

Lúka 22:69

Biiy toom gáá ˈjóballá Iny Máádhat Waag fargogínt lulle ˈgayyoká gíl ˈdaallé naanietká hai yíéđima, Yíésu hí gáál yie.

Lúka 9:51

Yíésu aflé giri úratí mé nannieká ka ˈjobonteká, mu Yerúsalem sienyle ˈdú guofe.

Yuána 13:1

Aalé ˈjila máá ˈgasso-, urru-, Waaˈgietká hí gáál ˈdug gaa nadheká ka tirtirayyeká, Yíésu aleđuđugulle hát ali kí ˈdiiyye-, lésallá haađuo-, bííy ˈJaalle mé nannuoká hé onnoy. Mu hát gállé lesallo-, hí iiy yieká gielká in gielmit kinaallá taalle muí gáál ká ˈgie, muí gáál aargisie.

Yuána 16:28

Yú ˈJaa chia gáá yimie, in lésallá mé ká nie. Aalé káána lésallá ha haađia, ˈJaa chia hol ˈdú naadha, Yíésu hí gáál yie.

Yuána 17:13

Yú káána bííy kua mé ká nannaa. Hééllá lésallá yú gaa hogodho, giri geyyinychú gálallá koch chegetká.

Yuána 20:17

Aalé Yíésu María geey, kieye, Ha ye chíran, yáá hátle ˈJaachú hol ma ˈdú náan. Sí, nyaaramchú géesh, yú ˈJaa chia-, ˈJaakícho-, Waag chia-, Waag kíchiaká hol ˈdú naadha, muí María yie.

Yuána 21:15

Aalé gáál golol hí gaa đueká, Yíésu Bétiro tól eedhdhe, mú yiete, kieye, Símon, iny Yuana, kó ye gálallá ˈdú giel? yie. Bétiro kieye, Iiy-hí, Máá Guđo, kuun hát yú ko gielká, kó óg, yie. Yíésu kieye, Walachú ˈdeeˈdémo, yie.

Yuána 21:22

Yíésu mú ˈdéé hol ˈdú nie, kieye, Har yú fedo-, mu les ˈdug ˈdú yíéđian-, ˈjíig af giri yú hol ká nannaatká đig kátaka, hé kinaallá meete kua hí gaa ija? Kúún ye el gáá véer! mú yie.

Yuána 6:62

Tá itín Iny Máádhat hátlé úr mé nannuo-, állé er he gáá yimieká hol ˈdú nannaatká hí aargírinyka, háte hí chíe?

He Ekeny Gál Alb Fimiká 2:33

Mú hé Waag hí les gaa eeyye, Waag hí gíl ˈdaallé naanietká iđisate, mú ˈJaalle Hím Naasanlé he mú af iđieká hé mú shie. Hé káána aalé hí argiyya-, hí mamallóóllá he Hím Naasan Waaˈgiet kinaallá muí nyí ˈdú gáá leesie.

He Ekeny Gál Alb Fimiká 3:21

Mu íín ˈdaab Waag he lulle hátlé er ká kuonneká geđi tág ma ka níinyká taalle úrro gaa ija, hát giri héle Waag gállé taak koyye-, ˈdéé ka shigicheká hí ˈdiiyimeká.

Róóma 8:34

Máá muun gáál innum Waaˈgiet gaa ˈdeđensetká he mááya? Hé mán. Muun Yiesu Kirísto tikiˈde-, gáál ˈdú kufe-, Waag hí geđi loolnoyche-, hí uushich yé gáá ˈdeeyche-, káána Waag gíl ˈdaa naaniet ijóóllá, in múún gáál ˈdéé ˈdú hogodho.

Kolosááya 3:1

Aalé ˈdaa giri itín Waag hí Kirísto hol ˈgar uushich yé ká ˈdeeycheká, hé urati-, urle Kirísto hí Waag gíl ˈdaa naaniet ijoká eebitíe.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Héberew 1:3

Iny íínííllá édhúm Waaˈgiet ká eedhesia, ííni gáál Waag yaalmitle dhúrle ká aargisia, ííni ˈdeenylé fargogínt ˈguoká he met lulle kí chiiˈda. Aalé mu gáál nyuogim ubaa ađaabano gaa dhiireká, mu hé úratí Waag kansím lulle ˈgayyóóllá gíl ˈdaa naaniet yíéđie.

Héberew 12:2

Máá iiy yeenkúnno mé gáá kodhdhe-, iiy yeenkúnno ˈduuwasuo-, Yíésu lééllá kí taalle in gaa kuokuo. Geer gaa meen ka chiimet-, muí onnoy kinaallá ˈdaalle ˈdugaka in mu ˈgór đarám yaalká kúfáchle gaa nadhe, manyjany il hí argiyyeká ubaa eesheny gaalí egesheyká ma đíin. Mú kúfáchlé kinaallá el ˈdaal in mu kara guchi-, Waaˈgietká ˈdaa naaniet yíéđie.

Héberew 4:14

Aaléka, ˈdaa giri ke Máá Guđo-, méte suoryo-, úr mé nie-, Iny Waaˈgiet Yíésu lééllá ke ˈgúóllá, iiy yeen ke mú ka ˈgúóllá kí tág chirat.

Héberew 6:20

ˈDaakúnno ˈdugaka in Yíésu Ál Súm ˈDúwa kinaallá muun gáál met hile. Mu hát yaalmit Melkiseˈdegkáka hé Máá méte suoryo-, biiyoká yie.

Héberew 7:26

Mu he Máá méte suoryo-, muun ke hegesetká. Mu íín he máá Waag geer gaa memesuoká. Mu hé hé ˈdeeđeneyká mán, héétí mu hé ađaab níínní úba hileká mán. Waag hé lés gál ađaabano ˈgúóllá hí gaa ijóóllá mú gaa eete, mu hé he met lullé uratiká máállé hí mé ki yaalká yie.

Héberew 8:1

Hé nyí huogotééllá ˈdeenyle hééllá: Múún hé ke Máá méte suoryo-, Waag ˈdúwaká karallé guchi-, uratiká ˈdaa naaniet yíéđieká ˈguo.

Héberew 9:24

Kirísto hé Ál ˈDúwa-, Kiato-, gaalí ˈdisseká ma híliny. Ál ˈDúwa-, Kiato-, gálaat hí gílle ki ˈdissééllá he taalle ál uratíítíá yaalmitlé. Aalé Kirísto hé ál uratíítíá hile, in káána ˈdaakúnnoka Waag met gaa yaalla.

Bétiro Erká 3:22

Aalé Kirísto tikiˈde kinaallá in úr mé nie, káána Waag gíl ˈdaa naaniet ija, gál urru-, ˈgasso-, Waaˈgietká ubaa kansimano lullé met hí hol ká eiyyeká hí hemuumuritle gim gaa ija.