Márko 14:18 - Fayam Midhab Yiesu Kiristoká He Hol Af Iđiny Kaanaká

¹⁸ Gaal hátlé golmoteká Yíésu gáál geey, kieye, Yú hí hé ˈdúwaká geeye, it ke hol állá ˈgar golmosotallá mú tikiˈd gál ye oos ˈguoká gíl geer hai ye gaa kakaa, yie.

Márko 14:18 ပူးပေါင်းရင်းမြစ်များ

Matááyo 26:21

golmoteká, Yíésu kieye, Yú hí hé ˈdúwaká geeye, itín mú tikiˈd gál ye oos ˈguoká gíl geer hai ye gaa kakaa, yie.

Matááyo 5:18

Yú hí hé ˈdúwaká geeye, ˈdaab úr ubaa les el met hí ma ˈgînká, hemuumuritééllá hé ˈdéé umut níínní ubaa sányárích níínní hí gaa baađawká mán, ˈjíig héllé huogodheká lulle ali kí ˈdee.

Matááyo 6:16

Aalé hí af higisata-, hí Waag visan mé verenneká haí hát gál hol egew-, hol af gaa guogosuo-, hát af hiteká gálaat aargisúóllá haí ˈdíiny. Yú hí hé ˈdúwaká geeye, gál hol egewallá hé héllé shiichoká arge.

Matááyo 6:2

Aaléka, kúún har gál he hí ki ˈgierˈgereká he shigichoka, ha faˈd af gaa kóon, ˈdiyíminy. Ha hát gál hol egew-, ény ˈdiiyiminyká ubaa ˈjien hursam gálaat he gaa shiguo-, gálaat hí memeyoká fedóóllá chéen. Yú hí hé ˈdúwaká geeye, gál hol egew-, hatallóóllá héllé shiichoká hé lésallá gaa argééllá tákáma.

Matááyo 6:5

Af giri hí Waag vivisatoká haí hát gál hol egewallá chéen. Gál kinaallá Waag vivisatká ény ˈdiiyiminyká ubaa ˈjien hursam lođuđaat gaa ˈdeˈdeen-, gálaat hol aargisuoká he fede. Yú hí hé ˈdúwaká geeye, gál hol egewallá hé héllé shiichoká arge.

Márko 10:15

Yú hí hé ˈdúwaká geeye, máá Guch Waaˈgiet hát umut ninniká ma ka hilinyká hé Guch Waaˈgiet ma higiliny, yie.

Márko 10:29

Aalé Yíésu kieye, Yú hí hé ˈdúwaká geeye, máá ˈdaachú ubaa ˈdaa Fayam Midhaballá ˈdugaka, ényle yíekaʼ, nyaaramle yíekaʼ, ˈjielle yíekaʼ, ˈjaalle yíekaʼ, umle yíekaʼ, tá léslé fafuoká yíekaʼ, hayoká,

Márko 14:17

Aadh gaanateká Yíésu ubaa lalillé tomon a naamaká hol af ija, golmoto.

Márko 14:19

Gáál đo ger hí gaa ˈdeenedhe, gaal hát taataká mú heegete, kieye, He onnônyka hé yú muuninyáte? yiegie.

Márko 14:25

Yú hí hé ˈdúwaká geeye, yáá geđi saano vinnáállá ˈduunyle ma igiminy, ˈdaab kúlích yú ˈduuny vinna kaanaká ál Guch Waaˈgietká ma gaa înyká, yie.

Márko 14:9

Yú hí hé ˈdúwaká geeye, les geer lulle gaalí Fayam chia Midhaballá gaa ˈdiyeenká, hé minnééllá hí ye ki ekeychééllá úba gálaat ha gaalí geđia, giri min table gálaat ma gaa baađanyká, Yíésu hí gáál yie.

Márko 3:28

Yú hí hé ˈdúwaká geeye, gálaat héllé ˈdeđew ekemeyo-, hát káána ađááb yíekaʼ, chaarim he hol chacharoká yíekaʼ, lulle Waag haí haađicha.

Márko 6:11

Ény hí ki faan-, gálle hí ma shuunan-, tá hí af nee ma kokonyká hí gáá kekeennoká ˈgaskícho shére gaa ˈdodhdhíe. Hát kinaallá in hát gaalí he ki ˈdeeneyká gaalí kiimita, yie.

Márko 8:12

Mu hím guđoká naate, kieye, Háteka gál barallóól hé gálaat af ˈdaˈdabsuoká aargiroká fedóol? Yú hí hé ˈdúwaká geeye, Waag hé hé níínní gálaat af ˈdaˈdabsuo-, gáál ka aargisichoká mán.

Márko 9:1

Aalé mu geđi gáál geey, kieye, Yú hí hé ˈdúwaká geeye, gál állá ˈgíéllá ˈdáá tikiˈd ˈdaab Guch Waaˈgiet fargogínt ma kí chímenká ma árginyká hé ma kufuminy, Yíésu hí gáál yie.

Márko 9:41

Yú hí hé ˈdúwaká geeye, ˈdaa giri itín hí gál Kiristoká máá hí bíé a geereká ˈdaat kí ˈduoká, bár ˈdaatika hé hé shiicho Waag ma gaa ˈdaabiny, yie.

Lúka 11:51

Yú hí geeye, ameeny fás Abel hí gaa okoˈde-, tá ˈjíig bár giri fás Sakaria hí gaa okoˈde-, máálle gaalí kúb Waaˈgiet suoryoká ubaa ˈbíl saas mánká toom ki yieská đigká, fasam gal kinaalloká nyuogimle lulle gál barallóóllá Waag luut haí ki ređicha.

Lúka 22:21

Bá dhaayyíe, máá gál ye oos ˈguoká ye gíl geer gaa kakawká nyáá nyí hol kara gololietallá af iđa.

Lúka 4:24

Tá hé ˈdúwaká yú hí geeye, máá Waag hí ˈdéé ka shigichoká hé gál lésle hí iiy ma yegen.

Yuána 1:51

Yíésu geđi mú geey, kieye, Yú hí hé ˈdúwaká geeye, ur af hí furme-, gál ˈgasso-, urru-, Waaˈgietká úr mé nannuo-, tá Iny Máádhat ˈdu gáá leledhoká haí aargiˈda, Yíésu hí gáál yie.

Yuána 13:18

Yáá lulkícho ˈdeenykícho ma hogon. Gál yú waaˈdeká yáá tág eiy óg. Tá hééllá hé Warˈgat Waaˈgiet hí hote-, giri kieye, Máá nyí ˈdaat tikiˈd hol ˈgar kokonyóóllá he mé ilchú, chieká, đusinylé.

Yuána 13:21

Yíésu hatal yieká geer hí súm gaa ˈdeenedhe, gáál geey, kieye, Yú hí hé ˈdúwaká geeye, itín mú tikiˈd gál ye oos ˈguoká gíl geer hai ye gaa kakaa, yie.

Yuána 13:22

Aalé mú lalille hol ki fuˈjiyye, hol il gaa niiyye, máá muí ˈdeenyle hogodhóól hát kor mááyaká tawuyye.

Yuána 13:38

Aalé Yíésu ˈdéé hol nie, kieye, Kó kín ye ˈdú kufunân? Yú ko hé ˈdúwaká geeye, kúún lúg hátlé ma ˈdânyká a seđe ye gaa faalanna! Yíésu hí Bétiro yie.

Yuána 21:18

Aalé Yíésu mú geey, kieye, Yú ko ˈdúúw geeye, kúún ruorich onnoyyeká kó đafarkú higisate, alb feˈdeká seseenne. Tá af giri vinnamoká gil ha faata, máá eiy đafar hai ko higidha, ál ma fedinyká hai ko siidha, Yíésu hí mú yie.

Yuána 3:11

Yú ko ˈdúúw geeye, nyiin hé nyí ógká in nyí hogoto, hé nyí ˈdúúw ˈdú ˈdiiyyeká in fayamle ki hí geđia, kor it hé ki hí geđuoká iiy ma chegen.

Yuána 3:3

Aalé Yíésu mú ˈdéé hol ˈdú nie, kieye, Yú ko ˈdúúw geeye, máádhat ˈdaab geđi ma ka ˈdaláanká hé hát níínní Guch Waaˈgiet aargiroká mán, yie.

Yuána 3:5

Yíésu mú ˈdéé hol ˈdú nie, kieye, Yú ko hé ˈdúwaká geeye, máádhat ˈdaab bie ubaa Hím Naasan Waaˈgiet ma kí ˈdaláanká hé hát níínní Guch Waaˈgiet higiloká mán.

Yuána 5:19

Aalé Yíésu gáál ˈdéé hótal geey, kieye, Yú hí hé ˈdúwaká geeye, Iny hé níínní tákámle ekemeyoká mán, hé ˈJaalle hí ekemeyo-, argoká in ekemeye. Iny he lullé ˈJaalle hí ekemeyoká in úba ekemeye,

Yuána 6:26

Yíésu gáál ˈdéé hol ˈdú nie, kieye, Yú hí hé ˈdúwaká geeye, itín hí ye hol gaa ˈgeˈgetééllá, hé kieye, hé gáál af ˈdaˈdabsuo-, yú ekeyká hí argiyye, muuniny, he ˈdaa giri hí balashá konye-, hí heyiyyeká in hí héy hol gaa ˈgeˈgete, muí gáál yie.

Yuána 6:32

Aalé Yíésu kieye, Yú hí hé ˈdúwaká geeye, ˈguom úr gáá chimíéllá máá hí ka shieká hé Móshe muuniny. ˈGuom ˈdúwaká ˈJaa chia hí úr gáá shigia.

Yuána 6:47

Yú hí hé ˈdúwaká geeye, máá ye iiy yieká hé luolmit biiyoká ˈguo.

Yuána 6:70

Aalé Yíésu gáál ˈdéé hol ˈdú nie, kieye, It tomon a naamáállá, máá hí waaˈdeká hé yú muunîny? Tá itín mú tikiˈd har hí máá Satanaa! Yíésu hí gáál yie.