Lúka 7:33 - Fayam Midhab Yiesu Kiristoká He Hol Af Iđiny Kaanaká

³³ Yuána ka yimieká hé af higite, hé bersh ma igíminy, in itín hí kieye, mu aryáánno ˈgaa, hí mú cheedhe.

Lúka 7:33 ပူးပေါင်းရင်းမြစ်များ

Matááyo 10:25

Máá láliká har hát máállé hí he oonisuoká yieka, hé kinaallá hí faagsuo. Héétí gedech har hát máállé he hujich ki nannuoká yieka, hé kinaallá geerle hí gaa meet. Gálaat har máá ˈbíl mé ki yaalká chacharo-, mú Belsebul yegetka, gál ˈbil kinaalloká chaarim gaalí ˈdú muuroká ebá súm ˈdéen!

Matááyo 3:1

Bár kinaallá Yuána gálaat bie gim nannuoká yé ká ˈdie. Mu gálaat ˈbakat Yuuˈdia álle ˈdeeny Waaˈgiet ki ˈdiiyime.

Matááyo 3:4

Yuána íín giellé he kaadhdheká dhúr galte gaalí tág gaa nie. Mu sáb rokoˈdeká he seet hite. Mú ˈguomle he ˈgamutaach ubaa dhaanite.

Márko 1:6

Yuána đafaraam he fadhdheká dhúr galte gaalí tág gaa nie. Mu sáb rokoˈdeká úba seet hite. Mú ˈguomle ˈgamutaach ubaa dhaanite.

Lúka 1:15

Iny Máá Guđo Waag metle hai gaa ˈduuwaa. Mu hé ˈduuny vinna ubaa bersh eiy ma igiminy. Mu hátlé ˈjielle geer gaa ijoká in Hím Naasan Waaˈgiet hí koch cheedhe.

Lúka 7:32

Gaal hát um nigini-, ál him hí hol gaa higiatká gaa ijo-, um eiy veveen-, kieye, Itín ke hí geyyiny árle gil kí ˈdoyká it ma láálan, ke hí innum ˈdéént árle kí ˈdoyká it ma shiilmísan, yegetká he ká ˈgee.

Lúka 7:34

Tá yáá Iny Máádhátallá ká yimie-, nyí gálaat hol ˈgar gololsote-, nyí gáál he hol ˈgar iyyeká, itín hí kieye, Bá dhaayyíe, máállá ebá he kokoo! Mu ebá bersh igima! Mú sheelle har gál gálaat birm gaa gugusatká ubaa gál ađaabano ˈguokaa! hí ye chegedhe.

Yuána 10:20

Gál burnayká kieye, Mu in aryáán ubaa sigír ˈgaa háluke, tá mú meete ke af nee ˈdú kokoo? yie.

Yuána 8:48

Gál giri guguđo-, Yuuˈdiká mú ˈdéé hol ˈdú nie, kieye, ˈDeeny nyí hote-, nyí kieye, Kuun máá Samaria, aryáánno ˈgayya, nyí ko chieká, hé ˈdúwaká muunîny? yie.

Yuána 8:52

ˈDéé umutéél tákáma muí hodhe, gál Yuuˈdi đo kieye, Hát aryáán ˈgayyoká káána gon nyáá nyí kimisate. Abirááyam hé guraam hí guure, gál Waag hí ˈdeem ká shigicheká úba hé guraam hí guure. Tá háteeye kúún geđi kieye, Máá ˈdeenychú ki yaalká taalle bííyyo hé kúfach il hí ma aargiriny, chegedhe?

He Ekeny Gál Alb Fimiká 2:13

Gáál ˈbáál gáál hélléél eeshey, kieye, Gáál bershó hí faanne, yie.