Lúka 8:2 - Fayam Midhab Yiesu Kiristoká He Hol Af Iđiny Kaanaká

² Gál ˈdíét giri Yíésu hí aryáán yé gaa ˈdeeyká ubaa gál ˈdíét giri muí basham gaa bisieká úba mú hol eedhdhe. ˈDeg kinaallá ˈdáá tikiˈd he mú María giri gaalí min ény Magaˈdala yegie-, Yíésu hí aryaan tiiyaká yé gaa ˈdeeyká,

Lúka 8:2 ပူးပေါင်းရင်းမြစ်များ

Matááyo 4:24

Mú ˈduuwle úba lés Siria bash ki chie. Gálaat gál lullé basham ˈgie-, hát káána gál fursam met hí hol ka eiy eiyye-, kuukúllaká ubaa gál aryáán hí hilleká, tá gál farich ˈguoká, héétí gál héljoká mú ˈdu gáá shuune, mu gáál lulle bisie.

Márko 16:1

Gélgá giri Kúlích Hef ˈGisanká hí gaa ˈgiteká María Magaˈdalaká ubaa María giri Yákob ˈjielléká, tá Salóme sáláb usiyyoká hidhdhe, giri gaal seseen-, Yíésu salab shugudmuoká.

Márko 16:9

[Rám tiiyaká kúlíchlé erká bííy ka biˈde-, Yíésu uushich yé gáá ˈdieká, María Magaˈdala-, giri muí aryaan tiiyaká yé gaa ˈdeeyká er mú hol af kí ˈdie.

Lúka 23:27

Nyésébích guđoká ubaa gál ˈdíét Yíésu ˈdú bebeme-, hol ger gaa tutuneká Yíésu el gaa veere.

Lúka 23:49

Aalé gál giri Yíésu ógká ubaa ˈdeg mú hol Galilááya gáá eedhdheká lulle tagéétí ki ˈdie, hééllá lulle il ki dhaay.

Lúka 23:55

ˈDeg Yíésu Galilááya hol gáá eedhdheká Yúósef el gaa veeˈde, liish argiyye, mú hát gaalí iifieká úba argiyye.

Lúka 8:30

Aalé Yíésu mú heete, Meenykú háteeye? yie. Mu Yíésu ˈdéé hol ˈdú nie, kieye, Meenychú Yuoy, yie. Mu hatallá yíéllá, mú aryaan burnayyeká hí gaa iđe.

Yuána 19:25

Yíésu ˈgórlé đarám yaalká ˈjobintle hé ˈjielle ubaa ˈjielle nyaarle, héétí María giri min Kilobaká, tá María Magaˈdalaká hé hí ˈgie.

He Ekeny Gál Alb Fimiká 1:14

Gaal bar lulle ubaa gál ˈdiet, tá Yíésu ˈjiellé ubaa Yíésu nyaaramlé hol Waag ˈgar vivite.