Lúka 9:48 - Fayam Midhab Yiesu Kiristoká He Hol Af Iđiny Kaanaká

⁴⁸ gáál geey, kieye, ˈDaa meenychú ˈdugaka, máá veel ninnííllá rokoˈd ki goloká, yaa ye rokoˈd kí gole. Máá ye rokoˈd kí goloká, Máá ye ali gáá kaayká he rokoˈd ki gole. Máá lulkícho hí ˈdú ninniká, máá kinaallá in lulkícho hí ˈdú guđo, gáál yie.

Lúka 9:48 ပူးပေါင်းရင်းမြစ်များ

Matááyo 18:10

Onnóo, haí gál niginííllá mú tikiˈd eeshêny. Yú hí geeye, gál niginííllá gál ˈgasso-, urru-, hí ˈdeˈdeenká hé ˈJaa chia úr ijoká aadh lulle hol af ijo.

Matááyo 18:14

Hát tikiˈdééllá in ˈJaa kíchia úr ijoká gál niginííllá mú tikiˈd úba hí gaa baađawká neb, Yíésu hí gáál yie.

Matááyo 19:28

Yíésu lalille geey, kieye, Yú hí hé ˈdúwaká geeye, af giri lés kaanaká ka chiimeto-, yáá Iny Máádhátallá kara chia guchiká ˈdug ˈdú yíéđianká, it hí ye el gáá veeˈdééllá úba karm guguchi-, tomon tikiˈde a naamaká haí ˈdú yíéđianna, giri hí é meet tomon tikiˈde anaama-, Yisirayelká met ki ˈgiiyyaká.

Matááyo 25:40

Aalé Máá Kansichká íín gáál ˈdéé hollo hol ˈdú nannaa, kieye, Yú hí hé ˈdúwaká geeye, gál nyaaram chiallá af giri hí ˈdú ˈjeˈjeenneká, yaa hí ye ˈdú ˈjeˈjeenne, har úba káána gáál máállé biiy el ˈdaˈdká hí ˈdú ˈjeˈjeenneka, ha muí gáál yeedhe.

Matááyo 25:45

Aalé Máá Kansichká íín gáál ˈdéé hollo hol ˈdú nannaa, kieye, Yú hí hé ˈdúwaká geeye, gál nyaaram chia-, biiy el ˈdaˈdallá af giri hí ma ˈdú ˈjeˈjéminyká, yaa hí ye ma ˈdú ˈjeˈjéminy, gáál hai yeedhe.

Márko 9:37

Máá veel ninni-, ˈdááballóóllá meenychú ˈdugaka lokoˈd ki goloká yaa ye lokoˈd kí gole. Máá ye lokoˈd kí goloká hé yú tákámchú ye lokoˈd ma kí góliny, Máá ye ali gáá kaayká úba lokoˈd ki gole, yie.

Lúka 10:16

Aalé Yíésu geđi gál alb fimiká geey, kieye, Máá hí af maaloká, yaa ye af maale. Máá hí điidhoká, yaa ye điidhe. Héétí máá ye điidhoká, máá kinaallá Máá ye ali gáá kaayká úba he điidhe, Yíésu hí yie.

Lúka 14:11

Máá hol máá ˈdúwaká ka dhaˈgasanká, Waag ˈdúúw haí rianna. Máá hol máá ˈdúwaká ma ka dhaˈgaminyká, Waag haí ˈduuwaycha, Yíésu hí gáál yie.

Lúka 22:26

Tá itín ˈdaakíchoka, he hé hát kinaallá muuniny. Itín máá kíchia guđoká hí hol ninineyo. Máá hí mé ki yaalká hé máá itín hí he ki nannuoká yeet.

Lúka 22:30

giri guchchú álle ke hol ˈgar gaa golmosot-, ubaa ke he hol ˈgar igianká. Héétí hí karm guguchiká ˈdú yíéđianno-, hí é meet Yisirayel tomon a naamaká ˈdeem eiy ki nanniyyoká, Yíésu hí gáál yie.

Lúka 7:28

Yú hí geeye, gál gál ˈdiet hí ˈdaleká hé máá níínní Yuána a mé ijoká mán. Tá Guch Waaˈgiet gálle máállé biiy el ˈdaˈdká ííni mú a mé ija.

Yuána 13:20

Yú hí hé ˈdúwaká geeye, máá yú ali gáá kaawká máá hí ˈdeenyle iiy yeetká yaa ye iiy yie, tá máá ye iiy yeetká Máá ye ali gáá kaayká he iiy yie, Yíésu hí gáál yie.

Yuána 14:21

Máá hemuumuritchú ki yaal-, hemuumurít el gaa veeroká he máá ye gielká. Máá ye geelnetká ˈJaachú úba haí geelnedhe, yú úba máá kinaallá ha geelnedhe, mú hollo hol kí eedhesia, Yíésu hí gáál yie.

Dhesaloníke Erká 4:8

Aaléka, máá atimééllá điidhoká, hé máádhat ma đíin, Waag ííni hí itín Hím Naasanle shigichóóllá he điidhe.

Bétiro Erká 5:6

Hol ˈdúúw ría, hol Waag gíl geerlé fargogiyyoká gaa káa, giri ˈdaa biiy meto hí ki seseennóóllá aleđuđugullé mákárta-, Waag hí gaa feˈdoká ali kí ˈdiiyyeka, Waag hí ˈduuwaychoká.

Kí Edhesiny 21:14

ˈJien đírle waar he ˈdú yaalká tomon tikiˈde a naama. Waar kinaal gaalí meet gál giri tomon tikiˈde a naama-, alb fimi-, Elinyiká gaa veere.

Kí Edhesiny 3:21

Hát káána yú he lulle ká adhdhe-, káána ˈJaachú karallé guchiká nyí ˈdú iđáállá, máá hé lesalloká ká adhatká ˈduuw máálle nyí hol kara chia guchiká ˈgar yíéđianká úba ha yú shigia.