Márko 12:29 - Fayam Midhab Yiesu Kiristoká He Hol Af Iđiny Kaanaká

²⁹ Aalé Yíésu mú ˈdéé hol ˈdú nie, kieye, Hemurit súm hí met iđoká hééllá: Gál Yisirayel, nee kóo, Máá Guđo Waag kúnnaaká tákámlé ká Guđo.

Márko 12:29 ပူးပေါင်းရင်းမြစ်များ

Matááyo 10:37

Máádhat har ye gielnítaka, hí gielmit ye ka ˈguo kinaallá hí gielmit muí ˈjaalle, ˈjielle, inyle, tá inille ka ˈguoká af ˈdú ˈderneyo. Har hát kinaal ma ˈdiinyka, hé mááchú muuniny.

Matááyo 23:9

Aalé ˈdaa giri ˈJaakícho tikiˈde-, Waag Úr Iđoká tákámaká, haí lésallá máádhat ˈJaachú gaa chéen.

Lúka 10:27

Máá giriká kieye, Warˈgát kieye, Máá Guđo Waag kuaká geerkú lulle ki géélneb, hodhinkú lulle ki géélneb, fargogintkú lulle ki géélneb, ubaa tawunykú lulle ki géélneb. Héétí máá olkú hát kúún dhúrkú hol gielallá úba géélnebo, he chie, yie.

Róóma 3:30

Waag íín tikiˈde biiy gaa iđoká. Gál Yuuˈdi yíekaʼ, gál gál Yuuˈdi muuninyká yíekaʼ, máálle Kirísto iiy yieka, in Waag hí máálle hođisata.

Korínto Erká 8:4

Aaléka, aany gaalí waagam hódhoká suoryam ki ˈgaˈgaloká sogimle kóonyle hátle yú hí ká geeye. Muun waagam hódho-, gál lesalloká hí vivisatká hát hé káta mánká hé ki óg. Biiy hé waagam éíy taaka hí gaa ijoká mán, Waag biiy gaa iđoká he tikiˈd tákáma.

Galátia 3:20

Máádhat har gálaat totom gaa seseenka, hé ˈdeeny muí tikiˈdeká hurt ma higiliny. Tá Waag íín tikiˈde.

Tímote Erká 1:5

Atim kuuní gáál af tatiyyóóllá héllé gálaat yé ˈdú ˈdeđichoká he gielmit giri hodhin saas mánká yé gáá ˈdeˈdeennoká, ubaa hé ˈdúwa-, gaalí ógká ekenylé, tá iiy yeen ˈdúwa-, nyimisan mánká.

Tímote Erká 2:5

Waag íín tikiˈde, tá Máá gariet-, gálaat ubaa Waag hol higilsuoká úba tikiˈde, hé kinaallá he máá Yiesu Kirísto lé-,

Yákob 2:19

Kuun Waag hát tikiˈdeká kó iiy chie. Kúbu! Hé kinaallá úba hé aryáán hí óg, aryáán hí gaa faađanan.

Yúúa 1:25

Waag tikiˈde-, tákámle Rúbách kúnnaallá, ˈdaa Máá kúnnaa Guđo Yiesu Kirísto léélláka, bár giri hátle les ma ka kúóninyká, ubaa bárallá, tá bííyyó biiyo, ˈdúúw, kansím, fargogínt, tá hemuumurít lulle hí hélle yeet. Iiy-hí, he hí hát kinaallá yeet.