Lúka 9:18 - Fayam Midhab Yiesu Kiristoká He Hol Af Iđiny Kaanaká

¹⁸ Kulich tikiˈd Yíésu tákámle Waag viviteká, mú lalille hé mú hol ˈgie. Aalé mu gáál heete, kieye, Gálaat mááya ye yegedhe? yie.

Lúka 9:18 ပူးပေါင်းရင်းမြစ်များ

Matááyo 14:23

Mu nyesebich Waag ki eeyká sedhe, gúm feˈjie, giri Waag vivisatká. Aadh dhúú ˈjiiyyeká Yíésu tákámlé he ál kinaallá gaa ije.

Matááyo 26:36

Aaléka Yíésu ubaa lalille kie, gúm kinaal ál gaalí Geđesémane yeget mare mé nie. Gaal ál kinaal nyuoreká mu lalille geey, kieye, Állá ka yíéđía, yú sedhe, Waag vita, yie.

Lúka 11:1

Kulich tikiˈd Yíésu ali mé tikiˈd Waag gaa vivite. Mú Waag visan hí gaa đuyyeká mú lalille mú tikiˈd mú heete, kieye, Máá Guđo, hát Yuána hí lalille Waag visan onisieká kúún úba hát nyí Waag vivisatoká nyí ka onísish, yie.

Lúka 3:21

Af giri Yuána hátlé Heróˈde hí ma hííginká, Yuána gál ka yimieká lulle bie gim nannieká Yíésu úba bie gim nie. Yíésu hátle Waag vivita úr af hí furme.

Lúka 6:12

Aalé kulich tikiˈd Yíésu gúm mé nie, Waago he vivite. Mu chúúre kinaal lulle Waag gaa vite.

Lúka 9:19

Gaal mú ˈdéé hol ˈdú nie, kieye, Gáál ˈdáá tikiˈd kúún Yuána giri gálaat bie gim nannieká ko yegedhe. Gáál ˈdáá tikiˈd kúún Elíya ko yegedhe. Gáál ˈdáá tikiˈd kúún gál héle Waag hí ˈdéé ka shigicheká mú tikiˈde uushich yé gáá ˈdie, ko yegedhe, gaalí yie.

Lúka 9:28

Aalé Yíésu hé kinaal lulle beete. Ram amú síet chieká mu Bétiro, Yuána, tá Yákob eedhdhe, gúm feˈjie, giri Waag vivisatká.

Lúka 9:29

Mu Waag viviteká, mú innum bis hí hol gaa suoy, mú đafaraamle súm édh yie, ˈjiimiˈde.