Márko 13:9 - Fayam Midhab Yiesu Kiristoká He Hol Af Iđiny Kaanaká

⁹ Tá itín hol ˈdeeˈdemíe, ar ha gaalí fafaa, ény ˈdiiyiminyká ha gaalí gaa tuuna. ˈDaachú ˈdugaka gál kaansúoká ubaa gál les met ki ˈgieká ha gaalí ˈdú egee. Gál kinaallá metle ˈduuwchú haí gaa hogoto.

Márko 13:9 ပူးပေါင်းရင်းမြစ်များ

Matááyo 5:22

Tá yú íín hí geeye, máá nyárle ˈdú idhanoká hé ˈdéé ki iđiny hí met egeto. Máá nyárle chaaro-, kieye, Kó đeechal, yeetká, hé ˈdéé ki iđiny Waaˈgiet hí met egeto. Tá máá nyárle chaaro-, kieye, Kó ˈdúúw mánnal, yeetká hí ˈjiet biiyoká met gaa onnow.

Márko 1:44

Hééllá ha máádhat géeny! Sí, hát biiyyééllá aany ˈdááno, máá suoryoká hol argísish, muí ko suor ki ˈgalo. Hé héle Móshe hí gáál geeyká lulle tág kog, gálaat kuun hát fayanteká hí argo, mú yie.

Márko 13:5

Aalé Yíésu gáál geey, kieye, Hol ˈdeeˈdemíe, máádhat haí nyimísan.

Márko 13:8

Kidh hollo hol yeese, kansimano lesam met eiy ki ˈgiiyyoká hollo hol cheese. Les totom haí motoonno, biiy kuoˈd haí gáá ˈdeenne. Hééllá lulle kulle hát geer veerit erkob-, min verennoká he ká yaalla.

Márko 6:11

Ény hí ki faan-, gálle hí ma shuunan-, tá hí af nee ma kokonyká hí gáá kekeennoká ˈgaskícho shére gaa ˈdodhdhíe. Hát kinaallá in hát gaalí he ki ˈdeeneyká gaalí kiimita, yie.

Lúka 9:5

Gaal har hí rokoˈd ki gogoloká điidheka, ény kinaallá hí gaa kekeennoká ˈgaskícho shére gaa ˈdodhdhíe. Hát kinaallá in hát gaalí he ki ˈdeeneyká gaalí kiimita, yie.

Yuána 15:20

ˈDeeny yú hí geeyká táb ˈdodhdhíe, giri yú kieye, Gedech hé máállé hí hoteká ma ˈdú ˈduwanany, yú yieká. Gáál ˈbáál hé ye manyjasie, gaal itín úba haí maanyjasia. Gáál ˈbáál hé he onisinychú chiˈde, gaal he onisinykícho úba hai chiiˈda.

Yuána 16:2

Itín gaal ény ˈdiiyiminyká haí ká riidha. Tá bár gál hí yegeská kieye, Nyíín Waago nyí hujich ki nanniyya, yegetká, hé geđ igiˈdo.

He Ekeny Gál Alb Fimiká 21:11

Mu nyí ˈdú gáá yimieká mu Báulo sáblé seeteká eedhdhe, mu sááb gille ubaa ˈgasle ki hiigite, kieye, Hím Naasan Waaˈgiet hatallá he chie: Sáballá máálle gál Yuuˈdi Yerusalemká hatallá hí higidha, tá hí kidh gíl gaa kakaa, Hím Naasan hí ye chie, muí yie.

He Ekeny Gál Alb Fimiká 7:54

Gaal héél maaleká idhane, mú af ˈdú ˈgiinime.

He Ekeny Gál Alb Fimiká 9:16

Mú aalé ˈdaa meenychú ˈdugaka hé burnay-, il hí mú aargiˈdoká mú ha yú aargisia, Máá Guđoká hí yie.

Filíbi 1:29

Itín ˈdaa Kiristoka, Waag hé hí iiy yeen tákámle ma shíiny, hé úba hí kár midhaballá af kí fuˈde, giri Kirísto ˈdaalle ˈdugaka hí maanyjayyaká.

Dhesaloníke ki Naamaká 1:5

Hééllá lulle Waag he hol eiy gaa nímle hát tagléká he gáál ká aargisia. Waag itín gál ˈdúwa-, hí Guchle higiloká hí ká dhaˈgasanna. Mú Guchlééllá ˈdaalle ˈdugaka in hí maanyjayya.

Yuána ki Naamaká 1:8

Aaléka, hol ˈdeeˈdeemíe, giri hújích hí niiyyééllá hélle hí ma ˈdaabiny-, símísle alulle hí aargiˈdaká.

Kí Edhesiny 1:9

Yáá nyár kíchia Yuána lééllá, he máá kíchia ˈdaa Yiesuka hí Waag Guch lééllá hol ˈgar iđa-, hí hol ˈgar maanyjayya-, hí mé ki chichirsataká. Yú ˈdaa giri Waag ˈdeenyle ubaa fayam Yiesu gálaat geđieká in gaal ye ˈgiliˈgay, gaal ye koro Batimosallá ká sidhe.

Kí Edhesiny 2:10

Manyjany ál ˈjob-, il hí gaa aargiˈdoká siermle haí ˈgíiny. Bá dhaayyíe, itín ˈbaal Sátan ál ˈjob ˈbíl hiiginká haí ki lalaanna, giri muí he af kí dhaˈgasanká. Ram tomon he il haí gaa aargiˈda. Aaléka, har úba káána kúfach kátaka, iiy yeen kíchia hí ye ká ˈgayyaká haí hâny, yú hé shiicho luolmitiká haí shigia.

Kí Edhesiny 2:13

Itín hát ˈjien kara guchi-, Satanká hí gaa yaalká hí gaa iđaká yáá óg, tá it meenychú tág ki ˈgiiyya. Har úba máá chia ˈdúwa-, ˈdeenychú gálaat geđie-, Ántibas lé-, ˈjien Sátan hí gaa iđoká álle gaalí hurtkícho ki yieska, it iiy yeen hí ye iiy chieká ma đíiny.