Lúka 9:26 - Fayam Midhab Yiesu Kiristoká He Hol Af Iđiny Kaanaká

²⁶ Máá yú ubaa ˈdeenychú ˈdaalle ˈdugaka kern hí ˈgidhoká, yáá Iny Máádhátallá bár édhúmchú ubaa édhúm ˈJaachú, tá gál ˈgasso-, urru-, Waaˈgietká édhúmle kí yiimetká máá kinaallá ˈdaalle ˈdugaka kern úba ha ye ˈgiidha.

Lúka 9:26 ပူးပေါင်းရင်းမြစ်များ

Matááyo 16:27

Yáá Iny Máádhátallá guch ˈJaachú ha kí yiimedhe, ubaa gál chia ˈgasso-, urruká hollo nyí hol ká egeete. Af kinaallá gálaat lulle héllé eekemeyká eiyyo yú hol gaa nannaa, gál hé midhabká eekemeyká hé shiicho ha yú shigia, gál hé ˈdeđewká eekemeyká íín he il haí aargiˈda.

Matááyo 25:31

Yíésu geđi kieye, Af giri Iny Máádhat guchle kí yiimet-, gál ˈgasso-, urruká lulle hol ká egeetká, mu karallé kansimoká hai ˈdú yíéđima.

Matááyo 26:64

Yíésu mú geey, kieye, He hát hotééllá. Tá yú hí geeye, itín bár ˈdaatika, yáá Iny Máádhátallá Waag fargogínt lulle ˈgayyoká gíllé ˈdaa naanietká ijo-, nyáˈdow kí yiimetká haí ye aargiˈda, Yíésu hí gáál yie.

Márko 8:38

ˈGál kulichallo-, Waag hay-, ađaabano ˈgúóllá máá mákárta-, yú ubaa ˈdeenychú ˈdugaka kern hí ˈgiidhoká, Iny Máádhat máá kinaallá argeka úba kern haí ˈgiidha. Hé kinaallá he af giri mu édhúm ˈJaalle kí yiimet-, ubaa gállé ˈgasso-, urru-, Waaˈgietká hol ká egeetká, muí gáál yie.

Yuána 12:43

Hééllá ˈdaa giri gaal gálaat hí memeyoká fedo-, meeny Waag hí memeychoká ma ˈdú fafinyká.

Yuána 5:44

Itín hí hol eiy memeychoká hí feˈde, tá Waag ali ka takachká hí itín memeychoká in hí mé ká man háluke, tá háteeye hí ye iiy chegedhe?

He Ekeny Gál Alb Fimiká 10:22

Aalé gaal mú geey, kieye, Nyíín máá yuoy kúˈd tikiˈd mé ki yaal-, gaalí Kornélios yeget mare nyí ali ká fie. Máá kinaallá he máá ˈdúwa-, Waag kikiat-, gál Yuuˈdi lulle hí memeyoká. Máá ˈgasso-, urru-, Waaˈgieto mú geey, giri mu ko ká kekero-, hé hogotoká muí mamaloká, gaalí mú yie.

Róóma 1:16

Fayam Midhab Kiristóóllá ˈdugaka kern hé ye ma ˈgiˈgin, ˈdaa giri fayamééllá Waag hí gál Kirísto iiy yegetká lulle ki ririannoká. Fayamééllá erkob gál Yuuˈdi hí maale, tá gál gál Yuuˈdi muuninyká yé ˈdú ˈdiiyye.

Korínto ki Naamaká 12:10

Aaléka, he lullé ˈdaa Kiristoka il hí ye argiyyeká, hát káána đalím, chaarim gaalí ye chacharoká, hé ye ki ˈgierˈgereká, manyjasiny, tá gon bólo, lúl iiy ha yú yeedhe. Yú af giri đalitká in fargogo.

Galátia 6:14

Tá hé yú hol bal ki ˈdaraanká tikiˈd tákáma, hé kinaallá he Máá kúnnaa Guđo Yiesu Kirísto ˈgórlé đarám yaalká. ˈGór đarám yaal kinaallá ˈdaalleka yáá lésallá gaa ˈgite, les íín hé ye gaa ˈgisate.

Tímote Erká 5:21

Waag ubaa Yiesu Kirísto tá gál ˈgasso-, urru-, Waag hí waarateká metleka, ha yú ko geey, atim yú ko atíéllá tág chíro, ha gálaat hol eiy gaa nannîny, ˈbaal tírtir ˈdú kokôny, gálatí hélle mé yuyûny.

Tímote ki Naamaká 1:12

Hé kinaallá ˈdaalleka in yú manyjany gaa ija. Tá yú yáá kern ye ma ˈgiˈgin, ˈdaa giri Máá yú iiy yíéllá yú ógká. Tá ˈdaab kúlích biiy el ˈdaˈdká hátlé ali ma kí ˈdíinyká mu hújích ye gíl geer gáá kaayallá hát in ki ˈdeenká gon yáá óg.

Tímote ki Naamaká 2:12

Muun ke mé ki chirteka, mú guchle áwle mú he ˈgarro ke hol mumura. Muun ke mú điidheka, mu úba hai gáál điidhma.

Héberew 11:26

Móshe hé shiicho Waag hí shigichoká hé mé ká ˈgie, in aalé eesheny gaalí mú egesheyká ma đíiny. Mu eesheny il hí argiyye-, hát káána eesheny gaalí Kirísto eeshey kinaallá, hé súm kamur lés Misirayim ˈgany ˈdú ˈdúwaká muí ká dhaay.

Héberew 13:13

Aaléka, kí mú é sug ˈdú siet, eesheny muí arge kinaal úba il hí gáál argiyyo.

Yúúa 1:14

Áˈdam ˈbíl ílle hátlé hol ka hoycheká, máállé ki tiiyaká he Hénog. Hénog kíssóótí hé yaalmit galallo-, ˈdeenylé Waag hí shiicheká ˈdiiyime, mu kieye, Bá dhaayyíe, Máá Guđoká gállé ˈgasso-, urru-, shíí shííká hollo hol ká egedhdhe.

Kí Edhesiny 1:7

Bá dhaayyíe, mu nyáˈdow hai kí yiimedhe, il lulle haí aargiˈda, gál mú veereká úba mú hai aargira. Kidh lullé les gaa ijoká mú ˈdaalle ˈdugaka af gaa guđoká hai ki beeme. Iiy-hí, he hí hát kinaallá yeet.

Kí Edhesiny 20:11

Aalé yú kara guchi-, guđo-, édhká ubaa Máá hí ˈdú ijoká arge, mú innumle les ubaa úr hí met kar gaa ˈdanne, kor les ubaa úr hé ál níínní yíéđuoká mán.

Kí Edhesiny 21:8

Tá ameeny gál manyjasiny kiadhe-, Waag gíl sug ki hayká, gál Waag iiy ma yéenká, gál gaa nyakarichká, gál gálaat yegeská, gál herginy gálle hol ma shúúnanká gaa seseenká, gál gilka he ním ˈguoká, gál waagam hódhoká memeyoká, tá gál hođomléká lulle állé Waag hí ki lalaannoká he bás ˈjiete-, waar ˈjiet hí gaa boloonká hí gaa ijoká. Hé kinaallá he kúfách ki naamaká.

Kí Edhesiny 3:5

Máá hé lesalloká ká adhatká hát gaal ííníílláka đafaraam eegedhká hai faadhdha. Yáá máállá meenyle warˈgat luolmitiká ma gaa hogoliny, ˈJaachú ubaa gállé ˈgasso-, urruká metle mu hát mááchúká ha yú gaa hogodho.