Lúka 9:60 - Fayam Midhab Yiesu Kiristoká He Hol Af Iđiny Kaanaká

⁶⁰ Yíésu mú geey, kieye, Gál kufeká hash, gállé kufeká hí gaagalio. Kúún íín sí, Guch Waaˈgiet ˈdiiyímo, mú yie.

Lúka 9:60 ပူးပေါင်းရင်းမြစ်များ

Matááyo 4:23

Aalé Yíésu lés Galilaaya geerle lúl gaa sedhe, ény ˈdiiyiminyká gálaat he gaa onisie, Fayam Midhab Guch Waaˈgietká gálaat ki ˈdiiyime. Mu basham ubaa fursam hátlé met hí hol ka burnayká gálaat yiem gaa ˈdeey.

Matááyo 8:22

Aaléka, Yíésu mú geey, kieye, Ye el gáá véer, gál kufeká hash, gállé kufeká hí gaagalio, yie.

Lúka 15:24

Iny chiallá érléká hai kufe, yú yie, káána lúol! Hai bađayyo, yú yie, káána hé yé ká ˈdie! íny ˈjaalle hí gedelle yie. Aalé gaal lulle aaˈdume.

Lúka 15:32

Kí aaˈduan, ger hí gáál gaa meet. Nyár kuallá érléká hai kufe, ke yie, káána lúol! Hai bađayyo, ke yie, káána hé yé ká ˈdie! muí inylé guđo kinaal yie, Yíésu hí gáál yie.

Korínto Erká 9:16

Fayam Midhaballá ˈdiiyiminyle hé hé yú hol gaa ˈduuwayoká muuniny. ˈDiiyiminyééllá Waago hí ye mé ki koyye. Har yú Fayam Midhaballá ma ˈdiyiminyka, he bá ye ki ˈdéen!

Eféso 2:1

Itín érlé-, hí Waag af đuˈdute-, hí ađaabano gaa seseenneká bár kinaalláka hí gál kufachiet.

Eféso 2:5

Af giri hátle ađaabanokúnno ˈdugaka ki gál kufachiet onnoyká, Waag hé muun gáál Kirísto hol ˈgar loolnoyche. Aaléka, itín ˈdúˈjím Waaˈgieto hí ki biiyye.

Tímote Erká 5:6

Tá min hiyesidhe-, he fedit lesalloká tákámle mé higilsichoká har úba káána les ˈdug ˈdú iđoka, hé kuyye.

Tímote ki Naamaká 4:2

ˈDeeny Waaˈgiet ˈdiiyímo, aadh lulle hát lulle tág yáal, giri gálaat af tatiyyo-, il gíl gaa helisanno-, hát ˈdabaan-, geer gaa guchiká gáál ki gogofsicho-, gáál he oonisichoká.

Tímote ki Naamaká 4:5

Tá kúún, he met lulle ˈdaalleka, kas midhabká ˈgab, manyjany mé ki chírso, Fayam Midhaballá gálaat gééđish, hújích Waag hí ko shiichééllá hát ˈdabaanká náánnaʼ.

Kí Edhesiny 3:1

Gál Kiristo ˈjien Sartis gaa ijoká máállé urru-, ˈgassoká ˈdeenyééllá ˈdú véer. Máá giri hím naasan tiiya-, Waaˈgietká ubaa hidhino tiiya ˈguoká ˈdeenyle hééllá: Yú yáá húgúmkícho óg. Itín kerka meeny gál luogolká hí ˈgayya, kor it kuyye.