Lúka 9:51 - Fayam Midhab Yiesu Kiristoká He Hol Af Iđiny Kaanaká

⁵¹ Yíésu aflé giri úratí mé nannieká ka ˈjobonteká, mu Yerúsalem sienyle ˈdú guofe.

Lúka 9:51 ပူးပေါင်းရင်းမြစ်များ

Márko 16:19

Aalé Máá Guđo Yíésu gáál ˈdeenyéél geeyká đo Waag hí eete, úr mé nie, Waag gíl ˈdaallé naanietká yíéđie.

Lúka 12:50

Yú yáá manyjasiny gaa nannaatká ˈguo. Manyjasiny kinaallá ˈdaab yú yé ma gaa ˈdíinyká geerle hé ye gaa ˈdeew!

Lúka 13:22

Yíésu ˈgíéríchlé gaa igire-, Yerúsalem sesemeká, ˈjien gaa naanadhe, gálaat he oonisie.

Lúka 17:11

Yíésu sienylé gaa igire-, Yerúsalem sesemeká, mu lés Samaria ubaa lés Galilaaya toom nadhe.

Lúka 18:31

Yíésu gál giri láli-, tomon a naamaká taak eedhdhe, gáál geey, kieye, Bá dhaayyíe, múún Yerúsalemo ke seseme, ˈdeeny Iny Máádhat ˈdaalle ˈdugaka gál Waag hí ˈdéé ka shigicheká hí veereká lulle ál kinaal hai gaa ˈduuwaa.

Lúka 19:11

Gálaat hátlé ˈdeeny Yíésu hí hogodheká nee kokoyká, Yíésu gáál hibééllá geey. Mu gáál hibééllá geeyallá hé ˈdaa giri mu Yerúsalem ma gaa faganâny-, tá gálaat tawunyleka, Guch Waaˈgiet tíkíˈdé kinaallá yé hai ká ˈdeenne, yegieká.

Lúka 19:28

Yíésu hib kinaal gáál geeyká đo sienyle mé veere, Yerúsalem mé nie.

Lúka 24:51

Mu hátlé gáál ˈdú ˈgunumeká đo úr ki kie, Waag hí úr ˈdú eete.

Lúka 9:57

Aalé gaal ˈgíéríchlé he gaa igireká, mú tikiˈd Yíésu geey, kieye, Alb lulle kuun hí seseennoká taalle ello yú ko gaa igira, mú yie.

Yuána 13:1

Aalé ˈjila máá ˈgasso-, urru-, Waaˈgietká hí gáál ˈdug gaa nadheká ka tirtirayyeká, Yíésu aleđuđugulle hát ali kí ˈdiiyye-, lésallá haađuo-, bííy ˈJaalle mé nannuoká hé onnoy. Mu hát gállé lesallo-, hí iiy yieká gielká in gielmit kinaallá taalle muí gáál ká ˈgie, muí gáál aargisie.

Yuána 16:28

Yú ˈJaa chia gáá yimie, in lésallá mé ká nie. Aalé káána lésallá ha haađia, ˈJaa chia hol ˈdú naadha, Yíésu hí gáál yie.

Yuána 16:5

Tá káána yú Máá ye ali gáá kaayká bííylé mé nannaa, tá itín it máá níínní ye hegeset-, kieye, Ále seseenne? ye yegetká mán.

Yuána 17:11

Yú yáá lésallá ma gaa iđiny, yú bííy kua mé ká nannaa, gaal íín lésallá he kí ˈgiita. ˈJaa chia saas mánnallo, meeny kua ye ká shiichééllá ˈdaalleka, gáál in ki ˈdé. Hát muun ke tikiˈdééllá, gaal íín úba hí tikiˈd yeet.

Yuána 6:62

Tá itín Iny Máádhat hátlé úr mé nannuo-, állé er he gáá yimieká hol ˈdú nannaatká hí aargírinyka, háte hí chíe?

He Ekeny Gál Alb Fimiká 1:9

Mu ˈdeenyéél beeteká hátlé gaalí dhaˈgameká úr mé nie, nyáˈdow hí buanne, gáál in ki bađay.

Eféso 1:20

muí Kirísto uushich yé kí ˈdeete-, mu Kirísto gíllé ˈdaa naaniet-, uratiká iđiteká.

Filíbi 3:14

laat chia lađama, hé shiicho biiy metoká đulallé gaa ija, giri hé kinaal aargiroká. Hé shiicho kinaallá he luolmit biiyo-, urati-, ˈdaa Yiesu Kiristoka, Waag hí ye kí viiyyeká.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Héberew 12:2

Máá iiy yeenkúnno mé gáá kodhdhe-, iiy yeenkúnno ˈduuwasuo-, Yíésu lééllá kí taalle in gaa kuokuo. Geer gaa meen ka chiimet-, muí onnoy kinaallá ˈdaalle ˈdugaka in mu ˈgór đarám yaalká kúfáchle gaa nadhe, manyjany il hí argiyyeká ubaa eesheny gaalí egesheyká ma đíin. Mú kúfáchlé kinaallá el ˈdaal in mu kara guchi-, Waaˈgietká ˈdaa naaniet yíéđie.

Héberew 6:20

ˈDaakúnno ˈdugaka in Yíésu Ál Súm ˈDúwa kinaallá muun gáál met hile. Mu hát yaalmit Melkiseˈdegkáka hé Máá méte suoryo-, biiyoká yie.

Bétiro Erká 3:22

Aalé Kirísto tikiˈde kinaallá in úr mé nie, káána Waag gíl ˈdaa naaniet ija, gál urru-, ˈgasso-, Waaˈgietká ubaa kansimano lullé met hí hol ká eiyyeká hí hemuumuritle gim gaa ija.