Lúka 8:15 - Fayam Midhab Yiesu Kiristoká He Hol Af Iđiny Kaanaká

¹⁵ Ár giri máá les fafuoká hí ál máálká gaa fieká hélle he hát gál ˈdeeny Waaˈgiet maaleka, ˈdéé ger ˈdúwa-, midhabká hát ˈdabaanká ki chiirat-, hol tatuo-, ˈdeeny Waaˈgiet ki higirawká, Yíésu hí lalille yie.

Lúka 8:15 ပူးပေါင်းရင်းမြစ်များ

Matááyo 24:13

Tá máá hééllá lulle mé ki chirsat-, ˈjíig he mé đig yeetká Waag haí rianna.

Lúka 11:28

Aalé Yíésu kieye, Máá ˈdeeny Waaˈgiet maalo-, tá ˈdéé el gaa veeroká, máá kinaallá ííni súm Waag hí buanne, yie.

Lúka 6:45

Máá ˈdúwa-, hé midhabká geer ki sisidhoká in hé midhabká hí yé gáá ˈdeˈdeme. Máá ˈdeew-, hé ˈdeewká geer ki sisidhoká in hé ˈdeewká hí yé gáá ˈdeˈdeme. Máádhat ˈdeeny hí geer koch yegetká, in afle gáá hogodho.

Lúka 8:14

Ár ál híí ˈgayyoká ki okoˈdeká hélle he hát gál ˈdeeny Waaˈgiet maalo-, kor biiy hol ki sieteka, kamúr ubaa balchá, tá hé lesalloká gerle hí gaa ˈdeew-, he ˈgar aayaˈgoká. Gál kinaallá hé ˈdeeny Waaˈgiet ma ki higirany.

Lúka 8:16

Aalé Yíésu geđi kieye, Nyátáá gaalí ˈjiet gaa iđieka, hé máá hí ˈdébé af bubuoká mán. Héétí ubaa hí shomodhe gaa kakawká mán. Nyátáá úrro gaalí ki ređia, in gál ˈbíl higiloká ˈbíl geer gaa arga.

Yuána 14:15

Har hí ye gielnítaka, hé yú hí kí mureká el haí gaa verenne.

Yuána 15:10

Hát yú hemuumurit ˈJaachú ki yaal-, mú gielmitle gaa ijóóllá, itín har hí hemuumuritchú ki taalka, gielmitchú haí gaa yíéđianna.

Róóma 2:7

Gál hé midhabká ekemeyo-, giri aadh ˈdaatika Waag hí meeycho-, muí gál ˈdúwaká yeget-, gón ma kufuminyká muí shiguoká, luolmit biiyoká Waag haí shigicha.

Róóma 6:22

Aalé káána Waag hí ađaabano gim gáá eeyye-, hí Waag gedelle chíéllá, hééllá héllé ˈdúwa-, hí yé gáá ˈdeˈdeenká he giri gál hé Waag hí feˈdoká el gaa igiroká chegete-, el ˈdáˈdle hí luolmit biiyoká higiloká.

Róóma 7:18

Hát hé níínní midhab-, ye gaa ijo-, mánká yáá óg. Yú hé ˈdúwaká ekemeyoká fede, kor fargogint hé kinaal ki ekemeyoká yáá mán.

Róóma 7:4

Aaléka, nyaaramchú, itín úba af giri hí gón Kiristo hol ˈdú faanne-, hí Kirísto hol ˈgar kuyyeká, it hemuumurit Waag hí gál Yuuˈdi ka shiichééllá gim yé gáá ˈdiiyye. Aalé káánaka, it Kirísto Waag hí loolnoyche-, hí uushich yé gáá ˈdeeycheká gálle chie, giri hé midhab Waag hí feˈdoká saanolle muun gáál yé gáá ˈdeˈdeenká.

Róóma 8:25

Tá hé ke met egesoká hátle ke ma arginyka, ke taalle mé ki chiirsat-, ke Waag iiy yeget-, ˈjíig ke hé ke feditle ˈguo kinaal il ki aargiroká.

Korínto Erká 7:19

Máádhat hermíte yíekaʼ, má hermisan yíekaʼ, hééllá lulle hé kátaká mán. Hé muun gáál ki ˈdúwa-, ke ekemeyoká, he giri muun ke hemuumurit Waaˈgiet el gaa igiroká.

Eféso 2:8

Itín meka ˈdúˈjím Waaˈgieto hí ki biiyye. ˈDúˈjím hí argiyyééllá he ˈdaa giri hí Yiesu Kirísto iiy chieká. Hééllá hé ˈdaakícho yé ma gáá ˈdíiny, Waago hí ká shiiche,

Filíbi 1:11

Héétí Yiesu Kirísto hí kuol gaa chiirat-, hí hé midhabká ekemeycho-, Waag íín hí ˈdúúw ubaa meeny gaa aargiˈdoká.

Kolosááya 1:10

Waag ke hí hatallá kí rogononallá he giri itín yaalmisano midhab-, hí ki iđáállá Máá kúnnaa Guđoká hí ˈdúúw gaa aargiroká. Héétí hí mú hát lulle geer gaa memesicho-, he lullé midhab hí nanniyyáállá taalle saano midhabká hí yiem gáá ˈdeˈdeen-, hí Waag hát ˈdabaanká oonootoká.

Kolosááya 1:6

Fayam ˈdúwa-, midhab-, hí argiyyééllá in les lulle bash ki chegete, saano midhabká ˈdaˈdalla. Hát tikiˈdééllá itín a meeny giri hí erkob Fayam Midhaballá maalle-, hí ˈdúˈjím Waaˈgiet ˈduuwle lulle eiy naasateká, Fayam Midhaballá hé úba hurtkícho bash ki chie, itín saano midhabká hí gáá higisso.

Héberew 10:36

Onnônyka mé hí ki chiirsata, giri hí he fedit Waaˈgiet ekeycheka, hé muí af iđieká hí aargiˈdoká.

Héberew 2:1

Aaléka, fayam ˈdúwa-, ki maalééllá, kí hát ˈdabaanká mé ká ˈguo, ha ki ˈbóy gaa ˈdíiny.

Yákob 1:4

Aaléka, mé ki chirsankícho hí hújíchle beeset, giri itín hí gaa higirayyo-, hí tagle cheet-, hé hí gaa láká mánká.

Yuána Erká 2:3

Har ke mú hemuumuritle el gaa igiroka, af kinaalka hát ke mú ógká hé ke óg.