Márko 11:14 - Fayam Midhab Yiesu Kiristoká He Hol Af Iđiny Kaanaká

¹⁴ Aalé Yíésu kinnach geey, kieye, Taalle ali taalallá kó geđi máá ko um gaa kokuoká mán, yie. Tá mú lalille héél muí hodheká hé maale.

Márko 11:14 ပူးပေါင်းရင်းမြစ်များ

Matááyo 21:19

Mu kinnach ˈgierich atól gaa arge. Mu kinnach af ˈdú tameká, kinnach nee tákáma, hé erbit tikiˈd úba mán. Aalé mu kinnach geey, kieye, Kuun taalle bííyyo kó geđi um ma lalaminy, yie. Kinnach đo ali gaa gogoy.

Matááyo 21:33

Aalé Yíésu geđi gáál geey, kieye, Ebá hib he hol ki ekenyallá úba nee kóo. Máá leslé mare lésle ˈguor saano vinnaká gaa fie, tá đír ki ˈdisse. Mu les hurt ˈguoˈd gaalí saano gaa ˈduˈduoká gaa ˈgodhe, konnoch úba les gaa ˈdisse. Aalé mu gál les ˈdeˈdeen-, aadh ˈdaatika saano hisseka mú hol saano ki léká les af iđie, đo kie, lés eiy mé nie.

Matááyo 21:44

[Máá wárallá ˈdú ˈduoká hai ˈgeeˈgee, tá máá wárallá hí ˈdú ˈduoká hai ˈbiirteedhe, Yíésu hí gáál yie.]

Matááyo 3:10

Aaléka, Waag hé yerellé alléká tág ká chirate, ˈguor đuur ˈdú koyye. Ameeny ˈgór saano midhabká hí ma gáá higisinyká lulle ali ha muí gaa muura, ˈjiet ha muí gaa verene.

Matááyo 7:19

ˈGór saano midhabká hí ma gáá higisinyká ali ha gaalí gaa muura, ˈjiet ha gaalí gaa verene.

Márko 11:13

Mu kínnách đalayká bííy fag ká arge. Mu sedhe, kerka kinnacho he um gáá eebite. Aalé mu kinnach af kí ˈdieká, kinnach um mán, ˈdaa giri kinnach hísáchle aleđuđugulle muuninyká kinnach nee tákáma he ˈgaa.

Márko 11:15

Aalé gaal ˈjien Yerusalem kí fameká Yíésu ˈBíl Waaˈgiet náble hile. Mu gál náb kinaal shokodaam gaa higidhdhe-, ubaa shokodaam gaa mamadieká ˈbaad ki arie. Mu karm gaalí birm ˈdug eiy gaa fufumieká ubaa karm gál hóle suoryamká ka mamadieká hí ˈdú ijeká abuunam mure.

Yuána 15:6

Máá ye ma gaa iđinyká, he hát kolmit gaalí lay-, gogoyyeká. Kolm hatallóóllá hollo gaalí hol ˈdú shuguna, ˈjiet ha gaalí ki lalama, hai ˈdunnuma.

Bétiro ki Naamaká 2:20

Gál Máá kúnnaa Guđo-, Rubachiet-, Yiesu Kirísto iiy yeenle ubaa eiy naasanle hí riiyye-, les héllé gaa nyakarichká kar gáá ˈdaneká, har geđi héllé ˈdeđew kinaal hol ˈdú nadhe-, hí ˈgaaˈgadhdheka, gáál yaalmitlé kaanallóóllá hé gáál yaalmitlé kissoká súm ˈdú ˈdeew.

Kí Edhesiny 22:11

Máá hé ˈdeđewká gaa seseenká hí héllé ˈdeđew kinaallá gaa seeseen, máá gaa nyakarichká hí hátlé gaa nyakarich kinaal gaa yíéđuo. Máá hé ˈduuˈdúwaká ekemeyoká hí héllé ˈduuˈdúwa kinaallá eekemeyo, tá máá Waag hílléká hí taalle Waag máálle yeet, yie.