Lúka 8:29 - Fayam Midhab Yiesu Kiristoká He Hol Af Iđiny Kaanaká

²⁹ Máá aryáán ˈgieká hatallá yíéllá, ˈdaa giri Yíésu aryáán geey-, kieye, Máállá yé gaa ˈdé, yieká. Aryaan kinaallá úba kíssóótí af burnayká mú ki chegies. Har úba af kinaal gaalí nyarugano gil ubaa ˈgas ki ˈdane-, tá gaalí ˈbíl gaa kakayka, mu aadh lullé hé kinaal eiy ˈgiˈgita, aryáán hí ˈbakat ˈdú egeete.

Lúka 8:29 ပူးပေါင်းရင်းမြစ်များ

Márko 5:8

Hé muí hatallá ki yíéllá, he ˈdaa giri Yíésu mú geđie-, Aryaan ˈdeewallo, máállá yé gaa ˈdé! yieká.

Lúka 8:28

Mu Yíésu argeká mú ˈgas met les gaa ˈdoy, súm af úr ki eey, kieye, Yíésu Iny Waag Úr Iđóóllo, meete ke hol ká ˈgaa? Gillo yú ko ki efe, ha ye manyjasîny, yie.

Lúka 8:30

Aalé Yíésu mú heete, Meenykú háteeye? yie. Mu Yíésu ˈdéé hol ˈdú nie, kieye, Meenychú Yuoy, yie. Mu hatallá yíéllá, mú aryaan burnayyeká hí gaa iđe.

Lúka 9:39

Bá dháash, veel álká aryáán hí kí kiisateka, veel đo kóˈdam hai ˈdaaˈdie. Aryáán haí muotisiche, ˈjíig af oshom hai gáá laalame. Aryáán veel súmo maanyjasicha, hé véel tala yé ma gaa ˈdeˈdeminy.

Lúka 9:42

Aalé veel hátlé Yíésu ˈdu gáá yiimieká aryáán đo véel les ki ˈdoyye, véel muotisiche. Yíésu aryáán ki ˈday, aryáán đo véel yé gaa ˈdiiyye, veel đo midhandhe, véel ˈjaalle gíl gaa kaay.