Lúka 7:6 - Fayam Midhab Yiesu Kiristoká He Hol Af Iđiny Kaanaká

⁶ Aalé Yíésu gáál hol eedhdhe. Mu é kí ˈjobondheká máá yuoy kúˈd mé ki yiel kinaal sheelle Yíésu ali ˈdú fie, giri gaal héél Yíésu geđuo-, kieye, Máá Guđo, ha hállééllá hol héf kí chíésiny. Yú yáá máá ˈdúwa-, ˈbílle kuun hí ká higilloká muuniny.

Lúka 7:6 ပူးပေါင်းရင်းမြစ်များ

Matááyo 20:28

Hééllá he ˈdaa giri yáá Iny Máádhátallá hújích gálaat hí ye ki nannuoká ma ˈdu gáá yímen, gálaat hujich ki nannuoká ˈdu gáá yimie. Yú ka yimíéllá gálaato sídhchú ˈdú silmia, giri gálaat ririanká, Yíésu hí gáál yie.

Matááyo 3:11

Yú it giri hí hé ˈdeđewká hayche-, hí Waag makan faannééllá, in hí bie gim nannaa. Tá Máá ye biiy el gáá ˈjeenká hé ye far ˈdú gogo. Yáá ˈduuw ˈguo-, mú koiy ˈgas gaa furoká mán. Mu íín Hím Naasan Waaˈgiet ubaa ˈjiete hí gim nannaa.

Márko 5:24

Aalé gaal hol eedhdhe, nyesebich mú el gaa veere. Gaal mú kuˈd ki yie, mú ki tame.

Lúka 5:8

Símon giri Bétiro léká héél argeká, Yíésu ˈgas met les gaa ˈdoy, kieye, Máá Guđo, yú he máá hemuumurit Waaˈgiet ˈdeđeneyoká. Yaash, sí, mú yie.

Lúka 7:4

Aalé gál muí ali fieká Yíésu af kí ˈdieká mú gil ki efe, giri mu ká yiimet-, máá giri yuoy kúˈd mé ki yiel kinaal gédéchle biisuoká. Gaal kieye, Máá kinaallá onnônyka máá kuun hí ˈdú ˈjeenká.

Lúka 7:5

Máá kinaallá hé tág é meenykúnno giel, ííni úba gáál ˈbíl ˈdiiyiminyká kí ˈdisse, gaalí mú yie.

Lúka 7:7

ˈDaa kinaallá ˈdugaka in yú dhúrchú ko ma ˈdu gáá yímen. ˈDéé tákámle hot, gédéchchú hai miidhandha.

Lúka 8:49

Yíésu hátle ˈdéé af ká ˈgaa, Yáíras mú tikiˈd hí fayam ényle ˈdu gáá sidhe, mu kieye, Inikú hé mán chie, háteka máá gáál he oonisúól hawul ˈgeˈgetóol? muí yie.

He Ekeny Gál Alb Fimiká 10:38

It Yíésu Nasaretká hát Waag hí Hím Naasan Waaˈgiet ubaa fargogínt ˈdu gáá leesicheká it óg. Waag hé mú hol ˈgie, giri mu hol gaa seseme-, hé midhabká ekemey-, mu gál kídhích kúnnaa giri Sátan léká hí he ki ekemeycheká úba lulle bibisieká.

Yákob 4:10

Waag innumle hol ˈdúúw gaa ría, Waag ˈdúúw haí ká shigicha.

Yákob 4:6

Tá Waag hé tág súm muun gáál ˈdú ˈjeˈjeen. Héél ˈdugaka in Warˈgat Waaˈgiet kieye, Waag hé gál hol memeyoká điđidhan, tá gál hol ˈdúúw ririanká ˈdú ˈjeˈjeen, chie.