Márko 1:21 - Fayam Midhab Yiesu Kiristoká He Hol Af Iđiny Kaanaká

²¹ Aalé Yíésu ubaa lalillééllá ˈjien Kafarnaum ki fame. Kúlích Hef ˈGisanká Yíésu ˈbíl ˈdiiyiminyká sedhe, gálaat he onisie.

Márko 1:21 ပူးပေါင်းရင်းမြစ်များ

Matááyo 4:13

Mu ény Nasaret gaa kieká sedhe, Kafarnáum-, Bás Galilaaya in ijo-, lés é meeny Dhebulun ubaa é meeny Nafitali gaa taalká álle gaa yíéđie.

Matááyo 4:23

Aalé Yíésu lés Galilaaya geerle lúl gaa sedhe, ény ˈdiiyiminyká gálaat he gaa onisie, Fayam Midhab Guch Waaˈgietká gálaat ki ˈdiiyime. Mu basham ubaa fursam hátlé met hí hol ka burnayká gálaat yiem gaa ˈdeey.

Márko 1:20

Yíésu đo gáál vie, gaal ˈjaallé Dhebeˈdáya ubaa gál hí hujich ki nannieká kadich ki hay, mú el gaa veere.

Márko 1:29

Yíésu ubaa lalilléél ˈbíl ˈdiiyiminy kinaal gáá kieká đo sedhe, Símon ubaa Ánˈduru ényle mé nie, Yákob ubaa Yuána úba hé gáál hol ˈgie.

Márko 1:33

Gálaat lullé eny kinaalloká ˈbíl af ˈdú tuutume.

Márko 1:39

Aalé mu lés Galilaaya lulle gaa sedhe, gáál énylé ˈdiiyiminyká hile, gáál ki ˈdiiyime, gálaat aryáán yiem gaa ˈdeey.

Márko 10:1

Aalé Yíésu Kafarnáum gáá kie, lés Yuuˈdia mé ká nie, ˈjíig wár Yorˈdan yíé ˈdie. Nyesebim burnayká mú ˈdu gáá yiimie. Mu hátlé aađaká geđi gálaat he onisie.

Márko 2:1

Waaséél Yíésu geđi Kafarnáum hol ˈdú nadhe. Mú é ki ˈjímle fayamle ˈjien eiy ki bash chie.

Márko 3:1

Aalé Yíésu geđi ˈbíl ˈdiiyiminyká hile. ˈBíl kinaal geerle máá gil hí ki kiite-, gíl gáá héljo mare hí gaa ije.

Márko 6:2

Kúlích Hef ˈGisanká ali kí ˈdiiyyeká mu gálaat ˈbíl ˈdiiyiminyká he gaa onisie. Gál burnayká mú he onisinyle maaleká he af ˈdabe. Gaal kieye, Máállá hééllá ále gaa arge? ˈDaalim muí argéél he ˈdaalim máre? Hé fargogo ke af ˈdaˈdabóól muí ekemeyóol?

Lúka 10:15

Tá kó ˈjien Kafarnaumallo, hollo hol ˈderneche-, úr nyoorónno? Kó úr ma nyuorminy! Kuun Waag hai ko gaanaycha, ál gál kufeká hí mé nannuoká ha gaa maanyjayya, muí yie.

Lúka 13:10

Yíésu Kúlích Hef ˈGisanká ény ˈdiiyiminyká ˈbíl tikiˈd gálaat he gaa onisie.

Lúka 4:16

Aalé Yíésu ˈjienlé giri Nasaret-, gáá guđandheká ki ˈjie. Mu hátlé aađaká Kúlích Hef ˈGisanká ˈbíl ˈdiiyiminyká hile. Mu les gaa kie, giri Warˈgat Waaˈgiet totoyoká.

Lúka 4:23

Yíésu gáál geey, kieye, Hé ˈduwa, itín gon ˈdéé hótallá haí ye ˈdú hogoto: Máá gil onyi, hol bísish! Hé nyí maalle-, gáál af ˈdaˈdabsuo-, Kafarnáum gaa ekeycheká, lés kuallá úba gaa ékesh, haí ye cheedhe.

He Ekeny Gál Alb Fimiká 17:2

Báulo hátlé aađaká Kúlích Hef ˈGisanká ˈbíl ˈdiiyiminyká sedhe. Mu Kúlích Hef ˈGisanká met seđ ˈbíl ˈdiiyiminy kinaal ˈdeeny Warˈgat Waaˈgiet gálaat af gaa koy.

He Ekeny Gál Alb Fimiká 18:4

Báulo ˈjien Korinto kinaal bar lulle Kúlích Hef ˈGisanká ˈbíl ˈdiiyiminyká seeseme. Mu fayam Yiesu gálaat ki ˈdiiyime, gál Yuuˈdi ubaa gál Hellen ˈdéé af gaa kuokoy.