Márko 16:16 - Fayam Midhab Yiesu Kiristoká He Hol Af Iđiny Kaanaká

¹⁶ Máá ye iiy yeet-, gaalí bie gim nuoká rubach hai aargira. Tá máá ye iiy ma yéenká kúlích Waag gálaat hol eiy gaa nanniyyoká hé ˈdeewká il haí aargiˈda.

Márko 16:16 ပူးပေါင်းရင်းမြစ်များ

Matááyo 28:19

Aaléka, sedhíe, kidh met lulle lalichú hoyyíe. Gáál bie gim ki náa, giri gaal fargogint ˈJaa chia úr ijoká ubaa yáá Ínyííllá, tá Hím Naasan Waaˈgiet gim gaa ijoká.

Márko 1:15

Kulich hé ali kí ˈdiiyye, Guch Waaˈgiet hé ká ˈjobonte. Hé ˈdeđewká hayyíe, Fayam Midhaballá iiy yiedhíe! muí gáál yie.

Lúka 8:12

Ár ˈgierich af ki okoˈdeká he hát gál giri ˈdeeny Waaˈgiet maalo-, kor kídhích giri Sátan léká ká yiimet-, gáál ˈdéé hodhinaam gaa egeet-, giri gaal ˈdéé iiy ma yegen-, gaal rubach ma aargirinyká.

Yuána 20:31

Máá warˈgatééllá ka veerééllá hé he veerééllá, he giri itín Yíésu hát he Messíya-, Iny Waaˈgietká hí iiy chegeto-, tá hí mú iiy chieka, hí luolmit biiyoká mú meenyle ki aargiˈdoká.

Yuána 3:36

Máá Íny iiy yeetká taalle luolmit biiyoká hai gaa yíéđima, tá máá Íny điidhoká hé idho Waaˈgiet hí ˈdú iđo, mu hé luolmít ma aargiriny.

Yuána 3:5

Yíésu mú ˈdéé hol ˈdú nie, kieye, Yú ko hé ˈdúwaká geeye, máádhat ˈdaab bie ubaa Hím Naasan Waaˈgiet ma kí ˈdaláanká hé hát níínní Guch Waaˈgiet higiloká mán.

Yuána 5:24

Yú hí hé ˈdúwaká geeye, máá ˈdeenychú maalo-, Máá ye ali gáá kaayká iiy yeetká, hé luolmit biiyoká ˈguo, mú álle hé ˈdéé ki iđiny mán. Máá kinaallá kisso kúfach yé gaa ˈdie, luolmít hile.

Yuána 6:29

Yíésu gáál ˈdéé hol ˈdú nie, kieye, Hújích Waag hí gaa feˈdoká hééllá: Máá Waag hí ali gáá kaayyééllá iiy yiedhíe, muí gáál yie.

Yuána 6:35

Yíésu kieye, ˈGuom luolmitiká he yú. Máá ye ˈdú gáá yimetká hé gon geer hí ma gaa bolominy. Máá ye iiy yeetká hé geđi báre hí ma chegesiny.

Yuána 6:40

Hé ˈJaachú hí fedoká hééllá: Máá yáá Ínyííllá ye bala ˈdu gáá nuo-, ye iiy yeetká, luolmit biiyoká hai gaa yíéđima, tá kúlích biiy el ˈdaˈdká úba uushich yé ha yú gáá ˈdeđia, Yíésu hí gáál yie.

Yuána 8:24

Yú yáá hí geey, ađaabanokícho haí ki kufunanna, yáá hí yie. Itín yú hát he yúká hí iiy ma cheenka, ađaabanokícho gon haí ki kufunanna, Yíésu hí gáál yie.

He Ekeny Gál Alb Fimiká 10:43

Gál Waag hí ˈdéé ka shigicheká lulle hé mú ˈdeenyle huogodhe, giri mú meenyle ˈdaalle ˈdugaka gál mú iiy yeetká ađaabanolle Waag hí gaa egeyyoká, Bétiro hí gáál yie.

He Ekeny Gál Alb Fimiká 13:39

Aaléka, itín máá Yíésu iiy yeetká he lullé ˈdeeđeneyká ađaablé ubaa nyúógíchlé kinaal Waag haí gaa egeyye, Waag mú máá ˈdúwaká hai ká dhaˈgasanna. Hééllá he hé hemuumurit Moshe hí ma ekemenyká.

He Ekeny Gál Alb Fimiká 13:46

Báulo ubaa Barnábas ˈdéé nyaalím ki huogodhe, gaal gáál kieye, ˈDeeny Waaˈgiet erkob it gál Yuuˈdííllá ke hí geđie. Aaléka, it hol ká muˈde, ˈdaa giri hí ˈdéé điita-, gál luolmit biiyoká ma ki ekenenyká hí hol hoycheká. Nyíín aalé kidhdho nyí bala ˈdú nanniyya.

He Ekeny Gál Alb Fimiká 2:38

Bétiro gáál ˈdéé hol ˈdú nie, kieye, Hé kíchia ˈdeđew-, hí gaa seseenká hayyíe, Waag makan famíe, lulkícho gaalí meeny Yiesu Kiristo bie gim ki nuo, ađaabano ubaa nyuogim kícho Waag hí gaa eeyyo. Hát kinaallá in Hím Naasan Waaˈgiet hí aargiˈda.

He Ekeny Gál Alb Fimiká 2:41

Gál mú ˈdeenylé kinaal iiy yieká gaalí bie gim nie. Kúlích kinaal gáál shíí seđ gáál túóyle ˈdú fame.

He Ekeny Gál Alb Fimiká 22:16

Aalé káána meete egete? Les gaa keʼ, mú ki búoy, gaalí ko bie gim nuo, ađááb hí ko yé gaa ˈdiiyyo, muí ye yie, Báulo hí gáál yie.

Róóma 3:6

Tawuny hat kinaallóóllá Waag hí điito! Waag hé hé níínní ˈdeeneycheká mán. Tá Waag har gál he ˈdeđeneyoká he il ma ká aargisinyka, af kinaalka ˈdéé ki iđinyle hé tagle muuniny.

Róóma 4:24

He múúni giri Waag Máá kúnnaa Guđo Yíésu uushich yé gáá ˈdeeycheká ke iiy yie-, Waag múún gáál gál ˈdúwaká chegetóóllá hé úba ˈdaakúnno ki taal.

Dhesaloníke ki Naamaká 1:8

Mu íín ˈjiet boloonká hai kí yiimedhe, giri gál Waag điidhe-, Máá kúnnaa Guđo-, Yíésu lééllá Fayamlé Midhaballá met ma gaa kekeminyká lulle he il ká aargisuoká.

Dhesaloníke ki Naamaká 2:12

Gál hatallóóllá lulle in Waag hí ˈdéé ki iđimicha, ˈdaa giri gaal hé ˈdúwaká iiy yegetká điđidhan-, hé ˈdeđewká gaa geyyeenká.

Bétiro Erká 1:21

Itín Kirísto ˈdaallé hí Waag iiy ki chie, ˈdaa giri Waag Kirísto uushich yé gáá ˈdeeyche-, Kirísto ˈduwaycheká. In káána hí iiy yeen ubaa ˈdúúw Waag ká ˈgayya.

Bétiro Erká 3:21

Yaalmit kinaallá héllé ke hol ki ekemeyoká he bie gim naan ubaa hát Waag hí rubach shiicheká. Bie gim naanééllá hé bíé hí hol símis ki dhidhiˈdaká muuniny. Bíéllá he yaalmit máádhat hí kasle hát Waag hí feˈdoká gaa iđimuoká. Máádhat af giri Yíésu iiy yie-, mú uushich yé gáá ˈdímle úba iiy yieká in Waag hí rubach shiiche.

Kí Edhesiny 20:15

Aalé ameeny máá meenyle Waag hí warˈgat luolmitiká ma gaa véériny-, warˈgát gaa mánká bás ˈjieteká Waag hí ki layye.

Kí Edhesiny 21:8

Tá ameeny gál manyjasiny kiadhe-, Waag gíl sug ki hayká, gál Waag iiy ma yéenká, gál gaa nyakarichká, gál gálaat yegeská, gál herginy gálle hol ma shúúnanká gaa seseenká, gál gilka he ním ˈguoká, gál waagam hódhoká memeyoká, tá gál hođomléká lulle állé Waag hí ki lalaannoká he bás ˈjiete-, waar ˈjiet hí gaa boloonká hí gaa ijoká. Hé kinaallá he kúfách ki naamaká.