Lúka 9:50 - Fayam Midhab Yiesu Kiristoká He Hol Af Iđiny Kaanaká

⁵⁰ Yíésu mú geey, kieye, Haí mú hé kinaallá ka rían. Máá ˈdeenykícho ma điinká he máákícho, yie.

Lúka 9:50 ပူးပေါင်းရင်းမြစ်များ

Matááyo 12:30

Máá ye ma ˈdú iifinyká, hé mááchú muuniny, mé illó ye gaa yaalla. Héétí máá ye ˈdína ma kí ˈdeˈdeminy-, ye walachú ma ˈdu gáá egenyká, he máá walachú baađisuoká.

Matááyo 17:24

Aalé Yíésu ubaa lalille ˈjien Kafarnaum ki fameká gál bíre gaalí ˈBíl Waaˈgiet ki gugusoká gugusatká Bétiro ˈdu gáá yimie, kieye, Máá kíchia hí he oonisúóllá in hé bíre ˈBíl Waaˈgiet gugusô? yie.

Matááyo 17:26

Bétiro mú ˈdéé hol ˈdú nie, kieye, Gaal gál hí é gerle muuninyká he birm gaa guguta, yie. Yíésu kieye, Har hát kinaal kátaka, gáál helelle hé birm he gugusoká mán.

Márko 9:38

Yuána Yíésu geey, kieye, Máá gáál he oonisúóllo, mú tikiˈd nyí argiyye, gálaat fargogint meenykú aryáán yiem ki ˈdeđia. Nyíín nyí mú hé kinaal ekenyle ká riate, ˈdaa giri mu máákúnno muuninyká, yie.

Márko 9:41

Yú hí hé ˈdúwaká geeye, ˈdaa giri itín hí gál Kiristoká máá hí bíé a geereká ˈdaat kí ˈduoká, bár ˈdaatika hé hé shiicho Waag ma gaa ˈdaabiny, yie.

Lúka 11:23

Máá ye ma ˈdú iifinyká hé mááchú muuniny, mé illó ye gaa yaalla. Héétí máá ye ˈdína ma kí ˈdeˈdeminy-, ye walachú ma ˈdu gáá egenyká, he máá walachú baađisuoká.

Lúka 16:13

Gedech hé gáál naam hí ma liileen, ˈdaa giri kálmaréél mú tikiˈd neebeet-, máátí geelneetká, muuninyka, mú tikiˈd giel-, máátí eesheyoká. Itín it ˈgas eiy ma kokony, Waag gedelle ubaa kamúr gedelle ma chegen, Yíésu hí gáál yie.

Korínto Erká 12:3

Aaléka, hééllá yú hí geeye, hé máá níínní Hím Naasan Waaˈgiet ˈdéé ki hogodho-, Yíésu he máá ˈdór ˈguoká yegetká mán. Máádhat har kieye, Yíésu he Máá Guđo he lulle mé ki yaalká, yieka, máá kinaallá Hím Naasan Waaˈgieto he ˈdéé ki hogodho.