Lúka 9:41 - Fayam Midhab Yiesu Kiristoká He Hol Af Iđiny Kaanaká

⁴¹ Aalé Yíésu kieye, It hí iiy yeen mán-, hí tág ma ˈgiinyal! Yú in ˈdáb aake ke hol af yíéđima, tá yú hol gaa tataa? yie. Yíésu đo véel ˈjaalle geey, kieye, Ebá inykú állá kí éeb, mú yie.

Lúka 9:41 ပူးပေါင်းရင်းမြစ်များ

Matááyo 11:28

Yíésu gáál geey, kieye, It aayaˈgiyya-, ilsh lesalloká hí chiesallá ye ˈdu gáá yimedhíe, hí héf ˈgidhia.

Matááyo 12:39

Yíésu íín gáál ˈdéé hol ˈdú nie, kieye, Gál hé gaa nyakarichká geer ki sisidho-, Waag hol a taak gaa nieká in hé gáál af ˈdaˈdabsuoká aargiroká fede. Tá gáál hé máá níínní hí hé kinaallá aargisuoká mán. Hé gaal hí aargiroká tikiˈd tákáma. Hé kinaallá héllé ki égká he yaalmit máá Waag hí ˈdeem ka shigiche-, Yónnas léká.

Matááyo 12:45

Aalé đo hai siete, aryaan éíy taaka-, tiiya-, hí súm ˈdú ˈdeewká hai ˈgiete. Aryáán đo hollo hol ká chirate, ˈbíl kinaal hai hille, hai ˈguate, ˈbíl hille kinaallá yaalmitle đo súm hai ˈdeenete, yaalmit erkobká úba kalat. Tá gál barallo-, ˈdeewallá yaalmitle úba hatallá hai cheedhe, Yíésu hí yie.

Matááyo 16:4

Gál hé gaa nyakarichká geer ki sisidho-, Waag hol a taak gaa nieká in hé gáál af ˈdaˈdabsuoká aargiroká fede. Tá gáál hé máá níínní hí hé kinaallá aargisuoká mán. Hé gaal hí aargiroká tikiˈd tákáma. Hé kinaallá héllé ki égká he yaalmit máá Waag hí ˈdeem ka shigiche-, Yónnas léká. Yíésu hí gáál yie. Aalé Yíésu đo gáál in ká kie, ali gaa sedhe.

Matááyo 17:17

Aalé Yíésu kieye, It hí iiy yeen mán-, hí tág ma ˈgiinyal! Yú in ˈdáb aake ke hol af yíéđima, tá yú hol gaa tataa? Ebá véel állá kí ée, yie.

Matááyo 23:36

Yú hí hé ˈdúwaká geeye, fás lullé okoˈdééllá nyuogimle gál hí ˈguo-, ubaa manyjasinyle gál il hí aargiˈdoká he it barallóóllá, Yíésu hí gáál yie.

Matááyo 3:7

Aalé mu gál Farisaay ubaa gál Saˈdukaay ilishká ˈdaa bie gim niinykáka hí ˈdu gáá yiimie-, argeká, mu gáál geey, kieye, It ˈdálto chaaráal! Mááya hí fuute, hí idho Waaˈgiet ka chiimetoká met kar gaa ˈdonyle geey?

Márko 10:14

Yíésu héél argeká chira sare, gállé láliká ki ˈday, Um haí môny, um hí ye ˈdu gáá yimet. Guch Waaˈgiet gál hílléká hát umééllá.

Márko 10:49

Yíésu đo ali ki ˈdie, Mú ka vée, yie. Aalé máá giri in mánká gaalí ká vie, gaal kieye, Ha geer ko gaa ˈdeenêny, ka kííso, mu ko veeme, gaalí yie.

Márko 9:19

Aalé Yíésu kieye, It hí iiy yeen mánnallo! Yú in ˈdáb aake ke hol af yíéđima, tá yú hol gaa tataa? Ebá véel állá kí ée, yie.

Lúka 8:25

Aalé Yíésu gáál heete, kieye, Iiy yeenkícho eeyye? yie. Gaal birge, he a ˈdabe, hol heegete, kieye, Héél máá máre, máá waanich ubaa huđum he ki mumuro-, he hí af maalóol? gaalí hol yie.

Lúka 9:40

Yáá lalikú gil ki efe, giri véel aryáán yé gaa ˈdeđuoká. Kor hé kinaal gaalí fargogintle mán, muí Yíésu yie.

Lúka 9:42

Aalé veel hátlé Yíésu ˈdu gáá yiimieká aryáán đo véel les ki ˈdoyye, véel muotisiche. Yíésu aryáán ki ˈday, aryáán đo véel yé gaa ˈdiiyye, veel đo midhandhe, véel ˈjaalle gíl gaa kaay.

Yuána 14:9

Aalé Yíésu mú geey, kieye, Fílib, bííy muun ke hol af gáá yíéđieká, kó hátle ye muog? Máá ye argeká, ˈJaa chia arge. Tá háteeye, kúún kieye, Nyí ˈJaakú ka argísish, chie?

Yuána 20:27

Aalé mu Tómas geey, kieye, Gúmúrínykú ka hélish, gilchú ki gáágat, dháash. Gílkú ka hélish, beetchú ki gat. Ha ye ki nannáan, ye iiy áat, Yíésu hí mú yie.

He Ekeny Gál Alb Fimiká 13:18

Waag warram tomon afur gaalí ˈbakat gaa ijeká gáál mé ˈdug ki site.

He Ekeny Gál Alb Fimiká 2:40

ˈDeem burnay hatalloká Bétiro hí gáál geey, muí gáál net gaa kaay, mu kieye, Gál barallo-, ˈgierim hí kuongʼodóóllá hol ka ridhdhíe, muí gáál yie.

Róóma 2:4

Bá he taalle Waag geer guuralle ubaa nog ki sienle, tá geer gaa guchlé guđo-, hí itín aargisichóóllá hí egesheyche? Mú geer guuralle hát hí af tatiyyo-, giri hí hé kíchia ˈdeđewká haađicha-, tá hí mú makan fafaannaká it eiy ma náásan?

Héberew 3:19

Aaléka, ˈdaa giri gaal Waag iiy ma yéenká in gaal Waag állé him ki nimiká ma híliny.

Héberew 4:11

Aaléka, kí laađaan, kí Waag állé him ki nimííllá hilo, giri muun mú tikiˈd hát gál héle Waag af đuˈdusekáka ˈboy ma ˈdeeminy-, ma baađanyká.

Héberew 4:2

Hát káána gaal íín ál him ki nimiká fayamlé midhabká maalééllá, in muun úba ke Fayam Midhaballá maale. Tá ˈdaa giri gaal fayám maale-, kor fayám iiy ma yéenká in gaal ál him ki nimi kinaallá ma híliny.

Héberew 7:25

ˈDaa kinaallá in mu fargogínt ˈgaa, giri gál mú ˈdaalleka Waag ˈdú gáá yiimetká muí ririanká. Mu íín taalle bííyyo hé ali ijo, giri gál hí gáá nannaatká ˈdaalle ˈdugaka gáál Waag ki ruogononká.