Márko 13:11 - Fayam Midhab Yiesu Kiristoká He Hol Af Iđiny Kaanaká

¹¹ Aalé gaalí giiliˈgay-, gaal hí gál arráká ˈdu gáá eeyka, hé hí hogotoká haí geer gaa ˈdeenêny. Af kinaallá ˈdéé hót Waag hí shiichoká hoogodhóo. ˈDeeny hí af geer yé gáá ˈdeˈdeenká Hím Naasan Waaˈgieto hí hogoto, hé itín muuniny.

Márko 13:11 ပူးပေါင်းရင်းမြစ်များ

Matááyo 10:17

Tá gálaat hol ˈdeeˈdemíe, gaal ar haí ˈdú egee, gaal énylé ˈdiiyiminyká haí gaa tuuna.

Márko 13:12

Máádhat nyárlé hol ki ˈdalidheká ar gíl hai gaa kakaa, mú ha gaalí yeese. Héétí iny ˈjaalle ar gíl hai gaa kakaa, mú ha gaalí yeese. Um gállé hí ˈdaloká af hai ká điidhma, gáál kúfach mé hai ki kokoo.

Márko 13:9

Tá itín hol ˈdeeˈdemíe, ar ha gaalí fafaa, ény ˈdiiyiminyká ha gaalí gaa tuuna. ˈDaachú ˈdugaka gál kaansúoká ubaa gál les met ki ˈgieká ha gaalí ˈdú egee. Gál kinaallá metle ˈduuwchú haí gaa hogoto.

Lúka 21:12

Tá hé kinaallá lulle hátlé ali ma kí ˈdíinyká ha gaalí ˈgiiliˈgaa, ha gaalí maanyjasia. Meenychú ˈdaalle ˈdugaka gál ény ˈdiiyiminyká met ki ˈgieká ubaa gál kaansúoká tá gállé guguđo-, les met ki ˈgieká ha gaalí ˈdú egee, gaal ˈdéé haí ki iđimia, gaal ény hiiginká haí fafaa.

Yuána 3:27

Aaléka Yuána gáál ˈdéé hol ˈdú nie, kieye, Máádhat hé hé ˈguoká mán, ˈdaab Waag hí he úr ma gáá shíinyká.

He Ekeny Gál Alb Fimiká 2:4

Gaal lulléká Hím Naasan Waaˈgiet hí koch chie, gaal lulle af hol ká eiyye-, Hím Naasan Waaˈgiet hí shiicheká ˈdeem ki huogodhe.

He Ekeny Gál Alb Fimiká 3:13

Waag giri Abiraayam-, Yisak-, tá Yakob-, giri eshim eshim kúnnaa kinaallá hé gédéchlé Yíésu ˈduwasiche. It mú gál kaansúoká gíl geer gaa kaayye. Af giri Bilááto mú ká hađieká fedeká ití mú Bilááto met gaa điite.

He Ekeny Gál Alb Fimiká 4:31

Aalé gáál Waag visan hí gaa đuyyeká ál gaalí hol ˈdú gáá yimie kinaal motiyye. Gáál lulle Hím Naasan Waaˈgiet hí koch chie, gaal ˈdeeny Waaˈgiet nyaalím ki huogodhe.

He Ekeny Gál Alb Fimiká 6:10

ˈDaalim Hím Naasan Waaˈgiet Estéfan hí ˈdéé ki hogodheká in fáláám gaalí hol ki fafalme kinaal Estéfan hí gáál kí adhdhe.

He Ekeny Gál Alb Fimiká 6:15

Aalé gál giri ál gál arra kinaal gaa ijeká lulle mú gaa dhaay, máá innum hí hol gaa suoyye-, innum hí innum máá ˈgasso-, urruká chieká arge.

He Ekeny Gál Alb Fimiká 7:55

Estéfan Hím Naasan Waaˈgiet hí koch chie kinaal úr gaa dhaay, édhúm Waag gáá edhdheyká ubaa Yíésu Waag gíllé ˈdaa naanietká yielká muí arge.

Korínto Erká 2:13

Muun hé ke hogodhóóllá hé ˈdéé hót ˈdaalim gálaat ke gaa onodheká ki ma ki hogon, muun ˈdéé hót Hím Naasan Waaˈgiet hí gáál onisicheká ki hogodho, giri tawuny Hím Naasan Waaˈgiet yé gáá ˈdeˈdeenká ke ˈdeem Hím Naasan Waaˈgiet hí gáál ka shiichééllá ke gálaat eiy ki nannuoká.

Eféso 3:5

ˈDeeny geer geđi-, Waaˈgietallá kíssóótí hé Waag hí gálaat ma kí edhesîny. Tá káánaka, Hím Naasan Waaˈgiet ˈdaalleka, hé Waag hí gállé alb fimi-, ubaa gállé ˈdeem ka shigiche-, taak koyyeká kí edhesiche.

Yákob 1:5

Har itín máádhat ˈdaalím ˈdabeka, hí Waag ruogono. Waag hé gíl ma gogonony, máá hí rogononká hé ˈdéé ma ki ˈdaraminy, mú ˈdaalím hai shigicha.

Bétiro Erká 1:12

Gaal fayamééllá ˈdiiyimeká Waag hé hát gaal hol hujich ma ki nannîny-, itín hí hujich kí nannieká hé gáál argisiche. Gál káána hí fayam tikiˈdééllá ki ˈdiiyimééllá hé Hím Naasan Waaˈgiet úr yé gáá ˈdiiyyeká fargogintle hí ki ˈdiiyime. Waag gállé ˈgasso-, urruká úba hééllá hol eiy gaa nannasatká hé tág fedo.