Márko 14:72 - Fayam Midhab Yiesu Kiristoká He Hol Af Iđiny Kaanaká

⁷² Aalé Bétiro hátlé ˈdeeny kinaal af ká ˈgieká lúg geđi gíl ki naamaká ˈdayche. Bétiro ˈdeeny Yíésu hí geey-, giri mu kieye, Lúg hátlé gíl ki naamaká ma ki ˈdânyká, kúún a seđ ha ye gaa faalanna, muí yieká, hí táb ká ˈjie, đo imiro hí gáá okoˈde, buoy.

Márko 14:72 ပူးပေါင်းရင်းမြစ်များ

Matááyo 26:34

Yíésu Bétiro geey, kieye, Yú ko hé ˈdúwaká geeye, chúúrééllá lúg hátlé ma ˈdânyká kúún a seđ ha ye gaa faalanna, mú yie.

Márko 14:30

Yíésu đo Bétiro geey, kieye, Yú ko hé ˈdúwaká geeye, chúúrééllá lúg hátlé a naam ma ki ˈdáinyká, kúún a seđe ye gaa faalanna, Yáá mú muog, ha cheedhe, Yíésu hí mú yie.

Márko 14:68

Aalé Bétiro falme, kieye, Hé hogotóóllá yáá muog, kor úba yáá eiy ma náásan yie, đo nááb gáá kie, nyáláár káráfle álle ki ˈdie. Ál tikiˈde kinaal lúg đo ˈdayche.

Márko 14:71

Bétiro falme, Waag ˈdodhdhe, kieye, Máá hí hogotóóllá gon yáá muog, yie.

Lúka 22:60

Bétiro kieye, Musó, yáá hé kua a geer ka ˈgayyóóllá muog! yie. Mu hátle ˈdéé afká ˈgaa, lúg đo tíkíˈdé kinaal ˈdayche.

Lúka 22:62

Bétiro đo nááb gaa kie, súm buoy.

Korínto ki Naamaká 7:10

Ger gaa ˈdeenen Waag hí gálaat gaa feˈdoká he ger gaa ˈdeenen gálaat Waag makan famít mé ki kooyyo-, gálle rubach yé ˈdú ˈdeˈdeenká. Ger gaa ˈdeenen hatallóóllá hé tág midhab. Tá ger gaa ˈdeenen lesiet-, gálle Waag makan famít ma fedinyká íín kúfacho gáál yé ˈdú ˈdeđicha.