Márko 12:28 - Fayam Midhab Yiesu Kiristoká He Hol Af Iđiny Kaanaká

²⁸ Aalé gál nyatalaamká mú tikiˈd ká yimieká, gál hol ki fafalmeká ˈdeenyle nee koy. Yíésu gáál hát ˈdabaanká ˈdéé hol ˈdú naʼ argeká, mu Yíésu yiete, kieye, Hemuumurit Waag hí Móshe ka shiichééllá, hemurit máre hí met iđa? yie.

Márko 12:28 ပူးပေါင်းရင်းမြစ်များ

Matááyo 19:18

Mu Yíésu ˈdéé hol ˈdú nie, kieye, Hemuumurit máre? yie. Yíésu mú geey, kieye, Hemuumurít giri kieye, ha máádhat chíésiny, haí hol ˈdú burúminy, ha buráany, ha máádhat hódho af káany,

Matááyo 23:23

It gálaat nyatalaam oonisicháállo ubaa it gál Farisaayallo, he ebá hí ki ˈdéen! It hol ˈdug gáá sasalláal! Hé ˈduwa, ˈguor met bir hí ˈguom fafaataká hí tomon taat argiyyeka, it taat Waag hol ˈdú nanniyya. Hé shiicho nigini hatallóóllá in hí ma haađiny háluke, tá háteeye he hemuumurit súm farguogo-, hát káána hé ˈdúwaká ekeny, ubaa geer guurá ˈgany, tá hé ˈdúwaká huogon hí gíl sug ki haychéel? Hééllá lulle hol ˈdú chiˈdíe, eekemeyyíe.

Matááyo 5:19

Aaléka, máá hemuumuritééllá hemuritlé ninniká tikiˈd gaa ˈdeeneyo-, tá gálaat yaalmit kinaal ki oonisuoká, máá kinaallá Guch Waaˈgietka, máá biiy el ˈdaˈdká ha gaalí gaa yeedhe. Tá máá hemuumurít lulle tág chirat-, yaalmit kinaal gálaat oonisuoká, máá kinaallá Guch Waaˈgietka, máá guđoká ha gaali gaa yeedhe.

Márko 9:14

Aalé gaal gállé láli-, hayká hol ˈdu gáá nadheká gaal nyésébích guđo-, gáál ki kuˈd yieká arge, gál nyatalaamká gáál hol ki fafalma.

Lúka 11:42

It Farisaayallo, onnóo! He lullé nigini hí aargiˈdoká, hát káána ˈguor met bir hí ˈguom fafaatoká tomon taat hí argiyyeka, taat Waago hí hol ˈdú nanniyya. Hé kinaallá hé midhab. Tá háteka, itín hí ˈdúúw ubaa gielmit Waaˈgiet gíl sug ki haychéel? Hééllá onnônyka ití gíl sug ma ki haađîny. Hé shiicho nigini kinaallá ubaa hééllá onnônyka hollo hí hol ˈdú chiirate.

Lúka 20:39

Aalé gál giri nyatalaamká ˈbáál mú ˈdéé hol ˈdú nie, kieye, Máá gáál he oonisúóllo, taglé hote, yie.