Márko 16:14 - Fayam Midhab Yiesu Kiristoká He Hol Af Iđiny Kaanaká

¹⁴ Waaséél Yíésu lalillé tomon a takachká hátlé golmoteká Yíésu hí yé ˈdu gáá ˈdie. ˈDaa giri gaal gál kieye, Yíésu hé uushich yé gáá ˈdie, nyáá nyí argiyye, yieká af iiy ma yéen-, met googonoyká in Yíésu hí ki lole.

Márko 16:14 ပူးပေါင်းရင်းမြစ်များ

Matááyo 11:20

Aalé Yíésu hé burnay-, gálaat hí af ˈdaˈdaboká ˈjien he gaa eekemeyká gálle ˈdeente, ˈdaa giri gaal héllé ˈdeđew-, ekemeyoká ma hâny-, Waag makan ma fáminyká.

Matááyo 17:20

Yíésu gáál geey, kieye, Hé kinaallá iiy yeen kíchia ninni. Tá yú hí hé ˈdúwaká geeye, iiy yeen kíchia hí ˈgayyaká har úba káána ninnenêny-, hát heert onnônyka, hí gúmallá geeyche-, hí kieye, Állá gaa siléew, áltí ˈgúo, hí chegetoká it uˈda, gum đo hai sileedhe. It onnônyka hé níínní hí ka aađadhdheká mán.

Matááyo 28:17

Gáál Yíésu hí ál kinaal yé ˈdu gáá ˈdieká, gaal Yíésu vite, kor gáál ˈdáá tikiˈd mú ki nadhe.

Márko 7:18

Yíésu kieye, Itín úba it ˈdaalim hí he eiy ki nannasatká mân? Hát hé níínní baaˈd gáá yiimet-, máádhat higilo-, mú ˈdeđeneyo mánnallá hélle ití ma kimísan?

Lúka 24:11

Gál alb fimi kinaal ˈdég ˈdéé af ki điidhe, ˈdéé ˈdeeny um niginiká hí ˈgieká ká dhaay.

Lúka 24:25

Aalé Yíésu gál kinaal geey, kieye, Itín ebá hí đées-, it gál Waag hí ˈdéé ka shigicheká ˈdeemle lulle đo hí ál ˈjob ger ma ki chichiranal!

Yuána 20:25

Aalé gál lálíítí mú geey, kieye, Nyáá nyí Máá kúnnaa Guđoká argiyye! yie. Tómas kieye, ˈDaab yú lilo misimaaramká mú gille ma gaa árginy-, gúmúrínychú ma ki gáágan-, ubaa gílchú mú beet ma ki gânká, yáá iiy ma yegen, yie.

Yuána 20:26

Ram síet ˈgiteká gál láliká geđi ˈbíllo hol ˈdú ije. Tómas úba hé gáál hol af ije. Gaal har úba ˈbíl af ger ki kuokodhdheka, Yíésu đo gáál hurt yé gáá ˈdie, kieye, Naanná gaa yíéđía! gáál yie.

Yuána 20:27

Aalé mu Tómas geey, kieye, Gúmúrínykú ka hélish, gilchú ki gáágat, dháash. Gílkú ka hélish, beetchú ki gat. Ha ye ki nannáan, ye iiy áat, Yíésu hí mú yie.

Yuána 21:1

Aalé hé kinaal el ˈdaal, Yíésu lalille Bás Tiberiados álle yé ˈdu gáá ˈdie. Mu hát gáál yé ˈdu gáá ˈdieká hatallá:

Yuána 21:14

Yíésu ameeny he uushich yé gáá ˈdieká, hééllá he gíl ki seđe-, mu lalille yé ˈdu gáá ˈdieká.

He Ekeny Gál Alb Fimiká 1:3

Aalé mú manyjasinyle ubaa kúfáchle el ˈdaal, mu gállé waaˈde kinaal af burnayká hol yé ˈdu gáá ˈdeey, tá hé burnay-, máálle hát geđi luolká ˈduuwle gaalí kiimisatká muí gáál argisie. Rám tomonaam afur kinaal mu gáál hol yé ˈdú gáá ˈdeeđieká mu Guch Waaˈgiet ˈdeenyle huogodhe.

Korínto Erká 15:5

Kirísto uushich yé gáá ˈdieká, mu Kéfas yé ˈdú gáá ˈdie. Aalé el gaa igíˈdelle mu gál láli tomon a naamaká yé ˈdú gáá ˈdie.

Kí Edhesiny 3:19

Gál yú gielká in yú ki lolodhmo, yú af tataa. Aaléka ˈgaađamíe, ye bala ˈdú gáá náa!