Lúka 7:37 - Fayam Midhab Yiesu Kiristoká He Hol Af Iđiny Kaanaká

³⁷ Aalé min ađááb ˈgayye-, ény kinaal álle gaa iđe mare fayám maalle-, Yíésu ˈbíl máá Farisaay gaa golmoto, gaalí yieká, đudmit sáláb usiyyo-, him hí ilishká hí gaa iđeká ká eete.

Lúka 7:37 ပူးပေါင်းရင်းမြစ်များ

Matááyo 21:31

Aaléka, gál hol nyaaramallá mááya hát ˈjaalle hí fedeká ˈgíéríchle nadhe? Yíésu hí gáál yie. Aalé gál guguđo-, suoryoká ubaa gál káru muí geđieká mú ˈdéé hol ˈdú nie, kieye, Iny erká, yie. Aalé Yíésu gáál geey, kieye, Yú hí hé ˈdúwaká geeye, gál gálaat birm gaa gugusat-, muom kokuoká ubaa gál bábaská Guch Waaˈgiet met haí higila.

Lúka 18:13

Aalé máá giri gibíre gugusatká íín tagéétí ki ˈdie, mé les ki ˈdoy, hé úba mé les ma gaa éeny, úr ma ki fuˈjîny. Mu hol ˈdeente, kieye, Waag, yáá ađááb ˈgúóllá, geer hí ko ye ˈdú guat, yie, Yíésu hí gáál yie.

Lúka 19:7

Gálaat lulle héél argeká yiirsam fadhdhe, kieye, Mu hé máá ađááb ˈguoká ˈbílle sedhe, mú máállé dheeˈgo yie, gaalí yie.

Lúka 5:30

Gál Farisaayká ubaa gál nyatalaamká ˈdéé him ki huogodhe, lali Yiesu ki lole, kieye, Háteka itín hí gál gibíre gugusatká ubaa gál ađaabano ˈguoká hí hol ˈgar golmosoto-, ubaa hí he hol ˈgar igianáal? gaalí yie.

Lúka 5:32

Yú ka yimíéllá, yáá gál ađaabano mánká ma ka ˈgíen, yú gál ađaabano ˈguoká ká ˈgiedhe, giri gaal héllé ˈdeđewká haađuo-, gaal Waag makan fafaanká, Yíésu hí gáál yie.

Lúka 7:34

Tá yáá Iny Máádhátallá ká yimie-, nyí gálaat hol ˈgar gololsote-, nyí gáál he hol ˈgar iyyeká, itín hí kieye, Bá dhaayyíe, máállá ebá he kokoo! Mu ebá bersh igima! Mú sheelle har gál gálaat birm gaa gugusatká ubaa gál ađaabano ˈguokaa! hí ye chegedhe.

Lúka 7:36

Aalé máá Farisaay mare Yíésu kiere, giri mú ˈbílle hol ˈgar golmosotká. Yíésu máá Farisaay kinaal ˈbílle hile, gaa gololte.

Yuána 11:2

María halúg nyárlé Lasááro kúlláállá, he María giri Máá Guđoká sáláb usiyyoká ˈgas ˈdú fafiyye-, meenyle dhúrle mú ˈgas ki shugudicheká.

Yuána 9:24

Aalé gaal geđi máá biiy gaa argeká ká vie, geey, kieye, Ebá Waag ˈdúo, hé ˈdúwaká húógot. Nyiin íín máá kinaallá hát ađaabano ˈguoká nyáá nyí óg, gaalí mú yie.

Yuána 9:31

Waag hát gál ađaabano ˈguoká af nee ma kokonyká hé ki óg. Waag máá hí kikiat-, Waag hát feˈdoká el gaa igiroká he af nee kokoyyo.

Róóma 5:8

Tá Waag gielmitlé gáál gielká hátlé gáál ka argisicheká hééllá: Af giri hátle ki ađaabano ubaa nyuogimkúnno gaa ijeká in Kirísto gáál ˈdú kufe.

Tímote Erká 1:15

ˈDéé hót ˈdúwa-, ke lulkúnno hát ˈdabaanká iiy yegetká hééllá: Yiesu Kirísto lésallá ka yimíéllá, gál ađaabano ˈguoká he ririma. Tá gál ađaabano ˈgúóllá yaa súm hí ađááb ˈdú ˈgaa.

Tímote Erká 1:9

Hé ke ógká kieye, hemuumurít máá hí gál hé ˈdúwaká ekemeyoká ˈdaalle tág ki koyká mán, he ˈdaa gál hé ˈdeđewká ekemeyo-, gálaat met ma gaa kekeminyká, ubaa ˈdaa gál Waag ma kikian-, ađaabano higiloká, tá ˈdaa gál Waag eesheyo-, hé lesietká el gaa igiroká, héétí ˈdaa gál idhaamle ubaa eelle tá gál éíy taaka yegeská in ˈdaalle gaalí hemuumurít tág ki koy.

Bétiro Erká 4:18

Hát káána Warˈgat Waaˈgiet hí hote-, giri kieye, Har máá hát Waag hí feˈdoká el gaa igiroká rúbáchlé aargiroká fargogíntaka, máá Waag ma kikianká ubaa máá hé ˈdeđewká gaa seseenká, kor hát hí háteeye? chieká.