Márko 14:24 - Fayam Midhab Yiesu Kiristoká He Hol Af Iđiny Kaanaká

²⁴ Mu gáál geey, kieye, Hééllá he fás chia he hol af iđiny-, gál burnayká ˈdaalle ki okodmootká.

Márko 14:24 ပူးပေါင်းရင်းမြစ်များ

Márko 10:45

Iny Máádhat ka yimíéllá hé gálaat hí hujich ma ki nanniny, ííni gálaat hujich ki nannaa, ííni sídhle gálaat ˈdú silmia, giri gálaat ririanká, yie.

Márko 14:23

Aalé mu kulu ˈduuny vinna hí gaa ijeká eedhdhe-, Waag gielmít hol ˈdú nieká, gáál kúlu shie. Gaal lulle kúlu he gaa ˈjie.

Márko 14:25

Yú hí hé ˈdúwaká geeye, yáá geđi saano vinnáállá ˈduunyle ma igiminy, ˈdaab kúlích yú ˈduuny vinna kaanaká ál Guch Waaˈgietká ma gaa înyká, yie.

Lúka 22:20

Golol he gáál gaa đueká mu geđi kulu ˈduuny vinna-, hí gaa ijeká eedhdhe, gáál geey, kieye, Kulúúllá he he hol af iđiny kaanaká. Hé hol af iđiny kaanáállá fás chia ˈdaakíchoka okodmootká ˈdaalle he ká naata.

Yuána 6:53

Yíésu gáál geey, kieye, Yú hí hé ˈdúwaká geeye, ˈdaab itín hí gón Iny Máádhat ma kôny-, ubaa hí mú fásle ma înyká, it luolmit hí gaa iđoká mán.

Korínto Erká 10:16

Af giri Máá kúnnaa Guđoká gólólleka kulu ke he gaa igian-, ke Waag gielmít hol ˈdú nannuoká, muun hé ke fás Kiristo gálle má yéen? Héétí, ke balashá eiy ˈgieˈguo-, ke kokuoká, hé ke gón Kiristo gálle ma yéen?

Korínto Erká 11:25

Hát tikiˈdéél, gáál golol hí gaa đueká, mu kulu ˈduuny vinna hí gaa ijeká eedhdhe, kieye, Kulúúllá he he hol af iđiny kaana-, fas chialloká. Kulúúllá taalle hí igiannoká, ye táb ˈduoˈdodhíe, yie.