Márko 16:15 - Fayam Midhab Yiesu Kiristoká He Hol Af Iđiny Kaanaká

¹⁵ Aalé Yíésu gáál geey, kieye, Les lúl gaa sedhíe, gálaat lulle Fayam chia Midhaballá ki ˈdiiyimíe.

Márko 16:15 ပူးပေါင်းရင်းမြစ်များ

Matááyo 28:19

Aaléka, sedhíe, kidh met lulle lalichú hoyyíe. Gáál bie gim ki náa, giri gaal fargogint ˈJaa chia úr ijoká ubaa yáá Ínyííllá, tá Hím Naasan Waaˈgiet gim gaa ijoká.

Márko 13:10

Erkob Fayam chia Midhaballá gaalí kidh met lulle ki ˈdiiyeen.

Yuána 15:16

Itín it ye ma ka éeny, yaa hí ká shuune, hí hujichaam met ki kuokoy, giri hí seseenne-, saano hí gáá higisso-, saano kinaal bííyyo ali ijo-, hé hí ˈdaa meenychú ˈJaachú ki hegesetoká muí ká shiguoká.

Yuána 20:21

Yíésu geđi kieye, Naanná gaa yíéđía! Hát yú ˈJaachú ye ali gáá kaayallá, yú úba alb haí fafaa, muí gáál yie.

He Ekeny Gál Alb Fimiká 1:8

Aalé Hím Naasan Waaˈgiet hí ˈdu gáá leeteka, fargogínt haí aargiˈda. Itín ˈjien Yerusalem, lés Yuuˈdia lullé, tá lés Samaria, tá ˈjíig les ameenylé ki taalká ˈdeenychú gálaat ha hí gaa maalsicha, muí yie.

Róóma 10:18

Aalé gál Yisirayel hé fayamééllá ma máálinyo ke yeedhe? Híʼi, gaal hé fayám maale. Hát Warˈgat Waaˈgiet hí hote-, kieye, Fayám hé les lulle eiy bash ki chie, ˈdee hé les lulle mé ki ˈdoy, chieká.

Róóma 16:26

Aalé hát warˈgasam gál Waag hí ˈdeem ka shigicheká hí huogodheká ubaa hát Waag bííyyo ali iđóóllá hí muˈdeká, Fayam Midhab Kiristóóllá hé káána gálaat hí kidh lúl mamalsuo, giri gaal Kirísto iiy yeget-, mú el gaa igiroká.

Eféso 2:17

Mu hé ká yimie, it gál Yuuˈdi muuniny-, Waag gaa faganayyeká ubaa nyííni nyí gál Yuuˈdi-, nyí Waag kí ˈjobonoyyeká gáál Fayam Midhab-, naannaká ki ˈdiiyime.

Kolosááya 1:23

Tá hát ˈdabaanká ˈgée, iiy yeen kíchia hí ˈgayyáállá taalle chiˈdíe, hé Waag hí af iđiche-, hí Fayam Midhaballá gaa maalle-, hí met egetééllá haí sug ki níiny. Fayamééllá he Fayam Midhab Kiristo-, gaalí les geer lulle gaa ˈdiyime-, yáá Báulo lééllá hí gédéchlé gálaat ki ˈdiyeenká yíéllá.

Kolosááya 1:6

Fayam ˈdúwa-, midhab-, hí argiyyééllá in les lulle bash ki chegete, saano midhabká ˈdaˈdalla. Hát tikiˈdééllá itín a meeny giri hí erkob Fayam Midhaballá maalle-, hí ˈdúˈjím Waaˈgiet ˈduuwle lulle eiy naasateká, Fayam Midhaballá hé úba hurtkícho bash ki chie, itín saano midhabká hí gáá higisso.

Yuána Erká 4:14

Hát ˈJaakúnno gáál Inyle ali ˈdu gáá kaay-, mu les Máállé Rubachietká yíéllá nyáá nyí ˈduuwle argiyye, nyí hogoto.

Kí Edhesiny 14:6

Aalé yú máá éíy taaka-, ˈgasso-, urru-, úr gaa seseen-, Fayam Midhab-, biiyoká gál les ˈdug ˈdú ijoká ki ˈdiyeenká arge. Máá kinaallá fayám kidhano ubaa émeeto tá gáláát afano hí hol ká eiyyeká lulle ki ˈdiiyime.