Márko 11:33 - Fayam Midhab Yiesu Kiristoká He Hol Af Iđiny Kaanaká

³³ Aalé gaal Yíésu ˈdéé hol ˈdú nie, kieye, Nyáá nyí muog, yie. Aalé Yíésu gáál geey, kieye, Af kinaalka, yáá kansim hééllá ki ekemeyoká máállé hí ye ká shieká úba hí ma ká geđiny, gáál yie.

Márko 11:33 ပူးပေါင်းရင်းမြစ်များ

Matááyo 15:14

Gál Farisaayallá hayyíe, gálallá he gál bala maaman-, gállé bala maamanká gil met chichiratká. Tá máá bala mánká máállé bala mánká gíl mé chiˈdeka, gaal hullaalle đo ˈguoˈd hai ki okoˈde, muí gáál yie.

Matááyo 16:4

Gál hé gaa nyakarichká geer ki sisidho-, Waag hol a taak gaa nieká in hé gáál af ˈdaˈdabsuoká aargiroká fede. Tá gáál hé máá níínní hí hé kinaallá aargisuoká mán. Hé gaal hí aargiroká tikiˈd tákáma. Hé kinaallá héllé ki égká he yaalmit máá Waag hí ˈdeem ka shigiche-, Yónnas léká. Yíésu hí gáál yie. Aalé Yíésu đo gáál in ká kie, ali gaa sedhe.

Matááyo 21:27

Aalé gaal Yíésu ˈdéé hol ˈdú nie, kieye, Nyáá nyí muog, gaalí yie. Aalé Yíésu gáál geey, kieye, Af kinaalka, yáá kansim hééllá ki ekemeyoká máállé hí ye ká shieká úba hí ma ká geđiny, gáál yie.

Márko 11:32

Gálaato yé gáá ˈdiiyye ke yieka kor háteeye? gaalí yie. Tá gaal onnônyka hát kinaal yegetká, nyésébích guđo hol ˈdu gáá yimieká kiadhe, ˈdaa giri gálaat lulle Yuána hát máá ˈdúwa-, Waag hí ˈdeem ka shigicheká onnoyká.

Márko 12:1

Aalé Yíésu hát hibietká gáál he onisie, kieye, Mú tikiˈd ˈguor saano vinnaká lésle gaa fie, tá đír ki ˈdisse. Mu les hurt ˈguoˈd gaalí saano gaa ˈduˈduoká gaa ˈgodhe, konnoch úba les gaa ˈdisse. Aalé mu gál les ˈdeˈdeen-, aadh ˈdaatika saano hisseka mú hol saano ki léká les af iđie, đo kie, lés eiy mé nie.

Yuána 3:10

Yíésu mú ˈdéé hol ˈdú nie, kieye, Kuun in máá gál Yisirayel he oonisuoká háluke, tá háteeye héél eiy ma nannasan?

Yuána 9:27

Aalé mu kieye, Yáá hí kis geey, kor it ye af nee ma kôny. Tá háteka geđi hí mamalloká hí feˈdéel? Itín úba hí mú lalille chegetoká hí féˈde? yie.

Róóma 1:28

Aalé ˈdaa giri gaal Waag óny hát hé ˈdúwaká ma ká dhaˈgaminy-, ma chichiranká, in Waag gáál kaslé ˈdeenete kinaal ˈdú hayche, hé onnônyka gálaat hí ma ekemenyká ekemeye.

Korínto ki Naamaká 3:15

Tá gál Yisirayel káána ˈjób ki gaa ijóóllá Móshe warˈgasamlé veereká totoyoka, kasle hé hátle chúg, đafar buan kinaallá he gim gaa iđa.