Márko 10:17 - Fayam Midhab Yiesu Kiristoká He Hol Af Iđiny Kaanaká

¹⁷ Aalé Yíésu ˈgíéríchlé gaa igireká mú tikiˈd hí ˈdú gáá ˈdodhdhe, mu Yíésu ˈgas met les kurram gaa ˈdoy, mú yiete, kieye, Máá ˈdúwa-, gálaat he oonisúóllo, yú háte ˈdeeme, giri yú luolmit biiyoká aargiroká? yie.

Márko 10:17 ပူးပေါင်းရင်းမြစ်များ

Matááyo 17:14

Aalé gaal he nyesebich álle kí ˈdieká mú tikiˈd ká yimie, Yíésu met les kurram gaa ˈdoy,

Matááyo 25:34

Aalé mu ííni Kansich kinaallá wala hí gíl ˈdaa naaniet ijoká hai geđia, kieye, It ˈJaachú hí ˈdú ˈguunumééllá ka yimedhíe, guch af giri ˈJaachú les ka kuoneká muí itín tág kí koyallá ka hiláa.

Matááyo 28:8

Aalé ˈdég har úba binineny ˈgayyeka, đo súm úba ger hí gaa meedhe, uushich álle gaa ˈdoˈdoote, giri fayam he maalléél gál láliká ˈdú siitoká.

Márko 1:40

Aalé máá nyókot hí faanne mare Yíésu ˈdu gáá yimie, mú met les kurram gaa ˈdoy, mú gil ki efe, kieye, Kó uˈdo, har feˈdoka ha ye biisicha, mú yie.

Márko 10:18

Aalé Yíésu mú yiete, kieye, Háteka ye máá ˈdúwaká chegetóol? Hé máá níínní ˈdúwaká mán, Waag tákáma ˈdúwa.

Márko 12:14

Gaal mú ˈdu gáá yimie, kieye, Máá gáál he oonisúóllo, kúún hát ˈdúúw hogoto-, afka hódho mánká nyáá nyí óg. Kó máá níínní kikiato-, ubaa ˈdú iiyyoká mán. Tá kuun ˈgíérích ˈdúwa-, Waaˈgietká gálaat oonisicha. Aaléka, Káísar ki gibíre ki gugusoká taglée, ebá hé tagle muuniny?

Márko 9:25

Yíésu nyesebich ali ˈdu gáá kirmita argeká, aryaan ˈdeewallá ki ˈday, kieye, Kó af ubaa nee mánnal, he yú ko ki mure, íny yé gaa ˈdé! Ha geđ íny híliny! yie.

Lúka 10:25

Waaséél máá súm hemuumurit Waag hí Móshe ka shiicheká óg mare le gaa kie, Yíésu ˈdéé a kí dhaay, kieye, Máá gáál he oonisúóllo, háte yú ˈdeeme, tá yú luolmit biiyoká aargira? yie.

Yuána 3:2

Mu chúúre tikiˈd Yíésu ˈdu gáá yimie, kieye, Máá gáál he oonisúóllo, kuun hát Waag gáá chimie-, gálaat he oonisichoká, nyáá nyí óg. Hé máá níínní Waag hí gaa líítaka, hé ke af ˈdaˈdabo-, kuun hí ekemeychóóllá ekemeyoká mán, yie.

Yuána 5:39

Itín it tág Warˈgat Waaˈgiet totoycho. Tawunykíchoka, he veerít luolmit biiyoká ha nyí gaa aargiˈda, hí chegedhe, kor he veerít íín ˈduuw chia he hogoto.

Yuána 6:40

Hé ˈJaachú hí fedoká hééllá: Máá yáá Ínyííllá ye bala ˈdu gáá nuo-, ye iiy yeetká, luolmit biiyoká hai gaa yíéđima, tá kúlích biiy el ˈdaˈdká úba uushich yé ha yú gáá ˈdeđia, Yíésu hí gáál yie.

He Ekeny Gál Alb Fimiká 16:30

Aalé mu mú Báulo ˈbíl yé gaa ˈdeey, gáál heete, kieye, Gál yaab! Háte yú ˈdeeme, yú rubach aargira? yie.

He Ekeny Gál Alb Fimiká 2:37

Gálaat héél maaleká gáál ˈdee hí geer hile, gaal Bétiro ubaa gál Yiesu alb fimiká heete, kieye, Nyaaramkínyo, háte nyí ˈdeenne? gaalí yie.

He Ekeny Gál Alb Fimiká 20:32

Yáá hí Waag gíl geerle fie, hí Waag ˈdeenylé gielmitiká ˈdú hay, giri ˈdee hí iiy yeenkícho higirasuo-, ubaa gál Waag hí gálle hosote-, muí taak koyká lulle hí mú áˈjánle hol ˈgar aargiˈdaká.

He Ekeny Gál Alb Fimiká 9:6

Le gaa keʼ, é mé naʼ, hé ekemeychoká ény kinaallá ha gaalí ko gaa geđia, ˈdéé hót hí mú chie.

Róóma 2:7

Gál hé midhabká ekemeyo-, giri aadh ˈdaatika Waag hí meeycho-, muí gál ˈdúwaká yeget-, gón ma kufuminyká muí shiguoká, luolmit biiyoká Waag haí shigicha.

Róóma 6:23

Ađááb héllé gálaat hí gaa aargiroká he kúfach, tá hé shiicho halleello-, Waag hí gál Máá kúnnaa Guđo Yiesu Kirísto iiy yegetká shigichoká íín he luolmit biiyoká.

Eféso 1:18

Hé úba yú Waag rogononká, he giri Waag hí in eiy ˈdeđicho-, hé ˈdabaan biiy met gaa ijo-, Waag hí kí viiyyeká hát hí aargiˈdaká hí kiimisata-, Waag kamurlé ˈdúúw ˈgayyo-, gál Kirísto iiy yieká hílléká hí oonootoká.

Títo 3:7

giri ˈdúˈjímallá ˈdaalle Waag muun gáál iiy cheget-, ke luolmit biiyo-, muí gálle af iđie-, ke met egessóóllá ke aargiroká.

Héberew 1:14

Aaléka, Waag gállé ˈgasso-, urruká lulle he gál Waag hí alb fafiyyo-, giri gál rubach aargiroká he ki nannuoká, muunîny?

Bétiro Erká 1:4

Héétí kamur ˈdúwa-, ma viinan-, ubaa ma ˈdeđenen-, el met hí ma ˈgiˈginká ha ke aargira. Kamur kinaallá hé Waag hí itín úratí ali kí iđiche.

Yuána Erká 2:25

Kirísto hé muun gáál af iđieká he luolmit biiyóóllá.