Lúka 7:16 - Fayam Midhab Yiesu Kiristoká He Hol Af Iđiny Kaanaká

¹⁶ Gaal lulle he a ˈdabe, Waag meey, kieye, Máá Guđo-, Waag hí ˈdéé ka shigichoká hé gáál hurt yé gáá ˈdie. Waag hé ká leete, gálle ˈdú ˈjiiyye, gaalí yie.

Lúka 7:16 ပူးပေါင်းရင်းမြစ်များ

Matááyo 15:31

Aalé gál af maamanayká ˈdeem huogodhe-, gál héljoká bie-, gál ˈgas maamanayká hol gaa seeseme-, gál in maamanayká úba biiy gaa argeká, nyesebich đo af gil hí fame, gaal Waag Yisirayel meey.

Matááyo 21:11

Nyésébích Yíésu hol ˈgieká ˈbaal kieye, Hééllá máá Waag hí ˈdeem ka shigicho-, Yíésu lé-, máá ény Nasaret-, Galilaayaká, yiegie.

Matááyo 28:8

Aalé ˈdég har úba binineny ˈgayyeka, đo súm úba ger hí gaa meedhe, uushich álle gaa ˈdoˈdoote, giri fayam he maalléél gál láliká ˈdú siitoká.

Matááyo 9:8

Nyésébích ál kinaal ˈgieká mu les gaa kie-, argeká he af ˈdabe, neey, kor gaal Waag gálaat fargoginsam hat kinaallóóllá shiicheká meey.

Lúka 1:65

Gál ólloká lulle he af ˈdabe, fayam kinaal lés gumano Yuuˈdiaká lulle bash ki chie, gaalí hol ki geey.

Lúka 1:68

Kí Máá Guđo Waag Yisirayelká meeyo, ˈdaa giri mu muun gáál ˈdu gáá yimie-, gáál rieká.

Lúka 19:44

Gaal kúún ubaa um kua đírkú geer gaa ijoká les haí ki tuuna. Gaal hé waar gálaat hí é ki ˈditeká hé wár tikiˈde wár eiy ˈdug ˈdú haađuoká mán. Hé kinaallá ˈdaa giri Waag kúlích ko a kí ˈdiiyyeká kuun hí moonnoyyeká, Yíésu hí yie.

Lúka 2:20

Gál giri aiyietká hol nanadheká Waag meey, Waag miimire, ˈdaa giri hé máá ˈgasso-, urru-, Waaˈgietká hí gáál geeyká lulle ˈduway-, gaalí argeká.

Lúka 24:19

Aalé Yíésu gáál heete, kieye, Hé kinaallá hé máre? yie. Gaal kieye, Fayam Yiesu Nasaret-, máállé Waag hí ˈdéé ka shigiche-, héllé ekemeyká ubaa héllé hogodheká innum gálaat lulle ubaa innum Waaˈgiet gaa ˈdúwa-, fargogonoyká,

Lúka 5:26

Gál ál kinaal ijeká he af ˈdabe, Waag meey, kor birge, kieye, Hé gáál a ˈdaˈdabsuoká hé kúlíchal ke arge, gaalí yie.

Lúka 5:8

Símon giri Bétiro léká héél argeká, Yíésu ˈgas met les gaa ˈdoy, kieye, Máá Guđo, yú he máá hemuumurit Waaˈgiet ˈdeđeneyoká. Yaash, sí, mú yie.

Lúka 7:15

Aalé iny giri mán yieká, đo le gaa kie, ˈdéé huogodhe. Yíésu íny ˈjielle hol ˈdú nie.

Lúka 7:39

Máá giri Farisaay-, Yíésu kiereká héél argeká geerle ki tawue, kieye, Máállá máá Waag hí ˈdéé ka shigichoká onnônyka, hé minnééllá yaalmitlé he taal-, máálle ađááb ˈgúóllá hé óg, yie.

Lúka 8:37

Aalé gál giri lés Gerasan ˈdinnam lulle gáá yimieká sierm hí súm faanne. Gaal Yíésu gil ki efe, giri muí lésle gaa kekeenká. Aalé Yíésu đo kadich hile, hol nadhe.

Lúka 9:19

Gaal mú ˈdéé hol ˈdú nie, kieye, Gáál ˈdáá tikiˈd kúún Yuána giri gálaat bie gim nannieká ko yegedhe. Gáál ˈdáá tikiˈd kúún Elíya ko yegedhe. Gáál ˈdáá tikiˈd kúún gál héle Waag hí ˈdéé ka shigicheká mú tikiˈde uushich yé gáá ˈdie, ko yegedhe, gaalí yie.

Yuána 1:21

Aaléka, gaal mú yiete, kieye, Tá kuun mááya? Kuun he Elíya? gaalí yie. Yuána kieye, Yú yáá máá kinaallá muuniny. Gaal geđi mú yiete, kieye, Kuun he Máá giri Waag hí ˈdeem ka shigichoká? yie. Mu gáál ˈdéé hol ˈdú nie, Híʼi, yie.

Yuána 1:25

mú yiete, kieye, Kuun in Messíya máámaʼ, Elíya máámaʼ, Máá giri Waag hí ˈdéé ka shigichoká in úba muuniny háluke, tá háteka gálaat bie gim nanniyyóol? mú yie.

Yuána 4:19

Aalé min kieye, Máá Guđo, kuun yú ko dhaayká gon máá Waag hí ˈdéé ka shigichoká.

Yuána 6:14

Aalé nyesebich hé Yíésu hí ekey kinaal arge-, he af ˈdabeká kieye, Hééllá gon Máá Waag hí ˈdéé ká shigicho-, Warˈgat Waaˈgiet hí hote-, lésallá ka yiimetká.

Yuána 9:17

Gaal geđi máá biiy gaa argeká yiete, kieye, Mu in ko in yé ká ˈdeey háluke, kó mú héllé nyí ká geđichoká mán? gaalí mú yie. Mu gáál ˈdéé hol ˈdú nie, kieye, Mu he máá Waag hí ˈdeem ká shigichoká, yie.

He Ekeny Gál Alb Fimiká 5:5

Aalé Ananías héél maaleká đo le ˈdoy, kufe. Gál héél maaleká lulle sierm guđoká hí faanne.

He Ekeny Gál Alb Fimiká 7:37

Hééllá Móshe tikiˈde giri gál Yisirayel geey-, kieye, Waag máá Waag hí ˈdéé ka shigicho-, hát yúká gálkúnno hurt yé hai gáá ˈdeđicha, muí yieká.

Galátia 1:24

Gaal đo ˈdaachúka Waag meey.