Márko 10:43 - Fayam Midhab Yiesu Kiristoká He Hol Af Iđiny Kaanaká

⁴³ Tá itín ˈdaakíchoka, he hé hát kinaallá muuniny. Hurtkíchallá máá gúch fedoká, hí máá hí met gaa kekeen-, hí hujich kí nannuoká yeet.

Márko 10:43 ပူးပေါင်းရင်းမြစ်များ

Márko 10:42

Aalé Yíésu gáál lulle hol ˈdú vie, kieye, Ití óg, kidh gállé kaansúo-, hí met ki ˈgieká hí he ki mumura, in hí guguchle aargisia.

Márko 10:44

Hurtkícho máá máá méte yegetká fedoká, hí lulkícho gédéchkícho yeet.

Márko 9:35

Aalé Yíésu les yíéđie, lalillé tomon a naamáká ká vie, gáál geey, kieye, Har kín máádhat biiy met ki ˈdeˈdeenká fedoka, hí biiy el ki mado, hí gáál lulle gédéchle yeet, yie.

Lúka 14:11

Máá hol máá ˈdúwaká ka dhaˈgasanká, Waag ˈdúúw haí rianna. Máá hol máá ˈdúwaká ma ka dhaˈgaminyká, Waag haí ˈduuwaycha, Yíésu hí gáál yie.

Lúka 18:14

Aaléka Yíésu geđi gáál geey, kieye, Yú hí geeye, hé máá Farisaayatíá muuniny, máá gibíre gugusatallá ííni ˈdúˈjím Waaˈgiet ki gale. Máá hol máá ˈdúwaká ka dhaˈgasanká, Waag ˈdúúw haí rianna. Máá hol máá ˈdúwaká ma ka dhaˈgaminyká, Waag haí ˈduuwaycha, Yíésu hí gáál yie.

Lúka 22:26

Tá itín ˈdaakíchoka, he hé hát kinaallá muuniny. Itín máá kíchia guđoká hí hol ninineyo. Máá hí mé ki yaalká hé máá itín hí he ki nannuoká yeet.

Lúka 9:48

gáál geey, kieye, ˈDaa meenychú ˈdugaka, máá veel ninnííllá rokoˈd ki goloká, yaa ye rokoˈd kí gole. Máá ye rokoˈd kí goloká, Máá ye ali gáá kaayká he rokoˈd ki gole. Máá lulkícho hí ˈdú ninniká, máá kinaallá in lulkícho hí ˈdú guđo, gáál yie.

Yuána 18:36

Aalé Yíésu kieye, Guch chú hé guch lesallá muuniny. Guch chú guch lesallo-, onnônyka, gál chia yú mé ki yaalká hé onnônyka oos iđie, gál Yuuˈdi hé ye ma ˈgiiliˈgâny. Tá guch chú íín álle taaka, yie.

Róóma 12:2

Haí húgúm lesalloká enîny, hol Waag ˈdú hayyíe, Waag hí hol gaa layyo, hí tawuny ˈdúwaká shiicho. Hí hatal ˈdiiyyeka, in Waag he gaa feditlé midhab-, taglé-, mú geer gaa memeychoká hí ekemeyche.

Galátia 5:13

Nyaaramchú, itín mé furinyo Waag hí kí viiyye. Tá mé furitkícho haí kár giri hí balt gón kíchia gaa nyakaridheká ki geymisichoká hôny, hí mé furit gálle hol giel-, hol he ˈdú chichiratká onnoyyo.