Lúka 7:47 - Fayam Midhab Yiesu Kiristoká He Hol Af Iđiny Kaanaká

⁴⁷ Aaléka, yú ko geeye, minnééllá ađaabano guđo-, ˈgayyóóllá hé Waag hí gaa eeyye, in aalé káána gielmit guđoká ˈgayya. Máá ađaab ninniká ˈguo-, kor ađaablé kinaal Waag hí gaa eeyyoká in gielmit ninniká úba ˈgaa.

Lúka 7:47 ပူးပေါင်းရင်းမြစ်များ

Matááyo 10:37

Máádhat har ye gielnítaka, hí gielmit ye ka ˈguo kinaallá hí gielmit muí ˈjaalle, ˈjielle, inyle, tá inille ka ˈguoká af ˈdú ˈderneyo. Har hát kinaal ma ˈdiinyka, hé mááchú muuniny.

Lúka 7:39

Máá giri Farisaay-, Yíésu kiereká héél argeká geerle ki tawue, kieye, Máállá máá Waag hí ˈdéé ka shigichoká onnônyka, hé minnééllá yaalmitlé he taal-, máálle ađááb ˈgúóllá hé óg, yie.

Lúka 7:46

Kuun kó ye salab mé ma shugudîny. Minnééllá in ye ˈgas met salab shugudiche.

Lúka 7:48

Aalé Yíésu min geey, Hé kua ˈdeđew-, eekemeycheká ađaabanolle yáá ko gaa eey, yie.

He Ekeny Gál Alb Fimiká 5:31

Waag hé mú gíl ˈdaallé naanietká iđisate, mú Máá Kansich-, ubaa Máá Rubachietká hoyche, giri mu gál Yisirayel fargogínt shiguo-, gaal héllé ˈdeđew-, gaa seseenká haađuo-, mú makan fafaan-, gáál muí ađaabano ubaa nyuogim gaa egewká.

Róóma 5:20

Waag hemuumuritle af giri les ká hileká, in gálaat ađaabanolle ubaa nyuogimle ilshandhe. Tá ađaabano ubaa nyuogim ilshandheká, in Waag ˈdúˈjímle úba súm ilshante.

Korínto ki Naamaká 5:14

Nyiin hé nyí af tatuoká he gielmit Kiristo. Hééllá he ˈdaa giri ke óg-, mú tikiˈd tákámle gálaat lulle ˈdú kufeká. Aaléka, múúnííllá hé ke mú hol ˈgar kufe, ke húgúm kúnnaa kissoká ke yé gaa ˈdie.

Galátia 5:6

ˈDaa Yiesu Kiristoka, ke hermita yíekaʼ, ke má hermisan yíekaʼ hé kinaallá hé kátaká mán. Hé súm ˈdúwaká he iiy yeen ke Kirísto ka ˈguoká ubaa gielmit iiy yeen kinaallá yé gáá ˈdeˈdeen-, ke gálaat ki gielká.

Eféso 6:24

Ameeny gál Máá kúnnaa Guđo Yiesu Kirísto gielmit af mé mánká ki gielká Waag hí ˈdú ˈjeeˈjeen.

Filíbi 1:9

Hé yú hí Waag kí vivisatká he giri gielmitkícho súm higirayyo-, hí Waag húgúmle hát ˈdabaanká kiimisato-, Waag hí kas he hol eiy gaa naasanká shigicho-,

Tímote Erká 1:14

Tá Máá kúnnaa Guđo Waag hé ye ˈdúˈjímle hát ˈdabaanká ˈdú ookoˈdmie, ˈdaa Yiesu Kiristoka ye iiy yeen ubaa gielmít ká shie.

Yuána Erká 1:7

Tá har hát mu íín édhum gaa ijóóllá muun úba ki édhum gaa seseenka, af kinaalka hé ke mú hol ˈdú fame, ke tikiˈd yie, tá mú Inylé Yíésu fásle nyuogimkúnno ubaa ađaabanokúnno lulle hai gáál gaa dhiira.

Yuána Erká 3:18

Umééllo, ha ki gálaat af tákámle ki geelnêny, gálaat kí hát ˈduwantiká geelnew, gálaat kí ˈdú ˈjeeˈjeen.

Yuána Erká 4:19

ˈDaa giri mu íín er gáál gielká in múún úba ke gielmít ˈgaa.

Yuána Erká 5:3

Waag geelnen he Waag hemuumuritle el gaa igiriny. Mú hemuumuritlééllá hé gáál ílsh ma ˈdú iđiminy.